Turismo ng ‘Pinas, patuloy na umaarangkada

ni Nancy Binay @Be Nice Tayo | April 21, 2024

SA datos mula sa Department of Tourism (DOT), patuloy na umaangat ang industriya ng turismo sa ating bansa.

Kamakailan naglabas ang DOT ng datos na nagpapakita ng regional distribution of overnight travelers as of March 7, 2024.

Dito makikita na nangunguna ang NCR at Cebu province (kasama ang Cebu City, Lapu-Lapu City at Mandaue City) bilang mga lugar na may pinakamalaking bilang ng overnight travelers.

Sa nasabing panahon, nakatanggap ang NCR ng 6.35 million travelers samantalang ang Cebu province naman aY nakatanggap ng 4.03 million.

Kung foreign travelers lamang ang bibilangin, nangunguna pa rin ang NCR na nakatanggap ng 2.1 million at 1.45 million naman para sa Cebu.

Bukod sa NCR at Cebu, ang pinakapopular na mga lugar na pinupuntahan ng foreign travelers ay Palawan (kasama ang Puerto Princesa) at 680,895; Pampanga (kasama ang Clark freeport zone, San Fernando City at Angeles City) at 583,743; Aklan (kasama ang Boracay Island) at 428,704; and Bohol at 325,499.

☻☻☻

Kapansin-pansin sa datos na ito na naungusan na ng ilang lugar gaya ng Palawan ang Aklan (Boracay).

Ayon sa ilan, ito ay marahil sa rami ng tourist fees at ang mahirap na access mula sa airport papunta sa mga resorts.

Umaasa tayo na sa paglabas ng datos na ito, gagawa ng paraan ang DOT at ang lokal na pamahalaan ng Aklan para tugunan ang hinaing ng mga stakeholders.

Sa huli, makakaasa kayo sa inyong lingkod na buo ang aking suporta para sa ikauunlad ng turismo at maging sa ekonomiya ng ating bansa.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

15 LGUs, wagi sa Tourism Champions Challenge

ni Nancy Binay @Be Nice Tayo | April 19, 2024

KAMAKAILAN lang ay pinarangalan ni Pres. Ferdinand Marcos, Jr. at ng Department of Tourism ang 15 local government unit na nagwagi sa Tourism Champions Challenge.

Ang TCC ay isang tourism infrastructure program na nilalayong tulungan ang mga LGU sa pagdisenyo, pag-develop, at pag-manage ng tourism projects sa pamamagitan ng pagbibigay ng pondo para sa natatanging project proposals.

☻☻☻

Tig-limang LGU mula Luzon, Visayas at Mindanao ang nanalo, na niranggo mula first to fifth place.

Nakatakdang tumanggap ang first place winners ng P20 million; 2nd place-P15 million; 3rd place-P10 million; 4th place-P8 million; at 5th place-P7 million.

Inanunsyo naman ni Pres. Marcos na inaprubahan ng Tourism Infrastructure and Enterprise Zone Authority ang dagdag na P5 million na pondo para sa mga nanalo.

☻☻☻

Ayon sa DOT, tumanggap ang regional offices nito ng 98 project proposals mula 90 LGU. Bawat isa raw sa mga panukala ay nilalayong pagandahin at paunlarin ang mga local tourism destinations.

Ang mga salik sa pagpili ng mga nagwaging proyekto ay resiliency, inclusivity, and sustainable development (20 percent); relevance to the “Challenge” theme (10 percent); project objective and impact to tourism (20 percent); economic and financial viability (20 percent); sustainability mechanism (15 percent); and, presentation quality (15 percent).

☻☻☻

Ang mga nagwagi sa TCC ay mga sumusunod: 

Sa Luzon: Ambaguio, Nueva Vizcaya para sa Ambaguio Skyport-The 1st Local Paragliding “Airport Terminal” in the Philippines (1st place); Sablayan, Occidental Mindoro para sa Pinagpalang Lagusan sa Bakawan: A Mangrove Forest Park Development (2nd place); Bolinao, Pangasinan, Legacy of the Sea Project: A Silaki Island Community-Based Tourism Project (3rd place); San Jose, Romblon, Eco-Tourism Park Socorro (4th place); at Oriental Mindoro para sa Naujan Lake Wetlands Center (5th place).

Sa Visayas: Tubigon, Bohol para sa Enchanted Ilijan Plug of Tubigon (1st); Badian, Cebu para sa Badian Toong Spring Nature Park (2nd); Silago, Southern Leyte para sa Silago Ridge to Reef Eco-Experience Project: Promoting Sustainability through Eco-Heritage Tourism (3rd place); Victorias City, Negros Occidental, Gawahon, A Birder’s Paradise: Haven for Sustainable and Inclusive Eco-Tourism (4th place); at Panay, Capiz, Panay: A Coastal Resource Experience (5th place).

Sa Mindanao: Isabela City, Basilan para sa Lampinigan SANDS: The Lampinigan Jetty Port and Leisure Development Project (1st place); Davao City, Davao del Sur para sa Panunod: A Way of Life, Inherited Preservation of the Unwavering Legacy of Cultural and Sustainable Tourism of the Davao City (2nd place); Island Garden City of Samal, Davao del Norte para sa Mangrove Boardwalk and Gallery (3rd place); Tagum City, Davao del Norte, Truly Tagum: Advancing the Benefits of an Enriched Heritage-Tourism Circuit (4th place); at San Agustin, Surigao del Sur, Tourist Catwalk at Gata to Bretania Mangrove Areas (5th place).

☻☻☻

Binabati natin ang lahat ng nagtagumpay. Umaasa rin tayo na sa tulong ng TCC ay lalo pang iigting ang pagbibigay halaga sa ating likas na yaman.

Nawa’y mas marami pang LGU ang pagtuunan ng pansin ang sustainable tourism at lumikha ng mga programang binabalanse ang interes ng pag-unlad at ng kalikasan.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Ipagdiwang ang kagitingan at kabayanihan ng mga beterano

ni Nancy Binay @Be Nice Tayo | Abril 14, 2024

Nitong Abril 9 ay ginunita ng buong bansa ang ika-82 anibersaryo ng Araw ng Kagitingan. 

Ginagawa natin ito upang bigyang pugay ang mga sundalong nakipaglaban at namatay laban sa mga mananakop na Hapones sa Battle of Bataan noong 1942. 

Dati ipinagdiriwang natin ang Abril 9 bilang “Araw ng Bataan” ngunit ngayon, ang araw na ito’y inaalala’t ipinagdiriwang natin bilang “Araw ng Kagitingan.” 

Mas akma ito dahil bagama’t natalo tayo sa digmaang ito, kinikilala at inaalala natin ang kagitingan ng ating mga kababayang handang mamatay para sa ating kalayaan. 

Mahigit sa 65,000 sundalong Pilipino, kasama ng humigit-kumulang sa 10,000 sundalong Amerikano ang nakipaglaban ng mahigit sa tatlong buwan, sa kabila ng mas malakas na armas at mas maraming bilang ng mga sundalong Hapones.  

Huwag sana nating kalimutan ang sakripisyong ito ng ating magigiting na beterano ng digmaan. 

Nawa’y maging inspirasyon ang kanilang kabayanihan upang patuloy tayong magkaisa sa pagharap sa mga hamon ng kasalukuyang panahon. 

☻☻☻ 

Nakikiisa rin tayo sa ating mga kapatid na Muslim na nagdiwang ng Eid al Fitr noong nakaraang Abril 10. 

Ipinagdarasal ko ang makabuluhang selebrasyon ng pagtatapos ng Ramadan. 

Nawa’y maghari ang katiwasayan at pagkakapatiran sa ating bayan. 

Eid Mubarak! 

☻☻☻ 

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay