Tatak Pinoy, aarangkada na sa buong mundo

ni Nancy Binay @Be Nice Tayo | Pebrero 29, 2024

Nitong nakaraang Lunes ay nasaksihan natin ang pagpirma ni Pangulong Bongbong Marcos ng dalawang batas na may dalang good news para sa ating mga kababayan.

Pinirmahan ng Pangulo ang Republic Act 11982 o “An Act Granting benefits to Filipino Octogenarians and Nonagenarians” at RA 11981 o Tatak Pinoy (Proudly Filipino) Act.

☻☻☻

Sa ilalim ng RA 11982, makakatanggap ng P10,000 cash gift ang mga Pilipinong aabot sa 80, 85, 90, at 95 taong gulang.

Inaamyendahan ng batas na ito ang RA 10868 o Centenarians Act of 2016, na nagbibigay ng P100,000 sa mga Pilipinong umabot sa 100 taong gulang.

Ang batas na ito ay pagpapasalamat ng bansa sa kontribusyon ng mga nakatatanda sa paglilingkod nila sa bayan.

☻☻☻

Ang RA 11981 naman ay naglalayong itaguyod ang mga gawang Pinoy at gawin itong globally competitive.

Magtatayo ng Tatak Pinoy Council na binubuo ng Department of Trade and Industry, National Economic and Development Authority, Departments of Finance, Agriculture, Budget and Management, Information and Communications Technology, Labor and Employment and Science and Technology, at apat na kinatawan mula private sector na ia-appoint ng Pangulo.

Sa ilalim ng batas, bibigyan ng prayoridad ang mga Philippine products at services sa mga sektor at economic activities na kabilang sa Tatak Pinoy Strategy sa loob ng 10 taon.

☻☻☻

Umaasa tayong sa tulong ng 2 batas na ito ay patuloy na susulong ang ating ekonomiya at maitataguyod ang kapakanan ng ating mga kababayan.

☻☻☻

Magkakaroon din ng green lanes para sa Tatak Pinoy investments and exports para mapadali ang proseso ng approvals, permits, licenses, at certifications.

Sisiguruhin rin ang access ng mga produkto at serbisyong Pinoy sa domestic at international markets, kasama na ang mga placement sa international exhibitions, tourist hubs, ports of entry at high-traffic retail areas.

Mabibigyan din ng access ang mga Tatak Pinoy enterprises sa low-interest o flexible loan programs, credit guarantees, lease agreements, venture capital at ibang porma ng financing.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Rehabilitasyon ng NAIA, napapanahon

ni Nancy Binay @Be Nice Tayo | Pebrero 22, 2024

Noong nakaraang linggo, inanunsyo ng Department of Tourism na may nanalo na sa bidding para ayusin ang Ninoy Aquino International Airport.

Wagi ang San Miguel Corp. (SMC) SAP & Co. Consortium, isang grupong pinangungunahan ng SMC, sa bidding para sa P170.6 billion NAIA rehabilitation project.

Ang rehabilitation project ay isang public-private partnership project. Nanalo ang SMC SAP & Co. Consortium pagkatapos nilang ipanukala na 82.16-percent ang revenue na matatanggap ng pamahalaan.

☻☻☻

Isang isyu na madalas nakakabit sa NAIA ay ang pagpapalit ng pangalan nito.

May panukala kasi sa House of Representatives (House Bill No. 610 ni expelled Rep. Arnolfo Teves, Jr.) na nilalayong ipangalan kay Ferdinand E. Marcos, ang ama ng kasalukuyang pangulo, ang NAIA.

Para sa mga hindi nakakaalam, kailangan ng batas para palitan ang pangalan ng airport.

☻☻☻

Para sa akin, hindi prayoridad ang pagpapalit ng pangalan ng NAIA. Hindi pa ito napapanahon, at hindi na dapat pag-aksayahan ng panahon.

Maaari ring magdulot ng pagkalito ang pagpapalit ng pangalan lalo na sa mga international tourists.

Mas mahalaga na siguruhing maaayos ang airport. Umaasa tayo na sa loob pa lang ng isang taon ay makakakita na tayo ng positibong pagbabago sa ating airport para sa ikagiginhawa ng mga pasahero.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Teenage pregnancy, dahilan ng pagdami ng dropout

ni Nancy Binay @Be Nice Tayo | Pebrero 18, 2024

Ipimagpatuloy natin sa Senado ang pagdinig upang talakayin at suriin ang mga problema kaugnay sa naging performance ng ating mga kabataang estudyante sa 2022 Programme for International Student Assessment (PISA).

Ang PISA ay isa sa pinakatanyag na student assessment sa buong mundo at isa rin sa pinakamaimpluwensya sa larangan ng research at policy.

Layon nitong sukatin ang abilidad ng 15-taong gulang na gamitin ang kanilang kaalaman sa pagbabasa, mathematics at science at kakayahang harapin ang mga hamon ng tunay-na-buhay.

☻☻☻

Sa naturang pagdinig, atin ding tinalakay ang problema sa teenage pregnancy at sexual abuse sa mga kabataan.

Ayon sa mga resource persons, ang pagtaas ng bilang ng mga batang ina ay isa sa mga dahilan kung bakit maraming kabataan ang tumitigil sa pag-aaral at pagdami ng mga kaso ng dropout sa bansa.

Nakakabahala dahil ayon sa Philippine Statistics Authority, tumaas ang teenage pregnancy sa mga 15-taong gulang mula 0.5% to 1.4%.

Nangako naman ang DepEd na pag-aaralan nila kung paano ito imo-monitor at tutugunan ng mga paaralan.

☻☻☻

Noong nakaraang February 14 din ay ipinagdiwang ng aking adviser, mentor, seatmate, at kasama sa Minority bloc -- former Senate President Manong Johnny Ponce Enrile ang kanyang ika-100 na kaarawan.

Isang karangalan ang maimbitahan sa napaka-espesyal at katangi-tanging pagdiriwang ng kanyang sentenaryong kaarawan.

Wishing you good health and happiness. Gusto namin laging happy ka Manong Johnny!

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay