Dedmahin ang mga text na nag-o-offer ng trabaho, rewards, etc.

ni Nancy Binay - @Be Nice Tayo | September 4, 2022

Isa ba kayo sa mga nakatanggap ng text message o messages galing sa (mga) hindi kilalang numero nitong mga nakaraang araw?

Ilan sa mga laman ng mensahe ay nag-o-offer ng kung anumang trabaho, reward o kaya naman ay nakasuhan daw kayo at kailangang ma-settle ito.

Hindi na naman bago ang spam messages kung kaya't mayroong spam filter ang ating messaging apps upang masala ito.

Ngunit nakagugulat na kasama na sa nilalaman ng bagong bersyon ng scam na ito ang inyong pangalan o nickname.

Ilan din sa atin ang natakot o kinabahan, lalo na kung ang ating natanggap na mensahe ay nagsasabing mayroon kang kaso.

☻☻☻

Marami ang umaray dahil sa kaganapang ito, kasama na sina Supreme Court Senior Associate Justice Marvic Leonen at ang ekonomistang si Edson Guido.

Ayon kay Justice Leonen, “Unsolicited or scam text messages on our phones already contain our names. This means that there is a data provider out there that has leaked or sold aor been careless about our information. This makes all of us now vulnerable. Very dangerous.”

Umayon din dito si Digital Pinoys national campaigner Ronald Gustilo, na nagsabing posibleng nakuha ang impormasyon sa mga digital contact tracing forms na ating ginamit noong kasagsagan ng COVID-19 pandemic.

☻☻☻

Iniimbestigahan na ng awtoridad ang bagong bersyon ng scam messages na ito.

Nag-utos na rin ang National Telecommunications Commission (NTC) sa mga telecommunications firms na magbabala sa mga subscriber nito tungkol sa scam.

Maghahain din tayo ng resolusyon sa Senado upang maimbestigahan ito at mapalakas pa ang ating data privacy laws.

Nakakatakot na maaaring nagagamit na pala ang ating mga personal na impormasyon sa kung anumang scam.

Mag-ingat tayong lahat at maging alerto sa mga nagnanais manamantala.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Huwag hayaang pati asin, i-import na rin

ni Nancy Binay - @Be Nice Tayo | August 28, 2022

Nais kong ipahatid ang taos-pusong pasasalamat sa lahat ng nagpaabot ng mensahe at panalangin para sa aking mabilis na paggaling sa COVID-19.

Nakakataba ng puso ang inyong mga aksyon.

Matapos ang ilang araw ng isolation ay nagnegatibo na ang inyong lingkod sa antigen test.

Patuloy tayong nagpapaalala na nariyan pa rin ang COVID-19, kung kaya’t kailangan pa rin nating pag-ibayuhin ang pag-iingat at pagpapanatiling malusog ang ating katawan at kaisipan.

☻☻☻

Sa kabilang banda, nakalulungkot na kasama ang asin sa mga produktong kailangang i-import ng ating bansa.

Ayon sa Department of Agriculture (DA), nakararanas ngayon ng kakulangan ng asin sa mga pamilihan.

Hindi sapat ang produksyon nito sa ating bansa at kinakailangan mag-import upang mapunan ang demand nito, hindi lamang para sa pagkain, kundi pati na rin ng commercial at industrial sectors.

Ayon pa sa DA at least kalahating bilyong piso ang kakulangan ngayon sa produksyon ng asin sa bansa.

Dagdag naman ng Philippine Chamber of Agriculture and Food Inc., inaangkat ng bansa ang 93% ng kailangang asin nito.

☻☻☻

Isang kabalintunaan na nag-aangkat ang Pilipinas ng asin, lalo na at napaliligiran tayo ng dagat na pangunahing pinagkukunan ng asin.

Hinihimok natin ang awtoridad, lalo na ang DA at Department of Trade and Industry (DTI), na muling palakasin ang industriyang ito at maghikayat ng mga mamumuhunan upang magdala ng modernong teknolohiya.

Nais ding nating tingnan ang ASIN law o Republic Act 8172, upang makita ang mga kinakailangang amyenda para mas makatugon ito sa nagbabagong panahon.

Hindi tayo tutol sa paglalagay ng iodine sa asin, dahil nakatutulong ito sa ating kalusugan, ngunit kailangang suportahan din ang maliliit na manggagawa ng asin, lalo na at parte sila ng ating kasaysayan, kultura at tradisyon.

Tututukan din natin ang pambansang budget, upang masigurong may kakayahan tayong palakasin ang sarili nating industriya ng asin.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Dapat paigtingin din ang dengue-watch sa mga paaralan

ni Nancy Binay - @Be Nice Tayo | August 24, 2022

Talamak na naman ang dengue sa bansa.

Ayon sa Department of Health, nagtala ang bansa ng 102,619 kaso ng dengue as of July 30, 2022.

Mas mataas ito ng 131 percent kumpara sa 44,361 kaso na naitala noong 2021.

☻☻☻

Ngayong nagbalik-eskwela na ang mga bata, mahalagang siguruhin din na hindi kakalat ang dengue sa mga paaralan.

Mas fatal ang dengue para sa mga bata, kaya nananawagan tayo sa Department of Education at mga local government unit na mag-focus din sa dengue.

Bukod sa COVID-watch, dapat paigtingin din ang dengue-watch at kailangang masiguro na dengue-safe ang schools natin.

Malaki ang maitutulong ng mga LGU para masiguro na palaging malinis ang mga paaralan at hindi pinamumugaran ng lamok ang mga ito.

Umaasa tayong makikipagtulungan ang LGU sa DepEd para makapagsagawa ng mga clean-up drive at iba pang anti-dengue measures kahit patapos na ang Brigada Eskwela 2022 ngayong linggo.

☻☻☻

Iminumungkahi rin natin na kausapin ng mga LGU ang mga pamayanan tungkol sa 4S strategy ng DOH tugon sa dengue.

Mahalagang malaman din ng mga pamilya kung ano ang maaari nilang gawin upang maiwasan ang dengue sa kanilang tahanan.

Ang kahulugan ng 4S ay search and destroy, self-protection measures, seek early consultation at say no to indiscriminate fogging.

☻☻☻

Nananawagan din tayo sa Department of Science and Technology na ibahagi ang kanilang mga kaalaman at teknolohiya sa pagkontra sa dengue.

Alam nating abala ang DOST sa pag-develop ng mga technology na makatutulong sa pagkontra sa dengue, kaya sana ay gamitin din ang mga ito.

Kasama rito ang Mosquito Ovicidal-Larvicidal (OL) trap system na nakapapatay ng itlog at larvae ng lamok na Aedes aegypti na nagdadala ng dengue.

Nawa’y sa lalong madaling panahon ay mailabas na rin ang herbal anti-dengue capsule na dini-develop ng DOST.

☻☻☻

Banta sa kaligtasan at buhay ang dengue, lalo na sa mga bata, kaya’t umaasa tayong magtutulungan ang pamahalaan at pamayanan upang makontra ang pagkalat nito.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay