Cha-cha, hindi ‘magic solution’

ni Nancy Binay @Be Nice Tayo | Pebrero 15, 2024

Hindi “magic solution” ang pag-amyenda ng Konstitusyon sa mga problemang kinakaharap ng bansa.

Kailangan nating bigyan-diin sa ating mga kababayan na hindi agarang malulutas ang samu’t saring isyu dahil sa Charter change o Cha-cha.

☻☻☻

Pangunahing alalahanin pa rin ng mga kababayan natin ang taas ng presyo ng bilihin at kagutuman — mga isyu na hindi mareresolba sa loob ng isang taon o dahil lang sa pagkakapasa ng batas.

Kailangang ipagtanto natin sa mga kababayan natin na matagalang proseso ang pag-amyenda ng Konstitusyon. 

Huwag natin sila paasahin na kapag bumoto sila para sa Cha-cha sa plebisito, pagkatapos ng isang buwan ay bababa na ang presyo ng bigas, o bababa na ang presyo ng krudo, o maaayos na ang problema natin sa kuryente.

Hindi lang Cha-cha ang solusyon.

☻☻☻

Sa pagpapatuloy ng hearing ng Senate Committee on Electoral Reforms and People’s Participation tungkol sa People’s Initiative campaign nitong Martes, hinimok natin ang People’s Initiative for Modernization and Reform Action (PIRMA) na ilahad ang kanilang organizational structure.

Interesado tayo rito dahil nais nating malaman kung sino ang nagpagalaw ng kampanya.

Hindi biro ang kampanya para mangalap ng mga pirma para sa People’s Initiative — kailangan nang maayos na organisasyon para sa ganitong gawain.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Word war ng Senado at Kamara, parang ‘Face 2 Face’ talk show

ni Nancy Binay @Be Nice Tayo | Pebrero 11, 2024

Ngayong pagpasok ng Year of the Dragon, ang tanging hiling lamang natin ay itigil na ng mga kapwa natin mambabatas sa House of Representatives ang mga walang kwentang pagpapatutsada para lang hiyain ang Senado.

Nakakalungkot dahil ang patutsadahan na ito sa pagitan ng Mataas at Mababang Kapulungan ay hindi na angkop sa inaasahang standards ng mga mambabatas.

Nitong mga nakalipas na buwan, kapansin-pansin na ang word war sa pagitan ng Senado at Kamara ay halos katumbas na ng tabloid talk show na “Face 2 Face”.

☻☻☻

Parliamentary bullying na ang ginagawa ng ilang mga kongresista sa Senado.

Hindi na ito katanggap-tanggap at hindi na tumatayo sa pananagutan at moral responsibility ng isang public official.

Nagiging toxic na rin ito at patuloy na nagkakanulo sa tiwala ng mamamayan.

☻☻☻

May kasabihan tayo na “politics bring out the worst in us”.

Pero, hindi na katanggap-tanggap ang pambu-bully na ito ng Kongreso.

Walang puwang ang serial bullies sa pamahalaan. Ang gusto ng tao ‘yung matino at maayos na pamamahala.

Ipinapakita lamang nito na ‘di naman Konstitusyon ang problema. Kadalasan, ang mga pulitiko mismo ang problema.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Paggunita sa katutubo at kontemporaryong sining ngayong Pebrero

ni Nancy Binay @Be Nice Tayo | Pebrero 8, 2024

Tuwing Pebrero ay idinaraos ang Buwan ng Sining o National Arts Month sa bansa.

Para sa taong ito, ang tema ng komemorasyon ay “Ani ng Sining, Bayan Malikhain.”

☻☻☻

Mahalagang salig ng ating kasaysayan at pagkakakilanlan ang sining. 

Patuloy ring pinatutunayan ng ating mga sining at alagad ng sining – katutubo man o kontemporaryo – na kaya nating makipagsabayan sa pinakamahusay na alay ng mundo.

Bilang mga mambabatas, tungkulin namin na patuloy na itaguyod ang sining ng ating bansa at maglatag ng sistema para sa pag-unlad nito.

Nararapat lang na maglatag tayo ng plataporma upang mamayagpag ang sining, at magbigay-daan para makapamuhay nang maayos at may dignidad ang mga kababayan nating pinipili ang buhay ng panglilikha.

☻☻☻

Maraming nakalatag na aktibidad ang National Commission for Culture and the Arts para sa komemorasyon ng Buwan ng Sining.

Hinihimok ko ang ating mga kababayan na makilahok sa mga ito. Tiyak na marami tayong matututunan, bukod sa mapupukaw ang ating mga damdamin, na isang katangian ng likhang-sining.

Sa pagdiriwang natin ng Buwan ng Sining, nawa’y maalala natin ang ating mga tagumpay sa larangang ito. At higit na mahalaga, nawa’y mabatid rin natin na marami pang hamon ang kailangang harapin upang tuluyang mapasigla ang sining ng bayan.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay