NBI nagbabala sa mga delivery scams

ni Jasmin Joy Evangelista | October 27, 2021

Nagbabala ang National Bureau of Investigation sa publiko ukol sa dumadaming kaso ng delivery scam sa bansa.

Ayon kay NBI cybercrime division chief Victor Lorenzo, karamihan sa mga nabibiktima ng scam na ito ay mga delivery rider.

"Talagang nuisance lang, pang-iinis lang. Gusto lang makaperwisyo kasi hindi namin nakikita na kinancel," aniya sa isang panayam.

"Kapag for financial gain 'yung modus, organized 'yun. 'Yun ang tinututukan namin. Pero 'yung iba, 'yung nuisance scammers lang, 'yung pang-iinis lang, medyo hindi nasusundan 'yun kasi ayaw i-substantiate ng mga sumusulat sa amin 'yung complaints nila," dagdag niya.

May babala naman si Lorenzo sa mga taong sangkot sa fake bookings o fake orders dahil aniya, may kaukulang parusa sa identity theft na aabot mula 6 hanggang 12 taong pagkakakulong.

Shabu sa face mask, buking, construction worker, arestado

ni Lolet Abania | July 4, 2021

Arestado ang isang construction worker matapos makuhanan ng hinihinalang shabu sa ikinasang buy-bust ng mga operatiba ng National Bureau of Investigation ngayong Linggo sa Iligan City.

Kinilala ang suspek na si Jesty Estifano, 31-anyos, may asawa, umano’y tubong Lumba Bayabao, Lanao del Sur. Isinagawa ng NBI ang kanilang buy-bust operation sa Purok 24A, Zone 10, Barangay Maria Christina bandang alas-3:00 ng hapon ngayong araw.

Sa pahayag ni Atty. Abduljamal Dimaporo ng NBI-Iligan, bumaba ang suspek sa isang intersection kung saan maraming tao at motorista na dumaraan habang ilang oras na naghihintay ang mga operatiba sa napagkasunduang lugar.

Agad na ibinigay ng suspek ang kontrabando nang makalapit na ito sa asset ng NBI na nagpanggap na buyer. Mabilis namang sinunggaban ng mga operatiba ng NBI ang suspek na nagtangka pang tumakas subalit naharang ito saka nadakip.

Ayon sa mga awtoridad, matagal na umano nilang minamatyagan ang suspek bago pa ikinasa ang operasyon. Itinanggi naman ng suspek ang nangyari at sinabing unang beses pa lang niya ito umanong ginawa at napag-utusan lamang daw siya.

Narekober sa suspek ang isang pakete ng hinihinalang shabu na nakasilid sa itim na face mask, marked money, cellphone, wallet, at identification card. Nakadetine na sa custodial facility ang suspek habang nahaharap sa kasong paglabag sa Republic Act No. 9165 o Comprehensive Dangerous Drugs Act of 2002.

Arestado ang isang construction worker matapos makuhanan ng hinihinalang shabu sa ikinasang buy-bust ng mga operatiba ng National Bureau of Investigation ngayong Linggo sa Iligan City. Kinilala ang suspek na si Jesty Estifano, 31-anyos, may asawa, umano’y tubong Lumba Bayabao, Lanao del Sur.

Isinagawa ng NBI ang kanilang buy-bust operation sa Purok 24A, Zone 10, Barangay Maria Christina bandang alas-3:00 ng hapon ngayong araw.

Sa pahayag ni Atty. Abduljamal Dimaporo ng NBI-Iligan, bumaba ang suspek sa isang intersection kung saan maraming tao at motorista na dumaraan habang ilang oras na naghihintay ang mga operatiba sa napagkasunduang lugar.

Agad na ibinigay ng suspek ang kontrabando nang makalapit na ito sa asset ng NBI na nagpanggap na buyer. Mabilis namang sinunggaban ng mga operatiba ng NBI ang suspek na nagtangka pang tumakas subalit naharang ito saka nadakip.

Ayon sa mga awtoridad, matagal na umano nilang minamatyagan ang suspek bago pa ikinasa ang operasyon. Itinanggi naman ng suspek ang nangyari at sinabing unang beses pa lang niya ito umanong ginawa at napag-utusan lamang daw siya.

Narekober sa suspek ang isang pakete ng hinihinalang shabu na nakasilid sa itim na face mask, marked money, cellphone, wallet, at identification card. Nakadetine na sa custodial facility ang suspek habang nahaharap sa kasong paglabag sa Republic Act No. 9165 o Comprehensive Dangerous Drugs Act of 2002.

Nurse, medtech at Chinese na nagbenta ng Sinovac, arestado

ni Lolet Abania | July 2, 2021

Muling ipinaalala ng Department of Health (DOH) sa publiko na ang mga COVID-19 vaccines ay hindi ipinagbibili matapos na tatlo umanong sellers ng Sinovac doses ang inaresto.

Una nang sinabi ng National Bureau of Investigation (NBI) na nadakip nila ang tatlo sa apat na suspek na sangkot sa pagbebenta ng COVID-19 vaccines.

Isang entrapment operation ang ikinasa ng NBI Task Force Against Illegal Drugs (NBI-TFAID) kung saan nadakip ang isang nurse, isang medical technologist at isang Chinese na nagbebenta umano ng Sinovac vaccines.

Nakatanggap ng impormasyon ang NBI hinggil sa pagbebenta ng grupo ng nasabing bakuna. Isang poseur buyer ang bumili sa mga suspek ng 300 doses ng CoronaVac na nagkakahalaga ng P840,000.

Ayon pa sa NBI, kadalasang buyer nito ay mga Chinese.

Inaalam na rin ng ahensiya kung saan nanggaling ang supply nila ng naturang bakuna. Nagpahayag naman ng kalungkutan si DOH Undersecretary Maria Rosario Vergeire nang mabatid ang insidente.

“Bakit kailangang magkaroon ng ganitong pagkakataon na people are taking advantage of what we have right now?” ani Vergeire sa briefing ngayong Biyernes.

Hinimok naman ng kalihim ang publiko na tumanggap lamang ng COVID-19 vaccine mula sa gobyerno at hindi sa iba pa.

“‘Wag po kayong bibili sa ibang mga tao dahil wala po silang pagkukunan ng bakunang ‘yan, because it is just national government which can access these vaccines for now,” paliwanag ni Vergeire.

“Kahit isang dose lang po ng bakuna ang nasasayang dahil sa mga ganitong pamamalakad ay napakaimportante na po para sa atin,” dagdag niya.

Ang tatlong naarestong indibidwal ay sasampahan ng kaso dahil sa paglabag sa Food and Drug Administration Act.