Alipato at Muog, Rated R-16

ni Angela Fernando @Entertainment News | September 5, 2024

Naglabas ng pahayag ang Movie and Television Review and Classification Board (MTRCB) na ni-reclassify nila ang pelikulang "Alipato at Muog" na nakakuha ng R-16 rating matapos ang ikalawang pagsusuri ng isang komite na binubuo ng limang miyembro.

Ang nasabing komite ay pinamunuan ni Atty. Maria Gabriela Concepcion bilang Review Committee Chairperson, at kinabibilangan nina Atty. Paulino Cases, Jr., producer ng pelikula at telebisyon na si JoAnn Bañaga, executive at music producer na si Eloisa Matias, at retiradong guro na si Maria Carmen Musngi.

Binigyang-linaw ng MTRCB na habang sinusuportahan ng Lupon ang mga pampaaralang pagpapalabas ng pelikula na daan para sa makabuluhang talakayan at pagpapahalaga sa sining ng nasabing industriya, dapat pa ring maunawaan na ang pagpapalabas ng mga ito sa loob ng akademya ay sakop pa rin ng hurisdiksyon ng MTRCB.

Alinsunod sa Sec. 7 ng Presidential Decree Blg. 1986 at mga alituntunin sa pagpapatupad nito, tanging mga pelikula, programang pantelebisyon, at materyales na publicized na direktang ipinalalabas o ipino-produce ng Pamahalaan ng 'Pinas at ng mga kagawaran at ahensya nito ang exempted sa pagsusuri at klasipikasyon ng Lupon.

Lala Sotto, na-offend sa pelikula ni Paolo Contis

ni Angela Fernando @Entertainment News | September 3, 2024

Ibinahagi ni Lala Sotto-Antonio ang kanyang saloobin sa kontrobersyal na pelikula ni Paolo Contis na “Dear Satan,” na nakatanggap ng X-rating mula sa Movie and Television Review and Classification Board (MTRCB).

Aminado si Lala na na-offend siya sa nasabing film bilang isang Kristiyano dahil ipinapakita dito si Satanas sa isang positibong paraan. Saad pa ng MTRCB chairman, hindi raw ito kailanman magiging mabuti.

“I have seen the film. I joined the board. I am offended as a Christian. It is not demonic, but it has a different depiction of Satan becoming good. But Satan will never ever be good,” saad ni Sotto.

Nagpaliwanag naman ang beteranong filmmaker at Film Development Council of the Philippines (FDCP) chairperson na si Jose Javier Reyes na ang pelikula ay bahagi ng isang script mula sa workshop ng Movie Workers’ Welfare Foundation (Mowelfund) tungkol sa isang batang babae na humiling kay Santa Claus, ngunit nagkamali at naipadala ito kay Satan na siya'ng tumupad ng kahilingan ng bata.

“[...] Satan came to life and went to the little girl and was humanized by the little girl in the process,” pagpapaliwanag ni Reyes. Wala pa namang komento ang aktor ng nasabing pelikula na si Paolo patungkol sa naging pahayag ni Sotto at ng MTRCB.

MTRCB Board Member Glenn Patricio, bagong era ng masiglang pamumuno

ni Fely Ng @Bulgarific | September 2, 2024

Hello, Bulgarians! Isa sa mga pinakabatang appointee ng Marcos administration ang bagong board member ng Movie, Television Review and Classification Board (MTRCB) na si Glenn Patricio na nanumpa sa tungkulin noong Hulyo 22, 2024 sa harap ni MTRCB Chairwoman Diorella Maria “Lala” Sotto-Antonio.

Nagmarka ito ng simula ng kanyang mahalagang papel sa pangangasiwa at pagpapahusay sa mga pamantayan ng film and television content sa Pilipinas. Bago ang kanyang appointment, na-enjoy niya ang matagumpay na business career, kung saan hinasa niya ang kanyang kasanayan sa pamamahala at pagpaplano.

Ang kanyang background bilang isang administrative consultant sa Philippine Charity Sweepstakes Office (PCSO) ay nagbigay din sa kanya ng napakahalagang karanasan sa pag-navigate sa mga kumplikadong operasyon ng gobyerno at serbisyo-publiko.

Ang kanyang mga kaalaman na natutunan sa pribadong sektor at gobyerno ay magiging instrumento habang patuloy na umuunlad ang MTRCB sa mabilis na digital age.

Sa pagpapahayag ng kanyang pasasalamat at pangako, sinabi ni Patricio, “I am incredibly grateful for the trust and support they placed on me. It is a great privilege to be part of this team, and I am committed to contributing towards our shared goals of excellence of programming in TV and cinema, and the Philippine media as a whole.”

Sa kanyang pagsisimula sa bagong journey na ito, binibigyang-diin ni Patricio ang kahalagahan ng karunungan sa pamumuno sa pabanggit ng Proverbs 9:10: “The fear of the Lord is the beginning of wisdom.”

Nilalayon niyang dalhin ang prinsipyong ito habang ginagampanan niya ang kanyang mga responsibilidad sa MTRCB.

Nangako si Patricio na mag-aambag siya sa pagpapasigla ng mga board’s policies upang gawing mas nauugnay ang mga ito sa mga kontemporaryong madla habang pinoprotektahan ang mga interes ng mga manonood.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.