Omicron XE, ‘wag hayaang makalusot

ni Nancy Binay - @Be Nice Tayo | April 10, 2022

May panibagong binabantayang COVID-19 variant na naman, ang Omicron XE.

Ayon sa mga eksperto, ito ay bunga ng pinagsanib na BA.1 at BA.2 Omicron sub-lineages. Una itong nakita sa United Kingdom noong Enero.

Ayon pa sa kanila, nagpapakita ito ng senyales ng mas mataas na transmissibility o paghahawa ngunit hindi ito inaasahang magdudulot ng mas malalang COVID-19.

Sa isang banda, hindi raw nito mapapababa ang bisa ng COVID-19 vaccines.

☻☻☻

Ngunit hindi pa rin tayo dapat makampante dahil na rin sa mga sinabi ng mga eksperto.

Mayroon pa rin kasing mga lugar sa bansa ang mababa ang vaccination rate, tulad ng Bangsamoro Autonomous Region in Muslim Mindanao (BARMM) na may tinatayang 1.5 milyong residente na hindi pa bakunado sa rehiyon.

Ayon sa huling tala ng DOH, mayroon nang 66.2 milyong Filipino ang bakunado sa buong bansa. Nasa 12.2 milyon naman ang nakatanggap na ng booster shot, ngunit mababa ang bilang na ito, dahil 26.25 percent lamang ito ng 46.47 milyong Filipino na maaaring kumuha nito.

☻☻☻

Nakakabahala ang sinabi ni Joey Concepcion, ang Presidential Adviser for Entrepreneurship, na may tinatayang 27 milyong doses ng bakuna ang malapit nang mag-expire.

Kailangang magmadali ngayon ang pamahalaan na magamit ang mga bakunang ito, dahil bukod sa malapit na itong ma-expire, ay bayad gamit ang buwis ng taumbayan.

Isang malaking kasayangan ito ng pondo ng bansa, lalo na at marami pa sa ating mga kababayan ang hindi bakunado at hindi pa nakakakuha ng kanilang booster shot.

☻☻☻

Bagama’t boluntaryo naman ang pagpapabakuna, patuloy po nating hinihimok ang ating mga kababayan na magpabakuna, para na rin maiwasan ang malubhang pagkakasakit ng COVID-19.

Ito rin ay upang maiwasan ang muling pagsipa ng mga kaso, lalo at maraming mga tao ang nakikilahok sa election activities, at ang iba ay hindi na sumusunod sa minimum health standards.

Sinasabi rin ng mga eksperto na mapipigilan nito na mabigyan ang virus ng pagkakataong mag-mutate at makagawa ng mas matinding version.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Mga batang maliit para sa kanilang edad, kailangang tutukan

ni Nancy Binay - @Be Nice Tayo | April 7, 2022

Kamakailan lang, inanunsyo ng Department of Science and Technology na binigyan nito ng pondo ang University of the Philippines-Los Baños para sa isang research and development project.

Layunin ng naturang proyekto na saliksikin ang kesong puti para sa potential high-value growth food supplements na tutulong sa pagtugon sa problema ng child stunting.

Umaabot sa P12.3 million ang suportang ibinigay ng DOST-Philippine Health Research and Development.

☻☻☻

Matagal na nating problema ang child stunting sa bansa.

Ayon sa report ng World Bank noong 2021, 29 percent ng mga bata sa Pilipinas, o 1 in 3 children younger than 5 years old, ay stunted o maliit para sa edad nila.

Dagdag pa ng report na panlima ang bansa sa East Asia and Pacific region na may pinakamataas na bilang ng stunting, at nasa top 10 tayo sa buong mundo sa may pinakamataas na bilang ng mga stunted na bata.

Wala rin daw halos naging improvement sa loob ng halos tatlong dekada sa pagbabawas ng bilang ng undernourished na mga bata sa bansa.

Samantala, sinasabi ng Unicef na umaabot sa $4.5 billion o P224 billion kada taon ang losses ng bansa dahil sa undernutrition. At para sa bawat $1 na ini-invest sa nutrition program, makakapag-ipon ang ekonomiya ng $12 sa forgone earnings at health expenditures na sanhi ng undernutrition.

☻☻☻

Malaking investment ang kinakailangan upang matugunan ang child stunting sa bansa.

Ayon sa DOST-Food and Nutrition Research Institute (DOST-FNRI), nasa P6.5 billion ang kailangang pondo ng bansa para matulungan ang 3.64 million stunted children na nasa edad 6 months to 3 years old.

Nanawagan din ang DOST sa private sector at civil society na makipagtulungan sa pagtugon sa child stunting.

Tunay nga namang hindi makakayang tugunang mag-isa ng pamahalaan ang isyung ito. Kaya kinakailangang patuloy na lumikha ng strategic partnerships sa pagitan ng pamahalaan, private sector, civil society, at maging sa mismong mga kababayan natin.

Magiging mas mahalaga rin ang papel ng mga lokal na pamahalaan sa hamong ito dahil sa devolution ng health services kaugnay ng Garcia-Mandanas ruling na nagtatakda ng mas malaking share sa national revenue ng mga local government unit.

Nawa’y magtulungan ang lahat nang masugpo natin ang balakid na ito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Suporta para sa muling pagbangon ng turismo

ni Nancy Binay - @Be Nice Tayo | April 3, 2022

Dahil sa patuloy na pagbaba ng kaso ng COVID-19 sa bansa, unti-unti nang nabibigyan ng pagkakataon na bumangon muli ang tourism industry.

Dumarami na ang mga lugar na nasa Alert Level 1 and 2, na senyales ng pagkahanda na muling tumanggap ng mga turista.

Isa ang turismo sa mga sektor na pinakanaapektuhan ng pandemya. Noong 2020, umabot sa P400 billion ($8.3 billion) ang revenue loss ng bansa dahil sa pagtigil ng turismo.

☻☻☻

Nanawagan tayo sa Department of Tourism na bigyan ng lahat ng kinakailangang promotional, training, at financial support ang mga tourist sites ngayong niluwagan na ang travel restrictions.

Ilan sa mga suportang dapat ibigay ng DOT ay marketing support para ma-recover ang market share, maibalik ang visitor confidence at awareness.

Malaki rin ang maitutulong ng training para sa mga tourism workers. Kailangang magtulungan din ang DOT at mga local government unit sa pag-update sa mga local tourism plans nang masigurong compliant at naka-adjust na ito sa new normal.

Dapat ding simulan na ang mapping ng tourism sites and establishments nang ma-monitor ang compliance ng mga ito sa mga health protocol, structural/configurational retrofitting, staff orientation, at contact tracing measures.

☻☻☻

Marami pang oras, effort, at resources ang bubunuin bago natin maabot ang pre-pandemic numbers sa turismo.

Ngunit naniniwala ako na kapag naisaayos ang key performance indices sa tourism industry sa new normal setting, malaki ang tsansa na magtuluy-tuloy ang pagsigla ng ekonomiya ng bansa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay