Hirit na extension sa estate tax amnesty, i-explain nang maayos

ni Nancy Binay @Be Nice Tayo | May 21, 2023

Nitong nakaraang linggo, dininig sa Senado ang panukala na i-extend ang estate tax amnesty na matatapos sa Hunyo 14, 2023.

Layunin ng panukalang ito na bigyan ng oportunidad ang mga hindi nakabayad sa oras ng estate tax dahil hindi sila pagbabayarin ng multa o interes.

Sakop ng panukalang-batas na ito ang mga hindi nabayarang estate tax noong 2017.

Bukod sa dagdag-kita sa gobyerno, layunin din ng panukalang-batas na gawing produktibo ang mga namanang ari-arian, partikular ang mga lupa.

☻☻☻

Nakakalungkot lamang dahil tila hindi naging handa ang mga dumalo sa aming pagdinig sa Senado at hindi naipaliwanag nang maayos kung bakit kailangang magkaroon ng extension.

Sa nasabing pagdinig, walang naipakitang pag-aaral kung ano ba ang makukuhang collection estimate kapag naisabatas ang estate tax amnesty extension.

Lalong nakakabahala na wala ring naipakitang datos sa mga estate tax collections noong mga nagdaang taon.

☻☻☻

Hindi tayo tutol sa pagkakaroon ng estate tax amnesty, lalo na kung makakatulong ito sa ating mga kababayan na ngayon pa lamang nakakabangon mula sa epekto ng pandemya.

Malaking tulong din ito sa mga kababayan natin sa ibang bansa na ayusin ang kanilang mga namanang ari-arian na matagal nang natengga dahil sa lockdown.

Ngunit hindi naman bara-bara lang ang pagsasabatas ng tax amnesty.

Kailangang mabigyan ang Senado ng sapat na dahilan kung nais talaga nating maisabatas ang extension na ito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pilipinas, lagpas 2-M international tourists na

ni Nancy Binay @Be Nice Tayo | May 18, 2023

Lumagpas sa 2 milyong turista ang dumalaw sa Pilipinas ngayong taon. Ayon sa Department of Tourism (DOT), nakapagtala ang bansa ng 2,002,304 international visitor arrivals mula Enero 1 hanggang Mayo 12, 2023. Lagpas ang bilang na ito sa 1.7 milyong target noong 2022. Dagdag ng DOT, umabot sa P168.52 billion ang inbound visitor receipts mula Enero hanggang Abril 2023. Mas mataas ito nang 782.59% sa P19.1 billion na kita mula sa turismo sa parehong panahon noong 2022.

☻☻☻

Ikinatuwa natin ang mga datos na ito na nagsilbing indikasyon na muling umaarangkada ang turismo sa Pilipinas, na isa sa mga sektor na pinakanaapektuhan ng pandemya.

Ngunit hindi dapat tayo makampante, mayroon at mayroong dadalaw sa ating bansa dahil sa ganda ng Pilipinas at kultura nito. Kaya usapin ito ng paghikayat ng mas marami pang turista na bumisita sa bansa. Dahil sa iba't ibang balakid sa transportasyon, imprastruktura, at iba pa, hindi natin naaabot ang maximum potential ng ating turismo.

☻☻☻

Kailangan nating gawing immediate at long-term priority ang pag-aayos sa iba’t ibang isyu na ito kung nais nating humabol sa bilang ng turista ng ating mga karatig-bansa sa ASEAN.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Epekto ng Kaliwa Dam sa eco-tourism, talupan

ni Nancy Binay @Be Nice Tayo | May 14, 2023

Nitong nakaraang linggo, naghain tayo ng resolusyon sa Senado para imbestigahan ang posibleng epekto ng Kaliwa Dam project sa eco-tourism industry sa Rizal.

Naniniwala tayo na kailangan itong pagtuunan ng pansin dahil mahalaga na siguraduhing walang magiging masamang epekto ang proyektong ito sa kalikasan, lalo na sa ating mga eco-tourism sites.

☻☻☻

Nauna nang sinabi ng Metropolitan Waterworks and Sewerage System (MWSS) na bahagi ang Centennial Kaliwa Project sa kanilang water security roadmap.

Ayon sa kanila, kailangan na magkaroon tayo ng isa pang long-term water source bukod sa Angat Dam.

Dagdag pa ng MWSS, makakatugon ang proyektong ito sa water supply sa Cavite, Rizal, Metro Manila, at ilang bahagi ng Bulacan.

☻☻☻

Ngunit isa sa maaaring maapektuhan ng proyektong ito ay ang Kaliwa River Forest Reserve na bahagi ng ating Sierra Madre mountain range.

Rito makikita ang ilan sa mga endangered wildlife species gaya ng Northern Philippine Hawk-eagle at Philippine Brown Deer.

Bukod pa ito sa daan-daang mga plant species na nakatanim sa nasabing lugar.

Nar’yan din ang Tinipak River na kilala sa kanyang limestone formations.

Ayon sa mga katutubo sa lugar, kapag nakumpleto ang Kaliwa Dam, malulubog sa tubig at hindi na makikita ang mga limestone formations na ito.

☻☻☻

Bagama’t maganda ang intensyon ng proyekto, hindi rin natin maipagkakaila na maaaring magkaroon ito ng hindi magandang epekto sa ating mga likas na yaman.

Kaya kailangang imbestigahan at siguraduhing walang magiging pinsala na idudulot ang proyektong ito, lalo na sa ating eco-tourism sector.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay