Tulung-tulong tayo para makabangon mula sa Bagyong Kristine

ni Nancy Binay @Be Nice Tayo | Oct. 27, 2024

Ayonsa Department of Agriculture (DA) P80.80 milyong halaga ng pinsala ang natamo ng agri-sector dahil sa epekto ng Bagyong Kristine.

Inaasahan ng ahensya na mas lalaki pa ang naitalang pinsala ng bagyo kapag naisama na ang epekto sa iba pang agri commodities sa bansa.

Tiniyak naman ng DA na may nakahandang tulong na nakalaan para sa mga magsasakang nasalanta ng bagyo.

Dagdag pa ng DA, nasa P80.21 milyong halaga ng agricultural inputs ang nakahanda mula sa regional offices nito sa Cordillera Administrative Region (CAR), Central Luzon, Calabarzon, MIMAROPA, Bicol, at Eastern Visayas.

Kaugnay nito, may P25,000 loan rin na maaaring mahiram ang mga napinsalang magsasaka sa ilalim ng Survival and Recovery (SURE) Loan Program ng Agricultural Credit Policy Council (ACPC).

☻☻☻

Tuluy-tuloy naman ang UNA Ang Makati sa paghatid ng tulong sa mga naapektuhan ng bagyo sa iba’t ibang mga barangay sa lungsod ng Makati.

Siniguro rin natin na lahat ng nasa evacuation centers ay nabigyan ng mainit na pagkain at mga relief packs.

Maraming salamat sa ating mga kaibigan at volunteers na tumulong sa atin na magpaabot ng tulong sa mga nasalanta.

Nariyan ang ating Bangkal TROPA na sina Kag. Mark Hildawa, Kag. Chan Jacinto, Kag. Tricia Eusebio, at Kag. Mario Montanez ng Brgy. Bangkal at Kag. Jebong Alegre ng Brgy. San Antonio na sinigurong makakarating ng maayos ang tulong sa ating mga kababayan.

Patuloy tayong mag-ingat at magtulungan para sa mga kababayan nating naapektuhan ng Bagyong Kristine.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Kailangang handa ang mga LGU sa mga sakuna

ni Nancy Binay @Be Nice Tayo | Oct. 25, 2024

Ang buwan ng Oktubre ay kinikilala bilang Local Government Month.

Muling nabibigyang-diin ang importansya ng ating mga lokal na pamahalaan ngayong kasalukuyang sinasalanta ng Bagyong Kristine ang iba’t ibang bahagi ng bansa, partikular na ang Bicol Region.

Ang mga komunidad ang pinakaapektado sa tuwing may dumarating na unos.

Kaya’t mahalagang masiguro na may sapat na kakayahan ang ating mga local government units o LGUs na humarap sa mga sakuna. 

☻☻☻

Sa nagdaang Asia-Pacific Ministerial Conference on Disaster Risk Reduction (APMCDRR) na ginanap noong nakaraang linggo, binanggit ang pangangailangan ng paglalaan ng pondo ng pamahalaan para sa disaster risk reduction at prevention.

Malaking bahagi rito ang pagbuhos ng suporta sa mga LGU upang maging handa sila sa mga sakuna gaya ng bagyo at tagtuyot, lalo pa sa harap ng climate change na nagpapaigting ng epekto ng mga ito.

Ang Pilipinas ang tinataguriang “most disaster-prone country” sa ika-16 diretsong taon, ayon sa World Risk Index.

Kailangan nating kilalanin ang panganib na hinaharap natin at sa lalong madaling panahon ay gumawa ng mga hakbang upang hindi laging nauuwi sa krisis ang pagdating ng sakuna. 

☻☻☻

Nananawagan tayo sa pambansang pamahalaan na madaliin ang pagbigay ng tulong sa mga nasalanta ng bagyo.

Sa mga kababayan nating may kakayahang tumulong, huwag din sana tayong mangimi na ibigay ang makakaya para kahit paano ay maibsan ang bigat na dala ng mga apektado ng bagyo.

Kung sama-sama tayo ay malalagpasan natin ang panibagong hamong ito.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Kagutuman sa ‘Pinas, dapat nang wakasan

ni Nancy Binay @Be Nice Tayo | Oct. 20, 2024

Tuwing ika-16 ng Oktubre ay ipinagdiriwang natin ang World Food Day.

Ito ay isang taunang pandaigdigang pagdiriwang na naglalayong itaas ang kamalayan at kumilos laban sa pandaigdigang gutom at malnutrisyon.

Bilang chair ng Senate Committee on Sustainable Development Goals, Innovation and Futures Thinking, kaisa ako sa mga sumusuporta sa inisyatiba ng pamahalaan na gumawa ng samu’t saring mga programa para sa araw na ito.

Matatandaang kabilang ang pagpuksa sa kagutuman sa UN Sustainable Development Goals (SDGs) na naglalayong tapusin ang problema hinggil dito pagdating ng taong 2030.

Ito na ang ika-43 sunod na taon na lumahok ang Pilipinas sa nasabing selebrasyon, kasama ang 149 na bansa.

☻☻☻

Ang tema ng pagdiriwang ngayong taon ay “Right to Foods for a Better Life and a Better Future. Leave No One Behind.”

Nais ng tema ngayong taon na bigyang-diin ang kahalagahan ng pagkain bilang pangunahing pangangailangan.

Ang pagkain ay dapat ituring na karapatan ng bawat tao, hindi lamang pribilehiyo.

Umaasa tayo na kahit matapos ang pagdiriwang ng World Food Day, patuloy pa rin ang pamahalaan sa paggawa ng mga programang tutulong sa mga nagugutom.

Napapanahon nang wakasan ang kagutuman hindi lamang sa Pilipinas kundi sa iba pang bahagi

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay