Human trafficking at Prostitution, pigilang makalusot sa E-Visa

ni Nancy Binay @Be Nice Tayo | August 10, 2023

Sa August 24 ay nakatakdang ilunsad ng Department of Foreign Affairs sa China ang pilot implementation ng kauna-unahang e-visa ng bansa.

Sinusuportahan natin ang inisyatibang ito na may potensyal na makatulong sa turismo ng bansa dahil sa pinapadali nito ang proseso ng pagbiyahe patungo sa Pilipinas.

☻☻☻

Ngunit may kalakip din na panganib ang pag-implementa ng e-visa, na inaasahan nating isinasaalang-alang ng DFA at ng mga ahensya nating tumutugon sa national security.

Dahil sa pinadaling proseso ay maaaring lumaganap ang pagpasok ng mga elemento ng transnational organized crime (TOC).

Mas laganap ngayon ang TOC lalo na ang human trafficking at prostitusyon na mula Mainland China.

Gaano ba tayo kasigurado na ang nabibigyan natin ng e-visa ay talagang mga lehitimong turista?

☻☻☻

Kaugnay nito, kinakailangang maglatag din ng epektibong homeland security policies para masigurong hindi pagsasamantalahan ang proseso ng e-visa application.

Maaaring isama sa polisiyang ito na gawing non-negotiable requirement para sa ilang category ang personal appearance bago makakuha ng e-visa.

☻☻☻

Kinikilala natin ang halaga ng e-visa na maaaring magsilbing game-changer upang maparami ang bilang ng mga dumadalaw sa ating bansa.

Ngunit kailangang magpursige tayo nang masiguro na hindi malalagay sa panganib ang mga kababayan natin, at laging maprotektahan ang kapakanan nila.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Redesign ng logo at seal ng gobyerno, dapat idaan sa NHCP

ni Nancy Binay @Be Nice Tayo | August 6, 2023

Nitong mga nakaraang araw, naging saksi tayo sa tila sunud-sunod na rebranding o pagpapalit ng logo ng mga ahensya ng pamahalaan.

Nar’yan ang Department of Tourism (DOT) sa kanilang Love the Philippines campaign na inulan ng batikos dahil sa paggamit ng stock footage mula isang video creation platform para sa kanilang promotional video.

Sinundan ito ng bagong logo ng Philippine Amusement and Gaming Corp. (PAGCOR) na naging kontrobersyal dahil lumabas na nagkakahalaga ang logo ng higit P3 milyon.

☻☻☻

While I am sure na may ginawa naman silang mga pag-aaral ukol dito, maganda sigurong magkaroon tayo ng safeguards sa proseso ng redesign para masigurong akma at nasa ayos ang logo ng ahensya ng pamahalaan

Ito ang dahilan kung bakit nag-file ang inyong lingkod ng panukalang batas, ang S.B. No. 2384 para amyendahan ang Republic Act No. 8491.

Layon ng panukalang batas na ito na palakasin at ipatupad nang maayos ang mga standards ng paglikha at pagpapalit ng logo at official seals ng pamahalaan.

Sa ilalim ng panukalang batas na ito, kailangan munang padaanin ng mga ahensya ang kanilang planong redesign sa National Historical Commission of the Philippines (NHCP).

Ito ay para masiguro na ang mga official seal at logo na malilikha ay maipapakita nang tama ang ating national ideals pati na rin ang principles of sovereignty at national solidarity.

☻☻☻

Base sa mga batikos at kontrobersya na hinaharap ngayon ng mga nasabing ahensya, masasabi natin na hindi basta-basta at ‘di dapat maliitin ang proseso ng pagpapalit ng logo lalo pa ng pamahalaan.

Kaya naman umaasa tayo na bibigyang pansin ng ating mga kapwa mambabatas ang ating ihinaing panukala.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

0

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Taos-pusong pasalamat sa PWFT sa pagbitbit ng 'Pinas sa World Cup

ni Nancy Binay @Be Nice Tayo | August 3, 2023

Nagtapos na ang makasaysayang pagsali ng Philippine Women’s Football Team (PWFT) sa Fifa Women’s World Cup.

Noong Linggo, tinalo ng Norway, na niraranggo bilang ika-12 pinakamagaling na women’s football team sa mundo, ang Filipinas sa iskor na 6-0.

Dahil dito, um-exit sa group stage ang PWFT na may record na 1 win, 2 losses.

☻☻☻

Kailangan nating ipagbunyi ang partisipasyon ng Filipinas sa World Cup.

Sa kabila ng napakaraming hamon na hinaharap ng mga atleta natin, napakalaking tagumpay na ang makapagsabayan tayo sa pinakamagagaling na koponan sa buong mundo.

At naniniwala akong simula lang ito para sa PWFT.

Kaya, keep your head up, Filipinas. Taos-pusong pasalamat sa pagbabandera ng kakayahan ng ating kababaihan.

☻☻☻

Kasalukuyan ding dinaraos ang Palarong Pambansa 2023 sa Marikina ngayong linggo.

Bagama’t ilang araw nang inuulan ang Metro Manila ay patuloy pa rin ang ating mga kabataang atleta sa pagpursige at pagtatagisan ng lakas at galing.

Matapos maantala dahil sa pandemya, natutuwa tayong sa wakas ay nagpapatuloy na ang Palaro.

Mahalaga ang sports sa pagpapalakas at paghulma ng kabataan, na tumutulong naman sa pag- usbong ng bansa. Gaya nga ng sinasabi ng tema ng Palaro ngayon, “Batang Malakas, Bansang Matatag.”

☻☻☻

Nawa’y sa ehemplo ng ating PWFT at mga atletang lumalahok sa Palaro ay lumaganap pa lalo sa kamalayan ng ating mga kababayan ang halaga ng sports.

Mabuhay ang atletang Pilipino!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay