Chocolate Hills resort, sarado na, mga ahensya na sangkot, hugas-kamay

ni Nancy Binay @Be Nice Tayo | Marso 17, 2024

Nakakagalit at nakakadurog ng puso ang nakita nating mga nakatayo nang resorts sa mga paanan mismo ng Chocolate Hills.

Sa unang tingin pa lamang, alam na nating may mali.

Kung ang mga ahensya ng gobyerno na may tungkulin at responsibilidad na pangalagaan ang Chocolate Hills ay may pro-environment mindset, ang tanong natin, bakit nakapagtayo ng resort at mayroon pang cottages at swimming pool sa isang ‘classified natural monument’ sa ilalim ng NIPAS, at isang protected UNESCO geopark?

☻☻☻

Base sa mga dokumento, since 2018 pa pala nagsimula ang application ng Captain’s Peak, kaya nagtataka tayo kung bakit sa loob ng anim na taon ay nailusot ang mga permits at tinuloy ang construction nito.

Sa kasalukuyan, sarado na ang kontrobersyal na Captain’s Peak Garden and Resort.

Ngunit, iginiit ng kanilang pamunuan na sumunod sila sa mga patakaran na itinakda ng Department of Environment and Natural Resources (DENR).

Marami na rin ang nagsisilabasan na reports at memorandum orders about non-compliance, ‘yung supposed violations committed, closure orders, cancellation of business permits, etc.

Pero, walang gustong umako ng kasalanan, at medyo nagtuturuan na at naghuhugas ng kamay ang mga ahensyang directly involved.

☻☻☻

Nagpasa ng resolusyon ang inyong lingkod para imbestigahan kung papaano naipatayo ang resort na ito.

In fact, may commitment na si Sen. Cynthia Villar na habang session break ay magka-conduct siya ng hearing at napag-usapan na rin ang pagkakaroon ng ocular inspection sa Bohol.

Umaasa tayo na sa tulong ng hearing na ito, magkakaroon tayo ng sagot mula sa DENR, PAMB, BEMO, PENRO at LGUs, at maipaliwanag nila kung bakit tuloy pa rin ang construction at pagbibigay ng permit kahit na protected ang status ng Chocolate Hills.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Kababaihan, ultrasound at mammogram services, libre na

ni Nancy Binay @Be Nice Tayo | Marso 15, 2024

Natutuwa tayo na ngayong ginugunita natin ang Women’s Month, may direktiba ang Department of Health sa Philippine Health Insurance Corporation (PhilHealth) na isama ang ultrasound at mammogram sa Konsulta Packages nito.

Inanunsyo kamakailan ni Health Sec. Teodoro Herbosa na dinirekta niya ang PhilHealth na isama ang mga serbisyong ito sa lalong madaling panahon.

Aniya, makakatulong ito sa pagsiguro ng “sustainable financing” ng preventive health services para sa maagang pagtuklas sa cancer at iba pang sakit.

Agad na tinugon ito ng PhilHealth, na magbibigay sila ng libreng mammogram at ultrasound services para sa mga babaeng member ng ahensya simula sa Hulyo.

Kasunod din ito ng magandang balita noong nakaraang buwan na tinaasan ng PhilHealth ang benefit package para sa breast cancer treatment sa P1.4 million mula P100,000.

☻☻☻

Noong Pebrero ay muling binuksan ng Commission on Elections ang voter registration para sa 2025 midterm elections.

Nasa 3 million new voters ang tinatarget ng Comelec na mairehistro hanggang sa pagsasara ng registration sa September 30.

Kinikilala natin ang pagsusumikap ng Comelec na maabot ang target na ito sa pamamagitan ng pagpapadali ng proseso para sa registration.

Bukod sa pagpapasimple ng proseso – isang form na lang ang kailangang sagutin sa halip na ang naunang 3 form – patuloy din ang pagtataguyod ng satellite registration para maabot ang mga vulnerable sector gaya ng persons with disabilities, senior citizens, at mga nasa geographically isolated and disadvantaged areas (GIDA).

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Itaguyod ang kapakanan at karapatan ng kababaihan

ni Nancy Binay @Be Nice Tayo | Marso 10, 2024

Nais nating batiin at ipahatid ang ating pakikiisa sa lahat ng kababaihan sa ating pagdiriwang ng National Women’s Month.  

At dahil nga Buwan ng mga Kababaihan, magandang balikan natin ang mga batas na ipinasa naming mga mambabatas para siguruhin ang karapatan ng mga kababaihan.

Isa na rito ang Republic Act 11210 o mas kilala sa tawag na 105-day Expanded Maternity Leave Law na isinulong ng inyong lingkod.

Sa ilalim ng batas na ito, pinalawig natin ang bilang ng araw ng maternity leave mula sa dating 60 araw para sa normal delivery at 78 araw naman para sa caesarian delivery, ginawa nating 105 araw ang maternity leave ng mga nanganak, normal man o caesarian ang delivery.

Samantala, binibigyan naman ng 60 araw na maternity leave ang kababaihan na nakunan o sumailalim sa emergency termination of pregnancy.

Sa tulong ng batas na ito nakasabay na ang Pilipinas sa international standards ng tamang haba ng maternity leave.

Tagumpay din ito para sa mga kababaihan, pati sa kanilang pamilya dahil magkakaroon sila ng mas mahabang panahon para makasama ang bagong silang na sanggol.

☻☻☻

Napakaganda ng tema ng Buwan ng Kababaihan ngayong taon, “𝐖e 𝐟𝐨𝐫 𝐠𝐞𝐧𝐝𝐞𝐫 𝐞𝐪𝐮𝐚𝐥𝐢𝐭𝐲 𝐚𝐧𝐝 𝐢𝐧𝐜𝐥𝐮𝐬𝐢𝐯𝐞 𝐬𝐨𝐜𝐢𝐞𝐭𝐲!” at may sub-theme na “𝐋𝐢𝐩𝐮𝐧𝐚𝐧𝐠 𝐏𝐚𝐭𝐚𝐬 𝐬𝐚 𝐁𝐚𝐠𝐨𝐧𝐠 𝐏𝐢𝐥𝐢𝐩𝐢𝐧𝐚𝐬: 𝐊𝐚𝐤𝐚𝐲𝐚𝐡𝐚𝐧 𝐧𝐠 𝐊𝐚𝐛𝐚𝐛𝐚𝐢𝐡𝐚𝐧, 𝐏𝐚𝐭𝐮𝐧𝐚𝐲𝐚𝐧!”

Akmang-akma ito dahil, sa kabila ng abanse at mga nakamit nating mga tagumpay pagdating sa gender equality, ay hindi pa rin tapos ang laban.

Marami pa tayong pwedeng gawin upang itaguyod ang kapakanan at karapatan nating kababaihan.

Isang mapagpalayang Buwan ng Kababaihan sa ating lahat!

☻☻☻ 

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay