top of page
Search

5 lugar sa Kyusi, ini-lockdown

  • BULGAR
  • Apr 29, 2021

ni Mary Gutierrez Almirañez | April 29, 2021




Limang lugar sa Quezon City ang nadagdag sa 52 na isinasailalim sa special concern lockdown, ayon sa lokal na pamahalaan ng lungsod.


Batay sa ulat, ipinatupad nila ang 14-day lockdown dahil mahigit tig-sampung indibidwal na ang nagpositibo sa COVID-19 sa mga sumusunod na lugar:

  • Iriga St. sa Brgy Sta Teresita

  • Gen Yongco St. sa Brgy Bagong Silangan

  • Del Mundo St. sa St Martin Village, Barangay Talipapa

  • Lazaro St. sa Lazaro-Soriano Compound, Brgy. Tandang Sora

  • Road 2, Lakas St. sa Brgy Matandang Balara

Nilinaw naman ng lungsod na makatatanggap ng food pack ang mga naka-lockdown na lugar.


Sa ngayon ay sinimulan na nilang isagawa ang swab testing sa bawat residente at ang mga magpopositibo ay kaagad nilang ia-isolate sa isolation facility upang maagapan ang hawahan.


Kaugnay nito, umabot na rin sa 87% hanggang 97% ang occupancy rate ng mga government hospital sa lungsod, kung saan 70,393 ang mga nakarekober sa virus.



Nananatili namang Quezon City ang nangunguna sa buong National Capital Region (NCR) na may pinakamataas na kaso ng COVID-19, mula sa 89,550 na naitala ng Department of Health (DOH).

 
 

MECQ sa NCR Plus, extended... "Wala naman akong magawa" - PDu30

  • BULGAR
  • Apr 29, 2021

ni Mary Gutierrez Almirañez | April 29, 2021




Mananatili hanggang sa ika-14 ng Mayo ang modified enhanced community quarantine (MECQ) sa National Capital Region (NCR) kabilang ang Bulacan, Rizal, Cavite, at Laguna upang matiyak ang patuloy na pagbaba ng COVID-19 sa bansa, ayon kay Pangulong Rodrigo Duterte.


Aniya, "I’m sorry that I have to impose a longer… Modified Enhanced Community Quarantine kasi kailangan… Nag-spike ang infections at ospital natin, puno… Alam ko na galit kayo, eh, wala naman akong magawa."


Samantala, extended naman ang MECQ hanggang sa katapusan ng Mayo sa mga sumusunod pang lugar:

  • Apayao

  • Baguio City

  • Benguet

  • Ifugao

  • Kalinga

  • Mountain Province

  • Cagayan

  • Isabela

  • Nueva Vizcaya

  • Batangas

  • Quezon

  • Tacloban City

  • Iligan City

  • Davao City

  • Lanao del Sur

Ang mga hindi naman nabanggit na lugar ay nasa ilalim na ng modified general community quarantine (MGCQ) o ang pinakamaluwag na quarantine classifications.


Sa ngayon ay pumalo na sa 1,020,495 ang kabuuang bilang ng COVID-19 sa bansa, kung saan 67,769 ang aktibong kaso, mula sa 6,895 na mga nagpositibo kahapon.


Nananatili namang Quezon City ang may pinakamataas na naitatalang kaso sa NCR.

 
 
RECOMMENDED
bottom of page