Oras ng puwedeng mag-apply ng passport, i-extend

ni Nancy Binay - @Be Nice Tayo | March 27, 2022

Kamakailan lamang ay inanunsiyo ng Philippine Atmospheric, Geophysical and Astronomical Services Administration (PAGASA) ang paghina ng amihan o northeast monsoon.

Ang amihan ang nagdala sa atin ng malamig na hangin mula sa Siberia at karatig lugar na nagbunga ng malalamig na araw nitong mga nagdaang buwan, lalo na noong Disyembre.

Sa paghina ng amihan ay nangangahulugang nariyan na ang tuyo't mainit na panahon o hot and dry season na mas akmang tawag imbes sa nakagawiang “summer” dahil hindi naman umiiral sa bansa ang apat na seasons kumpara sa temperate climate, halimbawa, ng Amerika.

Nanawagan naman ang PAGASA na maging masinop sa paggamit ng tubig, lalo ngayong pinangangambahang magkakaroon ng limitadong supply nito sa Kamaynilaan at mga karatig lugar.

Manatili po tayong hydrated o laging uminom ng tubig, magsuot ng magagaang na damit, at kung maaari, umiwas sa matinding sikat ng araw mula tanghali hanggang early afternoon upang makaiwas sa heat stress o heat stroke.

☻☻☻

Sa gitna ng init ng panahon ay ilang kababayan natin ang nagtiis at pumila sa DFA upang makakuha ng passport at iba pang dokumento nitong nakaraang linggo.

Bago pa man maghatinggabi noong Miyerkules ay mahaba na ang pila sa opisina ng DFA sa Aseana, Parañaque City ngunit mayroong limit ang maaaring makapasok.

Inatasan naman ni DFA Secretary Teddy Locsin ang mga kawani ng ahensiya na asikasuhin ang mga aplikante.

Nawa’y dagdagan pa ng ahensiya ang mga tanggapan nito, lalo na sa mga probinsiya, na maaaring puntahan ng ating mga kababayan para makakuha ng kanilang mga kinakailangang dokumento.

Ito ay upang hindi na gumastos nang malaki para sa pamasahe at iba pa ang ating mga kababayan, at hindi makipagsiksikan at mag-unahan ngayong panahon ng pandemya.

Maaari ring habaan ang oras na puwedeng mag-apply ng passport at iba pang dokumento para mabawasan ang backlog.

☻☻☻

Paalala lamang sa lahat na manatili sa loob ng bahay, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Paggunita ng World Tuberculosis Day, paalala na ‘wag dedmahin ang TB

ni Nancy Binay - @Be Nice Tayo | March 24, 2022

Tuwing March 24, ginugunita ang World Tuberculosis Day.

Hindi masyadong napagtutuunan ng pansin dahil sa kasalukuyang pandemya, ngunit patuloy pa rin ang banta ng TB sa bansa.

Ayon kay Dr. Camilo Roa ng Philippine Tuberculosis Society, Inc., nasa 27,000 katao ang namamatay kada taon dahil sa TB. Pang-12 ang TB sa mga nangungunang sanhi ng pagkamatay ng mga Pilipino noong 2021, ayon sa Philippine Statistics Authority.

Sinabi naman ng World Health Organization na noong 2020, 1.5 milyon ang namatay dahil sa TB sa buong mundo.

☻☻☻

Masaklap ang mga datos na ito sapagkat ang TB ay isang sakit na kayang gamutin kung maagap ang pagtugon dito.

Hinihimok natin ang pamahalaan na pagtuunan ng pansin ang sakit na ito.

Kailangang mapataas ulit natin ang case detection sa bansa, lalo pa’t noong 2020 ay bumaba ng 59 percent ang bilang ng mga pasyenteng nagpapa-test para sa TB dahil sa pandemya.

Kailangan ding lalo pang mapadali ang access lalo ng mga mahihirap sa treatment upang ma-engganyo silang magpagamot.

☻☻☻

May commitment ang Pilipinas noong 2018 sa United Nations High Level Meeting on TB na hanapin at gamutin ang 2.5 milyong TB patients pagdating ng 2022.

Interesado tayong malaman kung umuusad ba tayo sa planong ito, at kung ano ba ang mga dapat gawin at idagdag upang magampanan ang pangakong ito.

Magtulungan nawa ang lahat upang masugpo ang banta ng tuberculosis sa bansa.

☻☻☻

Paalala lamang sa lahat na manatili sa loob ng bahay, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

De-kalidad na edukasyon para sa mga learners with disabilities

ni Nancy Binay - @Be Nice Tayo | March 20, 2022

Special Education (SPED) sa ating bansa, mas pinalakas pa.

Ito ay sa pamamagitan ng Republic Act number 11650, o ang “Instituting a Policy of Inclusion and Services for Learners with Disabilities in Support of Inclusive Education Act”.

Nilagdaan ang batas na ito kamakailan ng Pangulo, at isa ang inyong lingkod sa may-akda nito.

☻☻☻

Ayon sa pagtataya, nasa mahigit limang milyong batang Filipino ang may kapansanan, ngunit maaaring mas mataas pa ang numero dahil sa kakulangan ng eksaktong datos.

Noong 2019 naman, ayon sa DSWD, nasa 60 percent ng children with disabilities ang wala sa mga paaralan.

☻☻☻

Kasama sa polisiya ng bansa ang protektahan at isulong ang karapatan ng lahat ng mamamayan para sa de-kalidad na edukasyon sa lahat ng antas ng pag-aaral.

Kailangan ding maging accessible ito sa lahat, nasa pampubliko o pribadong paaralan man.

Kinikilala, pinoprotektahan, at isinusulong ng batas na ito ang karapatan sa edukasyon ng lahat ng learners with disabilities, sa pamamagitan ng pantay na oportunidad at nagtitiyak na hindi ito ipagkakait sa kanila.

Upang magawa ito, layon ng batas na magtatag at magpanatili ng Inclusive Learning Resource Centers of Learners with Disabilities (ILRC) sa lahat ng lokal na pamahalaan sa ating bansa.

Ilan sa mga tungkulin ng ILRC:

• Hanapin at i-evaluate ang lahat ng learners with disabilities na hindi nakakatanggap ng early at basic education services, at maisama sila sa general education system

• Gamitin ang expertise ng isang multidisciplinary team upang gumawa ng educational assessment at diagnoses ng learners with disabilities

• Magbigay ng akmang suporta at serbisyo sa mga learner with disabilities, kasama na ang school-based trainings

• Gumawa at panatilihin ang pagkakaroon ng akmang teaching at instructional materials

• Mag-monitor at panatilihin na ang learners with disabilities ay nakakatanggap ng mga kinakailangang serbisyo

☻☻☻

Nais ng batas na ito na mabigyan pa ng mas maraming oportunidad ang ating mga kabataang may kapansanan na lumaking mga produktibong miyembro ng ating bansa.

Hinihimok natin ngayon ang mga ahensiya ng pamahalaan na balangkasin agad ang implementing rules and regulations upang agarang maipatupad ang batas na ito.

☻☻☻

Paalala lamang sa lahat na manatili sa loob ng bahay, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay