‘Pinas, pagtulungan na maging top tourist destination sa asya

ni Nancy Binay @Be Nice Tayo | December 22, 2023

Lumagpas na sa 5 milyong turista ang dumalaw sa bansa.

Ayon sa Department of Tourism, umabot na sa 5.070 million ang international tourist arrivals sa bansa, lagpas sa 4.8 million na target ng ahensya. Katumbas ito ng P439.5 billion na receipts.

Mula sa bilang na ito, nasa 4,658,123 o 91.88 percent ang foreign tourists, habang ang natitirang 411,629 o 8.12 percent ay overseas Filipinos. 

                                                              ☻☻☻

South Korea ang top source market ng bansa na may 1,341,029 arrivals. Sumunod naman ang United States of America (USA) na may 836,694, next ang Japan, 285,655, saka ang China,  252,171 at Australia, 238,487.

Dagdag din ng DOT, noong 2022 ay 5.35 milyong trabaho ang nalikha mula lamang sa 2.6 milyon na visitor arrivals.

Para sa taong 2024, layunin ng DOT na umabot sa 7.7 milyon turista ang darating sa bansa.

                                                             ☻☻☻

Nagagalak tayo na muli nang umuusad ang turismo ng ating bansa.

Mahalagang haligi ng ekonomiya ang turismo dahil direkta itong lumilikha ng trabaho sa mga komunidad.

Umaasa ako na sa patuloy nating pagtutulungan ay magtatagumpay tayo sa pagposisyon sa Pilipinas bilang top tourist destination sa Asya, kung hindi sa buong mundo.

                                                              ☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Ligtas at makabuluhang Simbang Gabi para sa lahat

ni Nancy Binay @Be Nice Tayo | December 17, 2023

Kahapon, ika-16 ng Disyembre ang simula ng Simbang Gabi nating mga Pilipino. 

Ang Simbang Gabi, na tinatawag ding Misa de Gallo, ay isa sa mga hudyat nating mga Pilipino na malapit na ang Pasko. 

Bago magsimula, maririnig ang malakas na repeke o kalembang ng mga kampana sa simbahan at mga kapilya sa buong bansa. 

Ito ay ginagawa nang siyam na madaling-araw, bilang paghahanda sa pagdiriwang ng Pasko pagsapit ng ika-25 ng Disyembre. 

☻☻☻

Para sa ating mga Katoliko, malaking bahagi ng ating pananampalataya ang Simbang Gabi. 

Para sa ilan, ang pagdalo sa Misa de Gallo ay may hatid na magaan o maginhawang pakiramdam sa kaluluwa, puso, damdamin at kalooban. 

Sa iba naman, ang kanilang paniwala ay ang pagdalo ng Simbang Gabi ay isang gawain ng pagpapakasakit o sakripisyo, ng pag-ibig at debosyon. 

Marami sa atin ang naniniwala na kapag nakumpleto ang Simbang Gabi ay nagkakatotoo ang hiling natin sa Diyos. 

Ang iba naman ay bumabangon sa madaling-araw para makasama ang mga kaibigan at mahal sa buhay, o ‘di kaya para matikman ang puto bumbong, bibingka, salabat o tsokolate na inilalako sa tabi ng simbahan. 

No matter the reason ng pagbangon, sana, sa pagtapos ng bawat misa, manatili pa rin ang mensahe ng Simbang Gabi -- ang paghahanda sa pagsilang ni Hesukristo na ating tagapagligtas. 

Nawa’y maging safe and meaningful ang Simbang Gabi para sa lahat ng dadalo. 

☻☻☻

Patuloy pa rin po tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal. Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Taga-Kamara na nag-aambisyon gamit ang Cha-cha, sopla kay Sen. Imee

ni Pablo Hernandez @Prangkahan | December 16, 2023

SUPALPAL ANG INABOT KAY SEN. IMEE NG TAGA-KAMARANG NAG-AAMBISYONG MAGING PRIME MINISTER -- Sinupalpal ni presidential sister Sen. Imee Marcos ang Kamara sa isinusulong nitong Charter-Change (Cha-cha) dahil ayon sa senadora ay hindi raw ito lulusot sa Senado, at pagkaraan ay nagpasaring pa si Sen. Imee na mayroon lang daw atat na atat na maging prime minister kaya nais ng House of Representatives na baguhin ang Saligang Batas ng ‘Pinas.

Dahil sa statament na ‘yan ni Sen. Imee ay dapat huwag nang mag-aksaya ng oras ang Kamara sa isinusulong nilang Cha-cha, kasi nga ate na ng presidente ang nagsabi, hindi ito lulusot sa Senado, period!

◘◘◘

PANG-BAGONG TAON NG MARCOS ADMIN SA MAMAMAYAN, DAGDAG-PAHIRAP NA TAAS-SINGIL SA TUBIG -- Inaprub na ng Manila Water Sewerage System (MWSS) ang dagdag-singil sa tubig ng Maynilad at Manila Water na ipaiiral pagpasok ng January 1, 2024.

Kung tuloy na talaga ‘yan at wala nang atrasan ang taas-singil sa konsumo, masasabing ‘yan ang masaklap na pa-Bagong Taon ng Marcos admin sa mamamayan, boom!

◘◘◘

IBASURA SA 2025 ELECTION ANG MGA PULITIKONG WALANG PAKI SA PANGHA-HARASS NG CHINA SA MGA PINOY SA WEST PH SEA -- Kapuna-puna na iilang senador lang ang nagsasalita at nagpapakita ng galit sa China kaugnay sa isyung pambobomba ng tubig ng China Coast Guard (CCG) sa mga barko ng Pilipinas na nagdala ng supply sa mga Pinoy soldier na nagbabantay sa BRP Sierra Madre sa Ayungin Shoal.

Ilan sa mga senador na “nganga” lang sa isyung ito ay re-electionist for senator at ang iba naman na tapos na ang term ay sa local position kakandidato sa 2025 election.

Kaya panawagan natin sa ating mga kababayan, ibasura sa halalan ang mga pulitikong “walang paki” sa pangha-harass ng China sa mga Pinoy sa West Philippine Sea (WPS), period!

◘◘◘

NGAYONG PANAHON NG KAPASKUHAN, PARANG KABUTENG NAGSULPUTAN ANG MGA MANRARAKET NA GAMBLING LORDS SA LAGUNA -- Ngayong panahon ng Kapaskuhan ay mistulang mga kabuteng nagsulputan ang mga raket ng mga manraraket na gambling lords sa Laguna.

Kung dati ay sina alyas "Toce," "Alvarez," "Ariza" at "Ibora" lang ang may raket na STL-con jueteng, lotteng, Ez2 at Suertes sa Laguna, ngayon ay sandamakmak na ilegalista pa ang nadagdag sa katauhan nina "Tita," "Osel," "Amante," "Timmy," "Orlan" "Jayson," "Pinky," "Nico," "Robert," "Mayang," "Vener" at “Bong”.

May impormasyon na isang alyas “Anibal” daw ang nagbigay permiso sa mga ilegalistang ito na mag-operate ng kanilang mga pasugalan sa Laguna.

Dapat ipa-raid na agad ni Laguna PNP Director, Col. Harold Depositar ang mga raket na ito ng mga gambling lords sa kanyang nasasakupan, kasi kung wala siyang gagawing aksyon ay baka bago mag-Pasko, sibakin siya ni PNP-Region 4-A Director B/Gen. Paul Kenneth Lucas sa puwesto, boom!