Pangit na serbisyo ng Cebu Pacific, dapat aksyunan ng gobyerno

ni Nancy Binay @Be Nice Tayo | April 6, 2023

Nitong nakaraang mga araw, marami sa mga kababayan natin ang dumaing dahil sa diumano’y hindi magandang serbisyo ng Cebu Pacific Air.

Kasama sa mga reklamo ay mga kaso ng offloading at overbooking, at mga technical glitches sa online booking.

May mga lumapit sa aking opisina para magreklamo, kasama na ang isang pamilya na na-offload na hindi naman nagkulang sa paghahanda, at nasa airport na, apat na oras bago ang kanilang flight.

☻☻☻

Dahil dito, maghahain tayo ng resolusyon para maimbestigahan ang mga reklamo laban sa Cebu Pacific sa muling pagpapatuloy ng session sa Senado.

Nais nating malaman kung naaabuso na ba ang practice ng overbooking.

Kasama rin sa nais nating matukoy ay kung naiimplementa ba nang maayos ang Air Passenger Bill of Rights at iba pang batas na nagpoprotekta sa kapakanan ng madla.

☻☻☻

Karapatan ng mga kababayan natin ang maayos na transportasyon.

Kaya kinakailangang makialam ang pamahalaan kapag napeperhuwisyo ang maraming tao dahil sa pangit na serbisyo.

☻☻☻

Panahon ng pagninilay ngayon para sa karamihan ng Pilipino.

Bukod sa pagdaraos ng Semana Santa, sa kasalukuyan ay Ramadan.

Nawa’y hindi natin sayangin ang pagkakataon para pagnilayan kung paano tayo maging mas mabuting tao sa mata ng Diyos, para sa ating kapwa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Krisis sa tubig, ‘wag sanang umabot sa pilahan at pagrarasyon

ni Nancy Binay @Be Nice Tayo | March 30, 2023

El Niño na naman.

Ilang dekada na tayong laging apektado ng El Niño, ngunit tila nabubulaga pa rin tayo tuwing tag-init at lumalabas na salat na pala ang ating water supply.

May kasalukuyan tayong krisis sa pagkain at tubig.

Ang tanong, ano ang plano ng pamahalaan para matugunan ang mga ito, lalo na sa harap ng dagdag na hamon ng El Niño?

☻☻☻

Mainam sanang ngayon pa lang ay ibahagi na ng National Water Resources Board at iba pang ahensya ang kanilang komprehensibong water resource plan, water allocation and reuse policy hanggang sa local level para ma-implementa ito mula taas hanggang sa mga pamayanan.

At ilang rainwater collection system na nga ba ang nagawa alinsunod sa Republic Act 6716 para sa mahigit 42,000 barangay sa buong bansa?

Sino ang in-charge sa maintenance, ilan dito ang sira na, ang kailangan i-rehabilitate o ilan na lang ang gumagana?

☻☻☻

Bagama’t ang isyu ng water crisis ay responsibilidad nating lahat, hindi puwedeng magkulang ang pamahalaan dahil ito ang may pinakamalaking papel dahil tungkulin nitong mangasiwa at ingatan ang interes ng lahat.

Ayaw na nating bumalik sa pilahan at umabot na naman tayo sa pagrarasyon.

Nasa recovery stage na tayo mula sa pandemya. Huwag nating hayaan na mawala ang mga napagtagumpayan na natin.

Tutukan natin ang mga krisis na ito sa lalong madaling panahon.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagtulong sa libu-libong biktima ng oil spill, bilisan

ni Nancy Binay @Be Nice Tayo | March 26, 2023

Nitong nakaraang linggo ay namahagi ang ating opisina ng tulong para sa mga naapektuhan ng oil spill sa Mindoro.

Ayon sa isang public briefing ng Department of Social Welfare and Development (DSWD), umabot na sa 32,661 pamilya o 151,463 katao ang naapektuhan ng oil spill na naganap noong Pebrero 28.

Kaya agad tayong nagpadala ng 1,200 sako ng bigas sa probinsya para makatulong sa pang-araw-araw na pangangailangan ng ating mga kababayan du’n.

Tatlong daang sako ng bigas ang ating ipinaabot kay Gov. Humerlito Dolor ng Oriental Mindoro at tig-100 sako naman sa mga bayan ng Naujan, Pola, Pinamalayan, Gloria, Basud, Bongabong, Roxas, Mansalay, at Bulalacao.

☻☻☻

Umaasa rin tayo na patuloy ang mabilis na pagkilos ng ating pamahalaan para malinis agad ang oil spill at mabigyan ng ayuda ang mga apektadong mamamayan.

Isa sa mga magandang programa ng pamahalaan ay ang “cash-for-work” program ng DSWD para sa mga apektadong mangingisda.

Sinabi ng ahensya na naglaan sila ng P116 milyon para mabigyan ang 18,762 na mangingisda ng alternatibong pagkukuhanan ng kabuhayan habang hindi pa sila makapangisda sa mga lugar na apektado ng oil spill.

Bukod sa pagbibigay ng kabuhayan sa mga mangingisda, makakatulong din sila para pigilan ang pagkalat ng oil spill sa kanilang lugar.

☻☻☻

Samantala, tuluy-tuloy pa rin ang pagdinig ng Bicameral Conference Committee para sa ating isinusulong na Cultural Mapping Bill.

Mahalaga ang cultural mapping para maprotektahan at maingatan ang ating kultura, lalo na ang kultura ng ating mga indigenous people.

Bilang co-sponsor ng panukalang-batas na ito, patuloy natin itong tututukan hanggang tuluyan na maging batas.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay