Refresher Courses at training kontra sunog sa mga fire brigade

ni Nancy Binay @Be Nice Tayo | Marso 28, 2024

Dumarami ang insidente ng sunog sa bansa.

Ayon sa Bureau of Fire Protection, nasa 5,174 ang sunog na nangyari mula Jan. 1 hanggang March 26 ngayong taon. Mas mataas ito ng 27 percent sa 4,077 insidente na naitala sa parehong panahon noong 2023.

Karamihan daw ng mga sunog na ito ay nangyari sa mga residential area.

Nasa 112 kababayan natin ang namatay dahil sa sunog, habang 331 naman ang sugatan. Umabot din sa P2.66 billion ang pinsala dahil sa sunog.

☻☻☻

Bunsod nito, inilahad ng BFP na paiigtingin pa nila ang pagsisikap para mas maging malay ang mga komunidad sa pag-iwas ng sunog.

Bukod sa paglapit sa mga komunidad, nagsasagawa rin daw ang BFP ng refresher courses at training para sa mga fire brigade, fire drills at demonstrations sa mga mall, industrial establishments, at mga ospital, at mga social media campaign.

Mahalaga ang pagtutok sa kaalaman ng mga nasa komunidad dahil ayon sa BFP, karamihan ng mga nakaraang sunog ay naganap sa mga residential area at informal settlements.

☻☻☻

Sa pagpasok ng tag-init, lalo pa’t may tagtuyot na dala ng El Niño, mas matinding hamon ang haharapin natin kapag nagkasunog.

Kaya’t mahalaga na kung maaari, sa atin na rin mismo manggaling ang pagkukusa na gawin ang lahat upang maiwasan ito.

Malaki ang maitutulong ng dagdag na kaalaman sa mga kababayan natin sa responsableng paggamit at pagbasura ng mga posibleng “fire starters” upang maiwasan ang sunog.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Simula ng pagninilay ngayong Linggo ng Palaspas

ni Nancy Binay @Be Nice Tayo | Marso 24, 2024

Ngayong araw ginugunita natin ang Palm Sunday o Linggo ng Palaspas bilang hudyat ng pagpasok ng Semana Santa.

Sa araw na ito, inaalala nating mga Katoliko ang matagumpay na pagpasok ni Hesus sa Jerusalem bago ang kanyang pagpapakasakit at pagpapapako sa krus ng kalbaryo.

Tinawag itong Linggo ng Palaspas dahil naglatag ang mga tao sa daraanan ni Hesus ng mga dahon at sanga ng palma habang nakasakay sa isang asno papasok ng Jerusalem.

☻☻☻

Ayon naman sa simbahang Katolika, mahalaga ang Linggo ng Palaspas dahil ito ang araw na piniling pumasok ni Kristo sa Jerusalem upang tuparin ang propesiya at harapin ang Kanyang nalalapit na kamatayan.

Bukod dito, inaalala natin ang araw na ito dahil sinisimbolo nito ang pagdating ni Hesus at kalakip nito ang pangakong pagliligtas niya sa atin mula sa kasalanan.

Sabi sa Bibliya, lahat ay nagagalak sa pagdating ni Hesus habang ang iba ay iwinagayway ang mga hawak nilang mga halaman.

Kaya naman maaari nating maituring ang araw na ito na simbolo ng ating taus-pusong pagtanggap kay Hesus bilang Panginoon at Tagapagligtas.

Samantala, ang paglatag at pagwawagayway ng palaspas ay maaaring ihalintulad sa pagtalima ng mga mananampalataya sa kalooban ng Diyos.

☻☻☻

Ang Semana Santa ay panahon ng pagninilay-nilay at pagdarasal.

Dalangin ko na sa buong linggong ito ay maranasan natin ang dakila at walang hanggang pagmamahal ni Hesus na nag-alay ng kanyang buhay sa krus para tubusin ang sanlibutan sa kasalanan at sa kamatayan.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

‘Green architecture’ para sa positibong epekto sa kalikasan

ni Nancy Binay @Be Nice Tayo | Marso 21, 2024

Kasalukuyan  itinatayo ang New Senate Building (NSB) sa lungsod ng Taguig.

Bilang pagkilala sa realidad ng krisis sa klima, nilalayon ng NSB na maging “green building.” 

Ang green building ay gusaling tinatanggal ang mga salik sa disenyo, konstruksyon, materyales, enerhiya, at iba pa para mabawasan ang negatibong epekto nito sa kalikasan.

☻☻☻

Kaugnay nito, nagtamo ng four-star rating ang NSB mula sa Building for Ecologically Responsive Design Excellence (BERDE) green building rating system.

Ang BERDE ay nilikha ng Philippine Green Building Council (PHILGBC). Ito ay national voluntary green building rating system na naglalayong tugunan ang epekto sa klima ng building industry. 

Natamo ng NSB ang 4-star rating sa Stage 1, Round 2 evaluation na natapos noong September 7, 2023. 75 out of 79 target credits ang nakamit sa loob ng evaluation period na ito. 

Target ng Senado na makakuha ng 5-star rating sa mga susunod na evaluation. 

☻☻☻

Umaasa tayong mas marami pa ring mga gusali’t istruktura ang susunod sa green architecture sa gitna ng hamon ng krisis sa klima.

Dumadagdag ang mga malalaking gusali sa polusyon at carbon emission na sanhi ng patuloy na pag-init ng klima. 

Panahon na para gawing mainstream ang green architecture para sa kapakanan nating lahat.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay