Strategy kontra monkeypox, ilatag na ngayon

ni Nancy Binay - @Be Nice Tayo | August 3, 2022

Nakumpirma na ang pagpasok ng monkeypox sa bansa ilang araw pagkatapos ideklara ng World Health Organization na “global health emergency” ang monkeypox outbreak.

Natuklasan ang unang kaso ng monkeypox sa bansa sa isang 31 taong gulang na Pilipinong dumating mula sa ibang bansa noong July 19.

Umaasa tayo na natuto na ang pamahalaan sa mga aral ng kasalukuyang pandemya at agarang kikilos upang maiwasan ang pagkalat ng monkeypox sa bansa.

Nananawagan tayo sa Department of Health na paigtingin ang kahandaan at kapasidad nito na tumugon sa panibagong banta na ito.

Mayroon na tayong nailatag na framework na ginamit natin laban sa COVID-19. Maaari nating pagsamahin ang 3T (tracing, testing, treatment) strategy kontra-COVID-19 sa kasalukuyang 4-door strategy (prevention, detection, isolation, treatment) ng DOH sa pagtugon sa monkeypox.

☻☻☻

Kailangan ding muling buhayin ng Department of Interior and Local Government ang mga emergency hotline at suriing muli ang local-level coordination sa mga local government unit sa usapin ng surveillance at border control.

Nararapat lang din na sa lalong madaling panahon ay magkaroon ng malawakang information campaign upang malaman ng mga tao kung paano maiiwasan ang monkeypox at kung ano'ng maaaring gawin kung nahawaan sila nito.

Mainam din kung ngayon pa lang ay magtalaga na ng mga special units para sa monkeypox at palakasin ang clinical management, coordination, treatment, vaccination capacity at iba pang kailangan para maiwasan ang pagkalat ng sakit sa mga kababayan natin.

☻☻☻

Umaasa rin tayo na magtakda na ang Pangulong Ferdinand Marcos, Jr. ng bagong Health Secretary na mangunguna sa mga pagsisikap kontra sa monkeypox at sa COVID-19.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

P5.1-B halaga ng bakuna, nasayang lang!

ni Nancy Binay - @Be Nice Tayo | July 31, 2022

Nakapanghihinayang, nakapanlulumo at nakalulungkot.

Ito ay matapos mag-expire ang mahigit 4.2 milyong doses ng COVID-19 vaccines na binili ng private sector, ayon kay Go Negosyo founder at dating Presidential Adviser for Entrepreneurship Joey Concepcion. Dagdag pa niya, nagkakahalaga ng tinatayang P5.1 bilyon ang mga bakuna.

Imbes na nakatulong sana upang mabigyan ng karagdagang proteksyon ang ating mga kababayan kontra COVID-19 ay nauwi ito sa wala.

Nitong Martes (Hulyo 26) lang kasi inilabas ng DOH ang bagong guidelines para sa rollout ng 2nd booster shot.

Sa ilalim nito, kasama sa mga puwedeng magpabakuna ng 2nd booster shot ang mga edad 50 pataas at immunocompromised na edad 18 hanggang 49.

Ngunit nag-expire ang last batch ng Moderna vaccines noong Miyerkules (Hulyo 27), habang Hulyo 31 naman ang expiration ng final batch ng AstraZeneca vaccines, ayon kay Concepcion.

Nawa’y pag-ibayuhin ng DOH at advisers nito ang pakikipag-ugnayan sa kanilang international counterparts, lalo na ‘yung mga nag-aaral ng bisa ng bakuna, upang malaman agad ang pinakabagong resulta ng pag-aaral nila at tutukan ang expiry dates ng bakuna upang maiwasang masayang ito.

Pagtulungan din natin upang lalo pang mapalakas ang vaccination drive ng pamahalaan, lalo na ang booster shots ng mga bulnerableng sektor.

Hindi kasi biro ang perang ginasta upang bilhin ang mga vaccine, lalo na at lubhang naapektuhan ng pandemya ang pribadong sektor.

☻☻☻

Nakikiramay naman tayo sa ating mga kababayan na nasalanta ng nagdaang lindol sa northwestern Luzon, lalo na sa mga lalawigan ng Abra at Ilocos.

Nagpapasalamat din tayo sa Maykapal, na bagama’t may mga namatay ay kakaunti ito.

Ipinaabot natin ang taimtim na pakikiramay at pakikidalamhati sa mga naiwan at umaasang gagaan din ang kanilang kalungkutang nadarama.

Ang aming opisina nama’y nakikipag-ugnayan na sa mga kinauukulan upang makapaghatid ng tulong at maibsan ang bigat na dinadala ngayon ng ating mga kababayan sa Norte.

Tututukan din natin ang pagdinig ng pambansang badyet, upang masiguro na mayroong pondo upang muling makabangong ang ating mga kababayan at maisaayos ang mga nasirang imprastruktura at heritage sites.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Panahon na para mapaunlad ang kabuhayan ng mga magsasaka’t mangingisda

ni Nancy Binay - @Be Nice Tayo | July 29, 2022

Noong Lunes, July 25, idinaos ang pagbubukas ng ika-19 Kongreso at ang unang State of the Nation Address ni Pangulong Ferdinand Marcos, Jr.

Klaro at komprehensibo ang SONA, at binibigyang-diin ang mahahalagang isyu na kailangang tugunan ng pamahalaan.

Natutuwa tayo na ginawang top priority ang food security sa gitna ng patuloy na pagtaas ng presyo ng mga bilihin.

Magiging mahalaga rin ang inilahad niyang plano na gawing modernisado ang agrikultura sa pagresolba sa inseguridad sa pagkain at para na rin mapabuti ang antas ng pamumuhay ng ating mga magsasaka’t mangingisda na nanatiling pinakamahirap na sektor ng lipunan.

Malaki rin ang papel ng pagsulong ng sektor ng agrikultura at maging ng turismo sa paglikha ng trabaho at muling pagbangon ng bansa.

Makakaasa ang pangulo na makikipagtulungan ang Kongreso sa pagsasabatas ng kanyang legislative agenda.

☻☻☻

Tuwing SONA ay itinatampok din ang mga local fabric na ginagamit sa mga kasuotan at accessories ng mga dumadalo.

Nakatutuwa na mas marami na ang sumusuporta sa lokal na pananamit.

Personal na adbokasiya natin ang pagsuporta sa ating local clothing industry.

Mahalagang salik ito ng ating kultura’t kasaysayan na kailangang protektahan.

Makakaasa ang mga kababayan nating sa huling tatlong taon ng inyong lingkod sa Senado ay tututukan natin ang pagsulong ng mga konektadong industriya sa paglikha ng damit. Mula growers, weavers at pagbenta, maraming problema, maraming dapat ayusin at magiging katuwang tayo sa pagresolba ng mga ito.

☻☻☻

Naniniwala rin tayo na kailangang siguruhin ng Department of Education ang paggamit ng teknolohiya sa education system natin, tulad ng sa ibang bansa.

Dahil sa pandemya, napilitan tayong gumamit ng teknolohiya upang maipagpatuloy ang paghahatid ng edukasyon.

Dapat mapadali ang access ng mga mag-aaral at guro sa teknolohiya at mga gadgets na makatutulong sa kanila.

Kailangan ding matutukan ang kahinaan ng mga estudyante sa mathematics, science at reading comprehension sa harap ng mababang performance nila rito.

☻☻☻

Masalimuot ang mga isyu na konektado sa krisis sa edukasyon.

Umaasa tayong gagawing prayoridad ng bagong administrasyon ang pagtugon sa krisis at pati na rin sa mga isyung nakakabit sa muli nating pagbangon mula sa pandemya.

Nawa’y sa muling pagbubukas ng Kongreso sa susunod na Lunes kung kailan idadaos ang unang State of the Nation Address ni Pres. Ferdinand Marcos, Jr. ay ilahad niya ang mga plano para sa pagtugon sa mga problema ng bansa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay