Pagkilala sa 10 Outstanding Filipinos

ni Nancy Binay @Be Nice Tayo | September 15, 2024

Kamakailan lamang ay binigyang pugay ng Senado ang 10 huwarang Pilipino na nakatanggap ng Metrobank Foundation Outstanding Filipinos.

Tayo ang nag-sponsor ng resolusyon na ito sa Senado sa pamamagitan ng Senate Resolution number 1130 na akda ng inyong lingkod.

Inihain natin ang naturang resolusyon upang hirangin ang 10 kapita-pitagang Pilipino na nagpamalas ng angking galing at inilaan ang kanilang mga sarili para sa ikauunlad ng kanilang kapwa.

Ang 10 Outstanding Filipinos ay sina:

• Teacher Ma. Ella F. Fabella ng Maasin Learning Center sa Zamboanga City

• Teacher Franco Rino C. Open ng Kabasalan National High School sa Zamboanga Sibugay

• Prof. Decibel V. Faustino-Eslava, Ph.D. ng University of the Philippines Los Baños

• Prof. Maria Regina M. Hechanova-Alampay, Ph.D. ng Ateneo de Manila University

Captain Salvador M. Sambalilo PN (GSC)

• Major Ron JR T. Villarosa (INF) PA

• Staff Sergeant Michael S. Rayanon PN(M)

• Police Lieutenant Colonel Bryan G. Bernardino

• Police Major Mark Ronan B. Balmaceda

• Police Staff Sergeant Llena Sol-Josefa M. Jovita

Ipinakita ng Outstanding Filipinos, na binubuo ng mga guro, pulis, at sundalo, sa kanilang mga gawa ang natatanging pagmamahal sa kapwa at sa bayan. 

Kaya naman dapat lang bigyan sila ng pagpupugay at nawa’y ipagpatuloy pa nila ang kanilang magandang nasimulan.

☻☻☻

Bukod sa pagkilala sa Outstanding Filipinos ng Metrobank Foundation, naghain din tayo ng resolusyon sa Senado upang bigyan ng consent si Sen. Loren Legarda para tanggapin ang pagiging Officer sa Order of the Legion of Honour na iginawad sa kanya ng French Republic.

Kinikilala kasi ng French Republic ang adbokasiya ni Sen. Loren na may kinalaman sa climate change at disaster risk reduction and management.

Congratulations Sen. Loren at patuloy sana kayong maging inspirasyon sa lahat ng mga kawani ng pamahalaan!

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagkilala sa galing ng mga Pinoy para athlete

ni Nancy Binay @Be Nice Tayo | September 12, 2024

Nitong September 08 ay natapos na ang 2024 Paralympic Games na sinimulan noong August 28 sa Paris, France.

Anim na Pinoy para athletes ang lumahok sa 2024 Paralympics. Ito ay sina Cendy Asusano, Para Swimming; Agustina Bantiloc, Para Archery; Allain Ganapin, Para Javelin Throw; Ernie Gawilan, Para Swimming; Jerrold Mangliwan, Para Taekwondo; at Angel Otom, Para Athletics. 

☻☻☻

Naghain tayo ng resolusyon sa Senado para kilalanin ang galing at pagsisikap ng ating mga para athlete at kanilang mga coach.

Maraming hamon na hinaharap ang mga para athlete para magtagumpay. Ngunit patuloy silang nagpupunyagi. 

☻☻☻

Kaugnay nito, mayroon ding panukala na nagnanais na ayusin ang hindi pantay na pagtrato sa ating mga para athletes na nagtatagumpay sa world stage.

Sa kasalukuyan kasi kalahati lang ng natatanggap na financial incentives ng mga ibang national athlete ang ibinibigay sa mga para athlete na nagwawagi sa mga international competition gaya ng Paralympics.

Layunin ng Senate Bill No. 2789 na gawing pantay sa tinatanggap ng ibang atleta ang mga benepisyong makukuha ng para athletes.

Umasa tayong sa lalong madaling panahon ay maisabatas na ito.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagpupugay sa mga guro ngayong Teachers’ Month

ni Nancy Binay @Be Nice Tayo | September 8, 2024

Tuwing Setyembre 5 ay ipinagdiriwang natin ang simula ng National Teachers’ Month.Magtatapos ito sa Oktubre 5 at sabay na ipagdiriwang ang National Teachers’ Day at World Teachers’ Day.

Layon nito na bigyang pagpupugay ang mga sakripisyo ng ating mga guro at ang mahalagang kontribusyon nila sa paghubog ng ating talino at husay.

Hindi nga ba’t itinuturing natin sila bilang ating mga pangalawang magulang dahil minsan mas mahabang panahon pa ang ating nagugugol sa paaralan kumpara sa ating mga tahanan.

Kaya naman maraming salamat sa lahat ng mga Pilipinong guro sa inyong serbisyo at pagmamahal. Salamat din at katuwang kayo ng pamahalaan sa pagtataguyod ng dekalidad na edukasyon para sa lahat ng mga mag-aaral.

☻☻☻

Sakto naman ang pagdiriwang ng Teachers’ Month dahil ngayong buwan, matatanggap na ng mga guro sa pampublikong paaralan ang kanilang salary differential para sa buwan ng Enero hanggang Agosto!

Maaasahan na maipagkakaloob ngayong September payroll ng mga guro ang dagdag sa kanilang suweldo.

Base ito sa Executive Order 64 na nilagdaan ni Pangulong Ferdinand Marcos Jr. noong Agosto 2, 2024.Sinabi ni DepEd Sec. Sonny Angara na may instruction na ang Department of Budget and Management (DBM) na puwedeng gamitin ng mga ahensya ng pamahalaan ang kanilang savings para maibigay agad ang taas-sahod at ito ay papalitan na lamang.

Sa katunayan, tatlong rehiyon na ang nakapagpatupad ng salary differential, limang rehiyon naman ang nagpalabas na ng partial payments, at ang nalalabi ay nasa proseso na rin.

Kaya sa ibang mga guro, kaunting hintay na lamang ang inyong gagawin.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay