Kalagayan ng mga barangay health worker, bigyang-pansin

ni Nancy Binay @Be Nice Tayo | Sep. 29, 2024

Nitong nakaraang linggo ay tinalakay sa plenaryo ang Senate Bill No. 2838 na mas kilala bilang Magna Carta of Barangay Health Workers (BHW).

Hindi lingid sa ating kaalaman ang serbisyong ibinibigay ng mga BHWs.

Napatunayan natin kung gaano sila kalaking tulong noong panahon ng pandemya at sila ang unang pinupuntahan ng ating mga kababayan kung may emergency sa mga malalayong lugar.

☻☻☻

Sa ilalim ng panukala na ito, binibigyang depinisyon kung ano ang mga dapat gampanan ng isang BHW.

Tinutukoy sa batas ang parameter ng kanilang papel sa pagbibigay ng primary health care sa kanilang mga komunidad.

Napakahalaga nito dahil ito ang magiging basehan para maprotektahan ang mga BHW sa pagganap ng mga trabahong lagpas na sa kanilang tungkulin.

Magkakaroon din ng orientation at training mula sa DOH para matiyak na kuwalipikado at physically at mentally fit ang bawat BHW.

☻☻☻

Lagi nating sinasabi na kinikilala natin ang kontribusyon ng mga BHWs ngunit hindi ito sapat.

Mas maganda kung patuloy nating papangalagaan at poproteksyunan ang kanilang kapakanan.

Kaya naman buo ang suporta natin sa layon ng naturang panukala na protektahan at itaguyod ang kapakanan ng mga BHW sa buong Pilipinas.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Good news as PhilHealth members

ni Nancy Binay @Be Nice Tayo | Sep. 26, 2024

May magandang balita ang Philippine Health Insurance Corp. (PhilHealth) na makatutulong sa ating mga kababayan.

Inanunsyo ng PhilHealth na magkakaroon ng dagdag na 30 percent sa coverage rates ng mga benefit packages nito sa November.

Pangalawang 30 percent increase ito sa coverage rates pagkatapos unang maimplementa noong Pebrero.

☻☻☻

Ayon din sa PhilHealth, tatanggalin na nito ang kontrobersyal na “single period of confinement rule.”

Ang tuntuning ito ay base sa PhilHealth Circular No. 0035, s. 2013, na nagsasaad na “admissions and re-admissions due to the same illness or procedure within a 90-calendar day period shall only be compensated with one case rate benefit.”

Marami na ang umaalma sa polisiyang ito sapagkat mas bumibigat ang sitwasyon na hinaharap ng mga may “chronic illness” o sakit na paulit-ulit gaya ng pneumonia, acute gastroenteritis, urinary tract infection, at chronic kidney disease.

Sa katunayan, noong 2023 ay umabot sa 26,750 claims ang tinanggihan ng PhilHealth dahil sa single period of confinement rule.

☻☻☻

Suportado natin ang pagbasura sa tuntuning ito.

Umaasa tayong sa tulong nito ay maibsan ang bigat na dinadala ng mga kababayan nating may sakit, lalo na ang mga may chronic illness.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagbusisi sa budget ng mga gov’t agency, tuluy-tuloy

ni Nancy Binay @Be Nice Tayo | Sep.22, 2024

Tuluy-tuloy na ang pagdinig ng Senado para busisiin ang panukalang budget ng iba’t ibang ahensya ng pamahalaan.

Tungkulin naming mga mambabatas na busisiin ang budget ng bawat ahensya ng gobyerno upang tiyakin na pakikinabangan ng taumbayan ang pondong nailaan sa kanila.

Nitong Huwebes, naging bahagi tayo ng pagdinig sa mga panukalang budget ng Department of the Interior and Local Government, Department of Foreign Affairs, at Commission on Elections.

☻☻☻

Sa budget hearing ng DFA, hiniling natin sa ahensya na dagdagan ang bilang ng pahina ng ating mga passport.

Malaking bagay ito sa ating mga OFW na madalas mag-renew ng passport dahil mabilis nilang nagagamit ang mga pahina nito.

Bukod dito, binigyang-diin din natin ang kahalagahan ng cyber security para mapangalagaan ang personal data ng ating mga passport holder.

☻☻☻

Sa pagdinig naman ng proposed 2025 budget ng Philippine National Police, napag-alaman natin na 499 police personnel lang ang nakadestino sa Makati City.

Napakababa ng bilang na ito dahil lalabas na halos 1:17,000 ang police to population ratio sa financial capital ng ating bansa.

Kaya naman nanawagan tayo kay PNP chief Police General Rommel Marbil na i-augment at dagdagan ang bilang ng mga pulis na naka-deploy sa Makati para lalo pang masiguro ang kaligtasan ng mga Makatizens.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay