Isyu ng Ivermectin, kailangang tutukan!

ni Nancy Binay - @Be Nice Tayo | May 06, 2021

Patuloy pa ring lumalagablab ang isyu ng paggamit ng Ivermectin para sa paggamot ng COVID-19.

Para sa akin, ang number 1 na dapat ginagawa natin sa gitna ng pandemya ay ang makinig sa mga eksperto.

Ang mga susunod na mababasa ninyo ay pahayag ng Philippine Medical Association (PMA) at Philippine College of Physicians (PCP) tungkol sa kontrobersiyal na Ivermectin.

☻☻☻

“The PMA stands by the policy statements of the Food and Drug Administration, Department of Health and World Health Organization that current evidence on the use of Ivermectin in the treatment of COVID-19 patients is inconclusive. Infectious Medicine Specialists of PMA Specialist Societies also reviewed several case studies supporting Ivermectin as potential treatment for COVID-19 and determined the studies presented had low confidence certainty due to high risk of bias and low overall quality of evidence so they do not recommend use of Ivermectin for prophylaxis nor treatment of COVID-19.”

Ipinaalala din ng PMA na ipinagbabawal ang pagbenta ng Ivermectin sa labas ng mga designated hospitals na pinayagang magbigay nito para sa “compassionate use.”

☻☻☻

“We understand the desire of many concerned citizens to immediately find solutions to the threats of the COVID-19 pandemic. However, amidst the chaos and controversies we find ourselves in, we call on everyone, particularly the thought leaders of communities and institutions, to stay firm with our resolve to be guided by science and medical information based on robust research. We have to resist being swayed by others despite the absence of enough scientific evidence. Let us also refrain from thinking that we are saving our countrymen from the complications of COVID-19 by giving them medicines that are not proven remedies. We may be exposing them to unwanted and possibly harmful side effects.

PCP strongly opposes the dispensing of unregistered drugs, like Ivermectin for indications that have not been scientifically established. Based on current evidence from randomized control trials, ivermectin does not significantly improve clinical outcomes or reduce death among adults with mild Covid-19 infection. In addition, Ivermectin use is associated with side effects such as nausea, vomiting, diarrhea, stomach pain, facial or limb swelling, neurologic adverse events (dizziness, seizures, confusion), sudden drop in blood pressure potentially requiring hospitalization, and liver injury (hepatitis).”

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Ilegal na aktibidad ng China sa West Philippine Sea, ‘wag palampasin!

ni Nancy Binay - @Be Nice Tayo | April 29, 2021

Noong Lunes, kabilang tayo sa siyam senador na naghain ng resolusyon na kinukondena ang mga ilegal na aktibidad ng China sa West Philippine Sea.

Kasama ng inyong lingkod sina Senate President Pro-Tempore Senator Ralph Recto, Minority Leader Franklin Drilon, Senator Leila de Lima, Richard Gordon, Risa Hontiveros, Lito Lapid, Kiko Pangilinan, Grace Poe, Bong Revilla, at Joel Villanueva.

Nais ng Proposed Senate Resolution No. 708 na himukin ang buong Senado na kondenahin ang pagpapatuloy ng mga ilegal na aktibidad ng China sa exclusive economic zone at iba pang bahagi ng West Philippine Sea.

Binabatikos din nito ang pananatili ng mga military vessel sa West Philippine Sea na paglabag sa United Nations Convention on the Law of the Sea (UNCLOS) at sa 2016 Award ng Permanent Court of Arbitration na nagbasura sa malawakang pag-angkin ng China sa South China Sea.

Ayon sa huling tala noong April 20, nasa 165 ang kabuuang bilang ng Chinese vessels sa WPS. Umabot sa 240 ang namataang barko ng National Task Force for the West Philippine Sea noong April 11.

Umaasa tayong sa pagdagdag ng Senado ng boses nito ay magtatagumpay ang panawagang ipatupad ang mga karapatan natin sa WPS at sa pag-alis ng mga Chinese vessels rito.

☻☻☻

Noong Martes naman, nagdaos ang Joint Congressional Energy Commission ng hearing para talakayin ang power demand at supply outlook ng bansa ngayong panahon ng tag-init.

Matagal nang isyu ang panganib sa supply ng kuryente, at lalo itong naitatampok ngayon dahil bukod sa kadalasang high demand ang summer, inaasahan din ang pagdagsa ng mga bakuna sa loob ng susunod na mga buwan.

Kinakailangang masiguro natin ang supply ng kuryente lalo pa’t maselan ang pangangasiwa sa mga bakuna.

Kailangang tiyakin ng pamahalaan na hindi magkakaroon ng malawakang brownout sa mga susunod na buwan upang hindi madiskaril ang national vaccination drive.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

‘Wag masamain ang malasakit ng netizens, plis lang!

ni Nancy Binay - @Be Nice Tayo | April 22, 2021

Nagsimula sa Maginhawa, at umusbong sa iba’t ibang bahagi ng bansa.

Nitong mga nakaraang araw lamang ay nabuo ang isang kilusan para sa pagbabayanihan at pagkawanggawa sa kalagitnaan ng pandemya.

Simple lang ang mensahe ng mga community pantry na naglalayong tulungan ang mga nagdarahop nating kababayan: “Magbigay ayon sa kakayahan, kumuha batay sa pangangailangan.”

Ang tagumpay ng mga community pantry ay pagbuwag sa negatibong kamalayan ng ilan na sa panahon ng krisis ay mag-uunahan ang mga tao para mapunan ang kanilang mga pangangailangan.

Magiging mabuting patnubay ang ganitong pagtutulungan at pananagutan sa kapwa sa paglikha ng mga polisiya—sa halip na pumupusta sa individualistic behavior.

☻☻☻

Dapat hinihikayat natin ang ganitong mga inisyatibo mula sa ating mga kababayan.

Kaya nababahala tayo na may mga ulat na ng red-tagging at profiling na ginagawa ng kapulisan sa mga aktibong umoorganisa ng mga community pantry sa kanilang pamayanan.

Umabot na ang harassment sa puntong naiisip nang itigil muna ng mga volunteers ang operations nila dahil sa takot.

Uulit-ulitin natin, sa gitna ng pandemya, mas malaking banta ang gutom at sakit kaysa sa mga komunista.

Nananawagan tayo sa liderato ng PNP—huwag naman. Huwag tayong maging hadlang sa pagnanais ng mga tao na tumulong sa kanilang kapwa.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay