Wa’ na nga kita ang mga tsuper, pinagkaitan pa sa ayuda

ni Nancy Binay - @Be Nice Tayo | August 19, 2021

Nakapanlulumo ang balita na isang porsiyento lang ng P5.58 bilyong ayuda ang naipamigay ng Land Transportation Franchising and Regulatory Board na nakalaan para sa mga driver at operator ng public utility vehicles.

Ayon sa 2020 report ng Commission on Audit, nasa P59 milyon lamang ng P5.58 bilyong pondo ng Service Contracting Program ng LTFRB.

Nasa 29,800 drivers o 49.79 percent din lamang ng target na 60,000 driver participants ang nairehistro sa programa sa pagtatapos ng 2020.

Tinanggalan na nga ng kabuhayan ang mga jeepney driver natin, pinagkaitan pa sila ng kinakailangang ayuda.

☻☻☻

Hindi katanggap-tanggap ang ginagawang panggigipit at pagpapabaya ng LTFRB.

Malaki sana ang maitutulong ng Service Contracting Program na dapat pantawid-gutom ng mga pamilya ng nasa transport sector.

Sa kabila ng paghihikahos ng mga manggagawa sa transport sector, krimen ang kawalan ng aksiyon ng mga naatasang itaguyod ang kanilang kapakanan.

Ang panawagan natin sa LTFRB at Department of Transportation, double-time naman sa pagkilos. Nagdurusa at nauwi na sa paglilimos sa kalsada ang mga pinagsisilbihan ninyo.

☻☻☻

Paalala lamang sa lahat na manatili sa loob ng bahay, ugaliing maghugas ng kamay, bigyang pahalaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

P6.6 milyon ang nasayang ng DOH dahil sa expired na mga gamot

ni Nancy Binay - @Be Nice Tayo | August 15, 2021

Nakakalungkot marinig ang obserbasyon ng Commission on Audit (COA) na may “deficiencies” ang Department of Health sa paggamit sa P67.323 bilyong pondo na inilaan para labanan ang COVID-19 pandemic.

Sa inilabas na 2020 audit report ng COA, sinabi nitong P6.6 milyon ang nasayang ng DOH dahil sa mga expired na gamot. Dagdag pa ng COA, may P20 milyon ding halaga ng mga gamot na malapit na mag-expire.

Bukod dito, lumabas sa report ng COA na may P69 mil­yong halaga ng overstock ng gamot at iba pang medical at office supplies. Ang mga overstock ay ang mga gamot o gamit na sumobra ang binili, mabagal ang paggamit o hindi na talaga nagagamit.

Ipinapakita lamang nito na talagang hindi maayos ang naging paggastos ng DOH sa pondong ipinagkatiwala sa ahensiya.

Lubhang nakapanghihinayang dahil ang pondong nasayang ay nagamit sana para ibsan ang mga pangangailangan ng ating mga medical frontliners.

☻☻☻

Nag-anunsiyo naman ang Commission on Elections (Comelec) na isususpinde muna nito ang voter registration at ang pagbibigay ng voter's certification sa ilang bahagi ng bansa na isinailalim sa Enhanced Community Quarantine (ECQ) at modified ECQ (MECQ).

Inaasahang maraming botante ang daragsa kapag muling nagbukas ang registration ng COMELEC, lalo na at nalalapit na rin ang deadline ng registration sa September 30.

Kaya naman, nananawagan tayo sa Senado na i-extend ng COMELEC ang kanilang deadline ng isang buwan hanggang October 31.

Ayon sa Philippine Statistics Authority, ang projected voting population para sa 2022 national at local elections ay 73.3 milyon. Ngunit base sa datos ng COMELEC, nasa 60 milyon pa lang ang bilang ng registered voters hanggang Hunyo ng taon na ito.

Kung susumahin, 13.3 milyon pa ang unregistered potential voters at dapat lamang ay bigyan natin sila ng sapat na panahon na makapagrehistro, lalo na at naka-lockdown nanaman ang ilan sa ating mga kababayan.

Umaasa tayong pag-aaralan ito ng COMELEC at mapagbigyan ang ating panawagan.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

2020 Olympics sa Japan ang ”best Olympics” sa bansa

ni Nancy Binay - @Be Nice Tayo | August 11, 2021

Sa gitna ng mga hamong dulot ng pandemya, nakasungkit tayo ng apat na medal, kasama na ang historic first gold na naipanalo ni Hidilyn Diaz sa weightlifting. Dahil sa naging performance natin, tinagurian tayong “best performing Southeast Asian nation.”

Sa ating mga medalist na sina Hidilyn Diaz, Nesthy Petecio, Eumir Marcial, at Carlo Paalam, at pati na rin sa 15 iba pa nating Olympic athletes, maraming salamat sa dangal na inuwi ninyo, at sa pagtaguyod sa bansa natin.

Ipinakita ninyong kayang-kaya ng atletang Pilipino na makipag-sabayan sa buong mundo.

Nawa’y ang tagumpay na ito ay magsilbing mitsa para sa mas marami pang tagumpay sa hinaharap.

☻☻☻

Nakababahala ang inilahad ng Private Hospitals Association of the Philippines, Inc. na naapektuhan ang pagtugon ng mga pribadong ospital sa mga COVID-19 patients dahil sa unpaid health claims na umaabot sa P20 bilyon.

Ayon kay Dr. Jose Rene de Grano, na presidente ng naturang grupo, naiipit ang suweldo ng mga healthcare workers, pati na rin ang pagbili at pagpapanatili ng mga medical equipment at supplies dahil sa hindi pa rin nababayaran ng PhilHealth ang mga claims na ito.

Kinakailangan ng agarang aksiyon para malutas ang problemang ito, lalo pa sa harap ng patuloy na namang pagtaas ng kaso ng COVID-19 sa buong bansa.

Hinihimok natin ang pamahalaan na tutukan ang isyung ito at siguruhin na sa lalong madaling panahon ay makapag-bayad ang PhilHealth. Lalo lamang tayong malulugmok kung hindi na umandar ang operasyon ng mga ospital natin dahil sa kawalan ng pondo.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay