'Mr. Shooli', pumanaw na sa edad na 84

ni Eli San Miguel - Trainee @News | December 2, 2023

Kinumpirma ng kanyang pamilya na pumanaw na sa edad na 84 si Manuel "Jun" Urbano Jr., na mas kilala bilang "Mr. Shooli", ngayong Sabado.

Hinahangaan si Urbano sa kanyang mga ambag sa Philippine media bilang isang aktor, direktor, advertising creative, at satirist.

Nakilala siya sa telebisyon, pelikula, at internet dahil sa kanyang persona na si Mr. Shooli, ang nalilitong Mongolian titular character ng political commentary show na Mongolian Barbecue.

3 nabakunahan ng AstraZeneca sa Cotabato, patay

ni Mary Gutierrez Almirañez | April 15, 2021

Tatlong nabakunahan ng AstraZeneca kontra COVID-19 ang namatay umano sa Matalam, Cotabato ilang araw matapos silang maturukan ng unang dose nito. Gayunman, wala pang kumpirmasyon kung may koneksiyon ang bakuna sa pagkamatay nila, ayon kay Provincial Board Member Philbert Malaluan.

Paliwanag pa ng Integrated Provincial Health Office (IPHO) head na si Dr. Eva Rabaya, isa sa mga nasawi ay may hypertension at ang dalawa nama’y nagkaroon ng COVID-19. Posible rin aniya na walang kaugnayan ang bakuna sa pagkamatay ng mga ito.

“Only the DOH could conduct the causal analysis of their deaths, so, let’s just wait for the results,” giit pa ni Dr. Rabaya.

Kinilala ang mga namatay na sina Emily Salimbag, isang 51-anyos na healthcare worker at si Councilor Berlin Laroza, 58-anyos, kabilang ang isang kamag-anak nito.

Sa ngayon ay iniimbestigahan na ng Department of Health (DOH) Soccsksargen region ang pagkamatay ng tatlo.

Matatandaang 29 ang iniulat na nasawi sa Norway nang dahil sa blood clot matapos mabakunahan ng AstraZeneca.

Batay din sa inilabas na tala ng Centers for Disease Control and Prevention (CDC) sa Vaccine Adverse Event Reporting System (VAERS), tinatayang 472 ang namatay sa Moderna at ang 489 nama’y dahil sa Pfizer ilang araw matapos silang mabakunahan kontra COVID-19.