Cancer fund line item, tinanggal sa budget ng DOH

ni Nancy Binay - @Be Nice Tayo | September 05, 2021

Nakaaalarma ang pagtanggal ng cancer fund line item sa budget na isinumite ng Department of Health (DOH) para sa susunod na taon.

Sa halip na line item, inilagay ng DOH ang National Integrated Cancer Control Program (kabilang ang cancer medicine para sa mga bata) at ang Cancer Assistance Fund sa ilalim ng pondo para sa non-communicable diseases na aabot sa P1.3 bilyon.

Dahil nakabulto lang lahat sa NCD budget, walang linaw kung magkano ang nakalaan para sa cancer fund at ang pangamba natin ay baka paglaruan lang ang budget na ito.

☻☻☻

Maging ang Cancer Coalition Philippines ay umalma na din sa desisyong ito ng DOH at naglabas na ng position paper na nagsasabing hindi ito ang ipinangako ng National Integrated Cancer Control Act (NICCA).

Ayon World Health Organization’s Global Cancer Observatory, mahigit sa 153,000 bagong kaso ng kanser ang naitala sa bansa noong 2020. Ito rin ang naging ikalawang leading cause of death para sa mga Pilipino matapos magtala ng 62, 300 na namatay noong nakaraang taon.

Kaya naman, hindi katanggap-tanggap na tila isinasawalang-bahala ng DOH ang pagbibigay-suporta sa ating mga cancer patients.

Makaaasa kayong itutuwid natin ang maling hakbang ng DOH sa pamamagitan ng paghahain ng amendments sa simula ng deliberasyon ng Senado sa Pambansang Badyet para sa 2022.

☻☻☻

Ngayong araw ang simula ng ating pagdiriwang ng National Teachers’ Month at nais lamang nating magbigay-pugay at pasasalamat sa lahat ng mga guro na walang sawang nagsasakripisyo para linangin ang kaalaman ng mga kabataan sa gitna ng mga hamong hatid ng pandemya.

Happy National Teachers’ Month sa lahat ng Gurong Pilipino!

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Patuloy pa rin ang pang-aabuso ng mga awtoridad lalo na sa mga checkpoint, tsk!

ni Nancy Binay - @Be Nice Tayo | September 02, 2021

Idineklara ng World Health Organization nitong Martes na ang Delta variant na ang pinakatalamak na variant ng COVID-19 sa bansa.

Kinumpirma rin ng WHO ang community transmission ng Delta variant.

Noong Lunes, pumalo na sa 1, 976, 202 ang bilang ng may COVID-19 sa bansa, pagkatapos magtala ng 22,366 bagong kaso. Sa nangyayaring trend, aabot na tayo sa 2 milyong kaso pagpasok ng Setyembre.

☻☻☻

Kailangang may magbago dahil tulad ng obserbasyon ng nakararami, hindi gumagana ang mga ipinatutupad ng pamahalaan.

Uulit-ulitin natin ang pangangailangang palakasin ang basics, ang 3Ts kung tawagin na tracing, testing, at treatment, kasabay ng pagmamadali pa, lalo na mabakunahan ang ating mga kababayan.

Kung hindi natin ito gagawin, lalo lamang tayong malulugmok at darami ang magdurusa.

Oras nang kumilos. Dapat nga, last year pa.

☻☻☻

Patuloy pa rin ang pang-aabuso ng mga awtoridad lalo na sa ating mga checkpoint.

Noong Aug. 27, isang quarantine violator ang naging biktima ng sexual abuse sa Mariveles, Bataan.

May mga ulat sa nakaraang buwan at taon na quarantine violator na napaslang, o kaya babae’t lalaki na napipilitang mag-offer ng sex sa mga pulis para makalusot sa checkpoint.

Nananawagan tayong panagutin ang lahat ng nang-aabuso sa kanilang awtoridad, at sa liderato ng Philippine National Police na gawin ang lahat nang maaari upang masigurong maayos na ginagampanan ng mga pulis ang kanilang tungkulin.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

62% ng mag-aaral sa public school, gusto na bumalik sa face-to-face classes

ni Nancy Binay - @Be Nice Tayo | August 29, 2021

Ngayong September, magsisimula na ang pagbubukas ng mga pampublikong paaralan. Nakalulungkot dahil isa ang Pilipinas sa mga bansa na wala pang classroom setup para sa kanilang mag-aaral.

Tila wala ring sense of urgency ang Department of Education (DepEd) na kumbinsihin ang ating pangulo na subukan ang limited face-to-face classes sa mga lugar na classified as “low-risk” for COVID-19.

Sa aming pagdinig sa Senado, ibinahagi ng DepEd na muli silang naghain ng kanilang proposal, ngunit inamin din nilang hindi pa nakakausap ni Education Secretary Leonor Briones ang pangulo tungkol dito.

Sa Pulse Asia survey, ipinakitang 62% ng mag-aaral sa pampublikong paaralan ang gusto nang bumalik sa face-to-face classes.

Hindi naman natin hinihinging simulan na ng DepEd ang face-to-face classes sa lahat ng mga paaralan sa buong bansa.

Kailangan lang na maipaliwanag nila ng mabuti sa pangulo ang kanilang plano sa pilot testing sa mga low risk areas para masimulan na ito agad at makita natin kung maaari nang magkaroon ng face-to-face classes, lalo na sa mga lugar na mababa ang kaso ng COVID-19.

☻☻☻

Bukod sa pagbubukas ng klase, panahon na naman para himayin ang isinumiteng budget ng Department of Budget and Management sa Kongreso.

Isa sa mga bumungad sa atin nang pag-aralan natin ito ay ang pagtaas ng budget ng NTF-ELCAC para sa 2022. Tumaas ito ng P11.66 bilyon kumpara sa budget nito ngayong taon.

Nakapagtataka ito dahil binawasan naman ng DBM ang budget para sa Research Institute for Tropical Medicine’s (RITM) na siyang nangunguna pagdating sa infectious disease research sa bansa.

Ang pangunahin nating kalaban ngayon ay COVID-19. ‘Di ba, ang dapat gawin ay ang palakasin pa lalo ang mga public health service institutions, hindi pahinain?

Sa darating na mga pagdinig ng budget sa Senado, aalamin natin ang dahilan kung bakit tila mas binibigyan ng importansiya ng DBM ang ELCAC kaysa sa RITM.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay