EBET Framework Act, sagot sa unemployment at job-skills mismatch

ni Nancy Binay @Be Nice Tayo | Nov. 7, 2024

Noong Huwebes ay naging saksi ang inyong lingkod sa paglagda ni Pangulong Ferdinand “Bongbong” Marcos Jr. sa Republic Act no. 12063 na mas kilala bilang Enterprise-Based Education and Training (EBET) Framework Act.

Layon ng batas na ito na tugunan ang problema sa job-skills mismatch, underemployment, at unemployment sa bansa.

Ang nasabing batas ay kabilang sa priority measures ng administrasyon upang mas palawakin pa ang training opportunities para sa mga indibidwal na nais matuto o i-develop ang kanilang kakayahan.

Sa tulong ng batas na ito, magkakaroon tayo ng resilient at globally competitive na Filipino workforce na kayang sumabay sa nagbabagong labor market.

☻☻☻

Nakaayon ang EBET Framework Act sa mga hakbang ng pamahalaan upang palakasin, i-rationalize at pagsamahin ang iba’t ibang enterprise-based training modalities sa iisang framework upang matugunan ang job-skills mismatch.

Sa ilalim nito, isusulong ang pagtutulungan ng gobyerno, stakeholders, at pribadong sektor sa technical-vocational education at enterprise-based training programs.

Itataas din ang tax incentives para sa mga negosyong mag-aalok ng General EBET On-the-Job Trainings, Apprenticeships, at Upskilling.

☻☻☻

Magandang balita ang pagsasabatas ng EBET Act.

Buo ang suporta natin sa pagpapalakas ng ating labor force at ang batas na ito ay isang mahalagang hakbang tungo rito.

Umaasa tayo na makatutulong ito upang mas humusay ang mga manggagawang Pilipino sa pamamagitan ng mga training programs na hatid ng nasabing batas.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Karahasan at pang-aabuso sa mga bata, dapat matigil

ni Nancy Binay @Be Nice Tayo | Nov. 7, 2024

Tuwing buwan ng Nobyembre ay obserbasyon ng National Children’s Month.

Ayon sa Council for the Welfare of Children (CWC), na isang attached agency ng Department of Social Welfare and Development (DSWD), ang tema para sa paggunita ng ika-32 National Children’s Month ay ang pagsisikap na matigil ang lahat ng porma ng karahasan laban sa mga bata.

☻☻☻

Ayon kay CWC executive director Undersecretary Angelo Tapales, nasa 18,756 ang naitalang insidente ng child rights violation ng Philippine National Police-Women and Children Protection Center (PNP-WCPC) noong 2023.

Sa bilang na ito, 17,304 kaso ay mga kaso ng violence against children (child abuse), rape, at acts of lasciviousness. 

Ilan pang nakababahalang datos — ayon sa data mula sa International Justice Mission (IJM) at University of Nottingham’s Rights LabNearly, isa sa bawat isang daan (one in every 100) na bata sa bansa ay biktima ng trafficking para gumawa ng child sexual exploitation material noong 2022.

Ayon din sa parehong report, halos quarter million na matandang Pilipino, o halos 3 in 1,000, ang sangkot sa child trafficking para sa ganitong balakin.

☻☻☻

Kailangang mapuksa natin ang banta ng karahasan laban sa mga bata sa lalong madaling panahon.

Kaya’t nananawagan tayo sa pamahalaan na lalo pang paigtingin ang mga hakbang upang mailigtas ang mga bata kontra pang-aabuso.

Kabilang na rito ang maayos na implementasyon ng mga batas gaya ng Republic Act 11930, o Anti-Online Sexual Abuse and Exploitation of Children Law, Republic Act No. 7610, o ang Special Protection of Children Against Abuse, Exploitation and Discrimination Act, at iba pa.

Mahalaga rin na lumikha ang mga local government unit, katuwang ang mga civic organizations at ang komunidad, ng sistema na poprotekta sa mga bata. 

Karapatan ng mga bata na lumaki sa mapagmahal at mapagkalingang paligid, na ligtas sa panganib ng pang-aabuso.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Tuloy ang paghatid ng tulong sa mga biktima ng bagyo

ni Nancy Binay @Be Nice Tayo | Nov. 3, 2024

Tuluy-tuloy ang pagbibigay tulong ng pamahalaan para sa mga biktima ng mga Bagyong Kristine at Leon.

Sa kasalukuyan, 217 na bayan at 29 na lungsod mula sa 14 na probinsya ang nagdeklara ng state of calamity dahil sa matinding epekto ng dalawang bagyo.

Ayon pa sa balita, ang buong lalawigan ng Albay, Batangas, Camarines Norte, Camarines Sur, Catanduanes, Cavite, Laguna, Quezon, at Sorsogon ay nagdeklara na ng state of calamity.

Tinatayang aabot sa 2,028,282 pamilya ang naapektuhan at 743,576 katao ang kasalukuyang nasa mga evacuation center.

Nauna nang sinabi ng National Disaster Risk Reduction and Management Council (NDRRMC) na umabot na sa 150 ang mga namatay dahil sa mga Bagyong Kristine at Leon.

Samantala, naitala din na umabot na sa 30 katao ang nawawala at 122 naman ang nasugatan.

Dagdag ng ahensya, naglaan ng P895.658 million ang pamahalaan para tulungan ang mga naapektuhan ng bagyo.

Ayon naman sa DSWD, 890,000 relief packs na ang kanilang naipamigay sa mga apektadong LGU.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay