Hindi kailangang ipilit ang POGO kung wa' 'wenta

ni Nancy Binay - @Be Nice Tayo | September 25, 2022

Worth it nga ba ang Philippine offshore gaming operators (POGOs) sa ating bansa?

Dapat pag-aralan nating maigi ang pros and cons ng operasyon ng POGO at tingnan kung kung may silbi ba ito sa bansa.

Kailangang busisiin at ibangga ang economic impacts nito laban sa social costs, kung kaya’t inaantabayan natin ang pagdinig ng Senate Ways and Means Committee tungkol dito.

☻☻☻

Nakakabahala ang pagdami ng krimen na konektado sa mga POGO at mga manggagawa nito, tulad ng kidnapping, at acts of violence, extortion, pati na murder.

Ngayong taon, mayroong 27 kidnapping cases ayon sa tala ng Philippine National Police (PNP), na 20 ay konektado sa mga POGO.

Noong nakaraang linggo naman ay nasagip ng mga awtoridad ang 42 Chinese nationals na hindi umano ay nagtatrabaho sa ilalim ng “human trafficking conditions” mula sa isang POGO sa Angeles City, Pampanga.

Ayon naman kay Justice Secretary Jesus Crispin Remulla, mayroong 216 na POGO na kinansela na ng Philippine Amusement and Gaming Corp. (Pagcor) ang mga permits to operate.

Tinatayang 40,000 empleyado nito ang posibleng ilegal na nanunuluyan sa bansa, dagdag pa ng kalihim.

☻☻☻

Pabor naman si Finance Secretary Benjamin Diokno sa pagtigil ng operasyon ng mga POGO dahil na rin sa bumababang kita ng bansa mula rito.

Noong briefing ng Development Budget Coordination Committee sa Senado kamakailan, bumaba sa tinatayang P3.9 bilyon ang revenue mula sa POGO nitong 2021, kumpara sa P7.2 bilyon na naitala noong 2020, ayon pa sa kalihim.

Handa naman ang Senado na magpasa ng batas para sa total ban ng POGO, at hindi rin tayo tututol sa mga nagsusulong nito, lalo na kung mapatutunayang wala nang benepisyo ang ating bansa mula rito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Ernest John “EJ” Obiena, top-ranked pole vaulter sa Asia, pangatlo sa buong mundo

ni Nancy Binay - @Be Nice Tayo | September 22, 2022

Nitong nakaraang Lunes ay pinarangalan sa Senado ang Olympian pole vaulter na si Ernest John “EJ” Obiena dahil sa kanyang samu’t saring tagumpay ngayong 2022.

12 gold medal, 2 silver medal, at 3 bronze medal ang nakalap ni EJ sa taong ito.

Kasalukuyan siyang top-ranked pole vaulter sa Asia, at no. 3 sa buong mundo.

Nagkaisa ang Senado sa pagkilala sa kanya sa pamamagitan ng Senate Resolution No. 212.

Congratulations muli, EJ, at salamat sa pagdala ng karangalan sa bansa!

☻☻☻

Nagpahayag ang mga government bank ng bansa na susuportahan nila ang mass housing program ng pamahalaan.

Plano ng Department of Human Settlements and Urban Development (DHSUD) na magtayo ng isang milyong housing units kada taon hanggang 2028 para mapunan ang housing backlog na 6.5 million.

Mahalaga ang pagpapahayag ng suporta ng ating mga bangko sa tagumpay ng “intensified mass housing program” ng bagong administrasyon.

Umaasa tayong sa tulong ng mga government banks at iba pang financing institution ay maisasakatuparan ang adhikain na mabigyan ng disenteng tirahan ang pamilyang Pilipino.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Bigyang-parangal at kilalanin ang kauna-unahang pinoy na nagtamo ng grand slam singles title

ni Nancy Binay - @Be Nice Tayo | September 14, 2022

Sunud-sunod na pagkilala ang natamo ng bansa nitong nakaraang linggo na tunay nga namang nakatataba ng puso at nakaka-proud, ‘ika nga ngayon.

Nanalo ang Pilipinang si Alex Eala sa 2022 US Open Junior Girls’ Singles Tournament.

Si Alex, na 17 taong gulang pa lamang, ang kauna-unahang Pilipino na nagtamo ng Grand Slam singles title.

Pinarangalan siya ng Senado nitong Lunes dahil sa kanyang pagwawagi.

Patunay si Alex ng husay na taglay ng bawat Pilipino, at nawa’y magsilbi siyang inspirasyon sa ating mga kababayan, lalo na ang kapwa kababaihan at kabataan, na magpunyagi at huwag susuko sa pagkamit ng kanilang pangarap.

Mabuhay ka, Alex!

☻☻☻

Samantala, muli na namang kinilala ang Pilipinas bilang leading dive at beach destination sa Asia sa nakaraang 29th World Travel Awards na itinanghal sa Vietnam.

Pang-anim na beses nang iginawad sa atin ang leading beach destination in Asia award.

Apat na sunod na taon na rin tayong nagawaran ng Asia’s leading dive destination award.

Kinilala rin ang Intramuros bilang Asia’s leading tourist attraction. Nanaig ang Intramuros sa Angkor Temples ng Cambodia; Borobudur Temple Compounds ng Indonesia; Ha Long Bay ng Vietnam; Sengan-en at Shoko Shuseikan Museum sa Kagoshima, at Tokyo Imperial Palace sa Japan; Taj Mahal ng India; teamLab SuperNature ng Macau; Great Wall, Forbidden City, at Terracotta Warriors ng China; at Victoria Peak ng Hong Kong.

Umaasa tayong makakatulong ang mga pagkilalang ito sa muling pagbangon ng turismo sa bansa, na isa sa mga sektor na pinaka-naapektuhan ng pandemya.

☻☻☻

Ang mga tagumpay na ito ay patunay na napakagaling ng Pilipino at napakaganda ng Pilipinas.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay