50 patay sa airstrike

ni J. Repol | April 13, 2023

Nasa 50 katao ang patay sa naganap na airstrike sa Kantbalu, Sagaing, Myanmar.

Batay sa ulat, tinarget ng military ang lugar dahil ito ang pinamumugaran ng mga militanteng grupo.

Ang Sagaing region ay malapit sa pangalawang pinakamalaking lungsod na Mandalay, lugar na may mga kontra sa pamumuno ng militar.

Napag-alaman na Pebrero 2021 pa nang maging magulo na ang bansa na naapektuhan ang kanilang ekonomiya.

Tinanggal sa pamamagitan ng kudeta ang kanilang lider na si Augn San Suu Kyi.

12 patay sa military plane crash sa Myanmar

ni Ronalyn Seminiano Reonico | June 11, 2021

Patay ang 12 katao matapos ang insidente ng military plane crash sa central region ng Myanmar noong Huwebes.

May lulan na 6 crew ang naturang eroplano at 8 pasahero nang mag-crash ito sa Pyin Oo Lwin City dahil sa masamang panahon, ayon sa spokesperson ng military junta.

Naganap umano ang pag-crash ng eroplano nang magla-landing na ito sa Anisakhan Airport sa Pyin Oo Lwin.

Pahayag ni Spokesperson Zaw Min Tun, "It lost communications when it was 400 meters (1,300 feet) away from a steel factory near the airport.”

Samantala, na-rescue ang isang batang lalaki at isang military sergeant na parehong isinugod sa ospital habang ang iba pang sakay ng eroplano ay binawian ng buhay kabilang umano ang isang senior monk.

40 patay sa rally sa Myanmar

ni Mary Gutierrez Almirañez | March 4, 2021

Patay ang mahigit 40 katao sa isinagawang magkakahiwalay na kilos protesta sa Myanmar kahapon, Marso 3. Batay sa ulat, walo ang namatay noong umaga at 7 ang nadagdag kinahapunan sa Yangon City.

Habang sa bayan ng Monywa ay 6 ang pinatay at ang iba ay natagpuan ang bangkay sa mga bayan ng Mandalay City, Hpakant, at Myingyan.

Kabilang sa mga namatay ang 3 bata at isang 14-anyos na lalaking napadaan lamang umano sa convoy ng military truck.

Ayon kay United Nations Special Envoy Christine Schraner Burgener, “Today it was the bloodiest day since the coup happened on the 1st of February. We had today — only today — 38 people died. We have now more than over 50 people died since the coup started, and many are wounded.”

Naganap ang pinakamadugong protesta matapos manawagan ang Association of South East Asian Nation (ASEAN) upang palayain ang lider ng Myanmar na si Suu Kyi at ibalik ang demokrasya sa bansa.

Nagpahayag na rin ng pakikidalamhati si Pope Francis sa kanyang Twitter post, “Sad news of bloody clashes and loss of life… I appeal to the authorities involved that dialogue may prevail over repression.”

Iginiit naman ng European Union ang naging paglabag ng mga militar sa international law. Anila, “There must be accountability and a return to democracy in Myanmar.”