Full support sa mga programa at proyekto ng bagong administrasyon

ni Nancy Binay - @Be Nice Tayo | May 29, 2022

Pirma na lang ng Pangulo at magiging ganap na batas na ang Senate Bill Number 2484, o ang panukalang nagko-convert sa mga Provincial Science and Technology Center sa Provincial Science and Technology Office.

Noong nakaraang Lunes ay ipinasa na ng Senado ang panukalang ito sa ikatlo at pinal na pagbasa.

Nais ng panukalang batas na ito na palakasin ang ating mga PSTC upang lalo pa nitong magampanan ang mandato nito na maghatid ng siyensya at teknolohiya sa ating mga kababayan, lalo sa mga lalawigan.

Dekada na itong nilalaban ng mga kawani ng DOST at malaking tulong kung ito ay magiging ganap na batas sa lalong madaling panahon.

Makakatulong din ang panukalang ito upang maiwasan ang brain drain ng mga magagaling at talentadong kawani ng DOST, lalo na at nasa gitna tayo ng pandemya.

Ang inyong lingkod, bilang tagapangulo ng Senate committee on Science and Technology, ang principal sponsor ng panukalang ito.

☻☻☻

Sa isang banda ay nais kong kunin ang pagkakataon na ito upang bigyang pugay at parangal ang bagong hirang na Pangulo at Pangalawang Pangulo ng ating bansa.

Nitong nakaraang Miyekules ay ipinroklama sina Ferdinand 'Bongbong' Marcos, Jr. at Sara Duterte bilang ika-17 na pangulo at ika-15 na pangalawang pangulo ng Pilipinas matapos ang canvassing ng Kongreso.

Kasama ang inyong lingkod sa Senate contingent na bumuo sa National Board of Canvassers.

Bilang isang opisyal ng bansa, makakaasa ang bagong administrasyon na tutulong tayo upang makamit ang adhikaing mapaganda ang buhay ng ating mga kababayan, lalo ngayong nasa gitna tayo ng pandemya.

Magbibigay din tayo ng mga suhestiyon at rekomendasyon upang lalo pang mapalakas ang mga panukalang batas na ihahain, pati na ang mga programa at proyekto ng administrasyon.

Panalangin ko rin na nawa’y gabayan at tulungan ng Maykapal kaming lahat na opisyal ng bayan upang magampanan namin ang aming mga tungkulin at responsibilidad sa bayan at sa ating mga kababayan.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Lifetime validity ng birth, death at marriage certificates, bawas-gastos

ni Nancy Binay - @Be Nice Tayo | May 26, 2022

Nitong Martes, sinimulan ng National Board of Canvassers ang pagtatala ng boto para sa pagka-pangulo at pangalawang pangulo.

Kabilang tayo sa Senate contingent na bumuo ng NBOC. Ang iba pang kasama sa NBOC ay sina Senate Majority Leader Juan Miguel Zubiri, Senate President Pro Tempore Ralph Recto, Minority Leader Franklin Drilon, Sens. Pia Cayetano, Imee Marcos, at Grace Poe.

Ang contingent naman ng House of Representatives ay binubuo nina Majority Leader Martin Romualdez, Cavite Rep. Crispin Remulla, Cavite Rep. Abraham Tolentino; Pampanga Rep. Juan Bondoc; Negros Occ. Rep. Juliet Ferrer; Ilocos Sur Rep. Kristine Singson-Meehan; at AAMBIS-OWA Partylist Rep. Sharon Garin.

Makakaasa ang ating mga kababayan na hindi natin mamadaliin ang proseso ng canvassing.

☻☻☻

Samantala, nitong Lunes naman ay ipinasa ang isang panukalang batas na nagtatakda na bigyan ng lifetime validity ang birth, death, at marriage certificates na iniisyu ng Philippine Statistics Authority o ng National Statistics Office.

Ipinasa sa third and final reading ang Senate Bill No. 2450, o ang Permanent Validity of the Certificates of Live Birth, Death, and Marriage Act.

Sa tulong ng panukalang batas na ito, hindi na mapeperhuwisyo ang ating mga kababayan na paulit-ulit nag-a-apply ng mga papeles dahil sa hindi malinaw ang period of validity ng mga ito.

Ibig sabihin, bawas-gastos, at hindi na mapipilitang magsayang ng oras ang mga estudyante't manggagawa sa paulit-ulit na pagkuha ng mga papeles na ito.

Nauna nang nagpasa ang Lower House ng counterpart bill nila, kaya umaasa tayong sa lalong madaling panahon ay maisabatas na ito.

☻☻☻

Lubos ang ating pagkalungkot sa pagpanaw ni "Queen of Philippine Movies" Susan Roces.

Hindi naging acting para kay Tita Susan ang pagiging mabait at matulungin sa kapwa, bagkus ay totoong pagkatao niya.

Tita Susan, maraming salamat po sa pagkakaibigang ipinamalas mo sa aming pamilya. Isang bansa ang nagdadalamhati sa pagpanaw ninyo.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Makiisa sa 'Chikiting Bakunation Days'

ni Nancy Binay - @Be Nice Tayo | May 22, 2022

Nananawagan tayo sa mga magulang na makiisa sa libreng programa ng DOH, UNICEF, at WHO upang mabigyan ng bakuna laban sa iba’t ibang sakit ang ating mga anak.

Ang Chikiting Bakunation Days ay gaganapin sa Huwebes, Mayo 26, hanggang Biyernes, Mayo 27 sa buong bansa.

Ang libreng routine and catch-up immunization program ay para sa ating mga chikiting na nakaliban sa kanilang bakuna noong nakaraang taon dahil sa pandemya.

Target ng programang ito na mabakunahan ang tinatayang isang milyong bata na vaccine eligible.

Hinihimok natin ang mga magulang at mga guardians na makipag-ugnayan sa pinakamalapit na health centers. Ito ay gaganapin din sa huling Huwebes at Biyernes ng Hunyo 2022.

☻☻☻

Kamakailan lamang ay inanunsyo ng PAGASA ang pagsisimula ng rainy season sa ating bansa.

Ipinaabot din natin ang ating paalala sa lahat na maging mapagmatyag sa mga sakit na dulot ng baha at nakatenggang tubig tulad ng leptospirosis at dengue.

May mga ilang lugar sa ating bansa ang nagtala ng pagtaas ng kaso ng dengue, partikular na sa Cebu City na nakapagtala ng 422 na kaso mula Enero hanggang Mayo ng taong ito.

Ito ay katumbas ng mahigit 1,000% na pagtaas ng kaso, mula sa 36 na kasong naitala noong 2021.

Maaari tayong makatulong na maiwasan ang dengue sa pamamagitan ng pagtatanggal ng mga puwedeng pamugaran ng lamok tulad ng bote at lata.

Ang mga biglaang pagbuhos naman ng ulan ay maaaring magdulot ng baha na maaaring may dala ng bacteria na nagdudulot ng leptospirosis. Hangga’t maaari ay iwasang lumusong sa baha, lalo na kung may sugat.

Nakikiusap naman tayo sa mga awtoridad na bilisan at dalasan ang flood-control measures sa kanilang nasasakupan upang maiwasan ang pagbaha.

☻☻☻

Sa ating masusing pag-iingat ay maiiwasan natin ang pagkakasakit. Manatili po sana tayong malusog.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay