Pekeng people’s initiative, ‘wag hayaang makalusot

ni Nancy Binay @Be Nice Tayo | Pebrero 4, 2024

Nitong nakaraang Lunes ay nagkaisang nagsuot ang mga kawani ng Senado ng kulay puti na damit at maroon na ribbon.Ayon kay Senate Secretary Renato Bantug, Oxford crimson o maroon ang kulay ng ribbon dahil ito ang official na kulay ng bandila ng Senado.Dagdag pa niya, ito ay bilang pagpapakita na isa ang buong Senado kontra sa tangkang pag-amyenda sa 1987 Constitution sa pamamagitan ng People’s Initiative (PI).Maliban sa mga kawani ng Senado, binigyan din ng maroon na ribbon ang mga bisita na pumupunta sa Senado.

☻☻☻

Una nang sinabi ng mga senador na tutol sila sa itinutulak na people’s initiative. Tinawag din nila itong “peso initiative” o “politiko’s initiative” dahil sa mga lumabas na balita na may mga nag-aalok ng pera kapalit ng pirma para sa PI.Mariin namang itinanggi ng House of Representatives na may kinalaman sila sa pangangalap ng mga pirma para sa pag-amyenda sa Saligang Batas.

☻☻☻

Samantala, nag-anunsyo naman ang Commission on Elections (Comelec) na ihihinto na muna nila ang pagtanggap ng mga lagda na mayroong kinalaman sa People’s Initiative na layong amyendahan ang Konstitusyon.Pero sa kabila nito, nanindigan pa rin tayo na dapat mas paigtingin natin ang pagbabantay sa umiikot na pagpapapirma sa ating mga purok, barangay, sa mga kalsada’t plaza, sa mga pagtitipon, at iba pang lugar.Sa nakalipas na ilang linggo, saksi ang ating mga kababayan kung paano sinubukang ilusot ang pekeng people’s initiative.Maging mapanuri pa rin at huwag tayong magpaloko.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Turismo ng ‘Pinas, umaarangkada

ni Nancy Binay @Be Nice Tayo | Pebrero 1, 2024

Sa usapin ng turismo, napakalaki ng ambag ng mismong Pilipino sa pagtataguyod ng industriya.

Maganda ang Pilipinas, at ayon sa mga datos, mukhang tunay namang minamahal ng mga Pinoy ang sariling atin.

Nasa 80 percent daw ng tourism receipts ng bansa ay nagmumula sa domestic tourism, ayon kay Associate Director John Paolo Rivera ng Andrew L. Tan Center for Tourism, na isang research center sa Asian Institute of Management.

“Unique characteristic” daw ito ng ating bansa na mas maraming Pilipino ang dumadalaw sa mga tourist attractions kaysa mga galing sa ibang bansa, dagdag pa niya.

☻☻☻

Ayon sa Philippine Statistics Authority, nasa 102 million domestic trips ang naitala noong 2022.

Sa 1.87 trillion pesos na internal tourism expenditure na naitala, nakasama ang foreign tourists at mga overseas Filipinos, at nasa 1.5 trillion pesos ang direktang iniambag ng domestic tourism spending.

Inaasahan din na mas lalo pang iigting ang domestic tourism dahil sa mas maraming long weekend ngayong 2024.

☻☻☻

Natutuwa tayo na sabik ang ating mga kababayan na tangkilikin ang sariling atin.

Para sa akin, maituturing na bayanihan ang domestic tourism sapagkat tayo mismo ang nagtataguyod ng kabuhayan ng mga kababayan natin sa iba’t ibang lugar sa bansa.

Nawa’y patuloy pang lumago ang turismo ng bansa, sa tulong ng bawat isa sa atin.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito. Be Safe. Be Well.

Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Senado, wala raw alam... People's initiative sa Cha-cha, fake - Sen. Nancy

ni Angela Fernando - Trainee @News | January 28, 2024

Nagpahayag ng pagkadismaya si Senadora Nancy Binay nitong Linggo dahil sa kanyang tinawag na 'pekeng' inisyatibong pambayan para isulong ang Charter Change (Cha-cha) dahil magdudulot ito ng negatibong implikasyon sa ekonomiya.

Iginiit ni Binay sa isang pahayag na hindi dapat inguso ang Senado na nasa likod ng people's initiative dahil nananatiling totoo ang Mataas na Kapulungan sa pagharap sa mga isyu ng 'Pinas.

Saad niya, “Dapat alam po ng mga taong nasa likod ng people’s initiative na may negatibo at direktang impact ang mga ganitong patagong galawang Cha-cha sa ating ekonomiya, pero itinuloy pa rin nila.”

Idinagdag din ng Senadora sa parehas na panayam na ipinakita na ng Senado ang kanilang posisyon na 'pro-development' at 'pro-progress', tulad ng nakita sa pagpasa ng mga batas tulad ng Public Services Act (PSA), Foreign Investments Act (FIA), at ang Retail Trade Liberation Act.