P-Duterte, may National ID na

ni Mary Gutierrez Almirañez | March 4, 2021

Natanggap na ni Pangulong Rodrigo Duterte ang kanyang National ID na iniabot ni National Economic and Development Authority (NEDA) Acting Secretary Karl Kendrick Chua sa Palasyo ng Malakanyang kahapon, Marso 3.

Matatandaang isinabatas ni Pangulong Duterte ang National ID System noong August, 2018 kung saan isang government ID na lamang ang puwedeng gamitin sa pakikipagtransaksiyon. Layunin din nito na pagbutihin ang pamamahala sa gobyerno, bawasan ang katiwalian, wakasan ang red tape at itaguyod ang madaling paggawa ng negosyo at iba pa.

Ayon kay Presidential Spokesperson Harry Roque, "P3.52-billion additional budget for 2021 to register 20 million more individuals to the Philippine Identification System."

Dagdag pa niya, mahigit 50 milyon indibidwal ang kabuuang target ng Philippine Statistics Authority (PSA) na maiparehistro sa bagong ID system ng bansa.

Inatasan ng pamahalaan ang Philippine Statistics Authority (PSA) na pamunuan ang Philippine Identification System (PhilSys) at suportado naman ito ng National Economic and Development Authority (NEDA). Sa ngayon ay patuloy pa rin ang registration para sa National ID kung saan umabot na sa 20,133,869 indibidwal ang nakapagparehistro nationwide.

MM mayors, tutol na lumabas na ang edad 5 - 75

ni Mary Gutierrez Almirañez | February 18, 2021

Nagkasundo ang Metro Manila mayors na ibaba sa edad 15 ang mga papayagang lumabas ng bahay, taliwas sa 5 hanggang 75-anyos na unang rekomendasyon ng National Economic and Development Authority (NEDA).

Ayon kay MMDA Chairman Benjamin Abalos Jr., prayoridad ng mga alkalde ang pagbababa sa edad ng mga papayagang lumabas.

Binigyang-diin din niya ang pagtutol ng mga ito sa pagbubukas ng mga tradisyunal na sinehan. Gayunman, nakahanda pa ring sumunod ang mga ito sa rekomendasyon ng IATF.

Sa ngayon ay pinag-aaralan na ni Pangulong Rodrigo Duterte ang panukala ng mga alkalde.

Giit pa ni Presidential Spokesperson Harry Roque, asahan na ring tatalakayin sa Cabinet meeting sa ika-22 ng Pebrero ang panukalang pilot testing para sa face-to-face classes sa mga lugar na may mababang kaso ng COVID-19.

Aniya, ang mga panukalang iyan ay dahan-dahang ipatutupad sa loob ng limang taon habang umuusad ang vaccination program ng pamahalaan.

MGCQ sa buong bansa, isinusulong

ni Mary Gutierrez Almirañez | February 16, 2021

Inirekomenda ng National Economic and Development Authority (NEDA) kay Pangulong Duterte na gawing modified general community quarantine (MGCQ) na ang buong Pilipinas simula ika-1 ng Marso.

Ayon sa survey, 73 % umano ng mga Pilipino ang nagsabi na dapat nang balansehin ang ekonomiya at pagkontrol sa virus.

Sakaling sumipa ang bilang ng COVID-19 sa ilang lugar ay puwede naman 'yung idaaan sa localize lockdown.

Kabilang sa mga rekomendasyon ng NEDA ay; -Dagdagan ang public transportation hanggang 70% -Dagdagan ang bike lanes -Ibalik ang provincial buses -Ibalik ulit ang pilot testing ng face-to-face classes sa low-risk areas -Payagan nang lumabas ang edad 5 hanggang 70-anyos Sa Pebrero 22 pa pag-uusapan sa cabinet meeting ang magiging desisyon ng pangulo hinggil sa mga rekomendasyong ito.