MMDA pinag-aaralan ang proposed daylight saving time dahil sa heavy NCR traffic

ni Jasmin Joy Evangelista | March 25, 2022

Pinag-aaralan ng gobyerno ang pagpapatupad ng daylight saving time sa gitna ng mabigat na daloy ng trapiko na naobserbahan sa pagpapatupad ng Alert Level 1 sa National Capital Region (NCR).

Ayon sa report ni Cedric Castillo sa Unang Balita nitong Biyernes, ang daylight saving time ay kabilang sa mga recommendations na natanggap ng Metropolitan Manila Development Authority (MMDA).

"Baka daw po puwede na ang pasok sa gobyerno at yung mga transaksiyon sa gobyerno ay simulan ng 7 o' clock at mag-end ng 4 o' clock," ani MMDA chairman Romando Artes.

"Yan pong isang oras na iyan sa pasok po ng gobyerno ay malaking bagay dahil hindi lamang ang pumapasok sa trabaho sa gobyerno ang apektado niyan kundi pati na rin po yung mga may transaksiyon sa gobyerno."

Ayon kay Artes, susuriin nila ang naturang rekomendasyon.

Base sa datos ng MMDA, ang daily volume ng mga sasakyan sa kahabaan ng EDSA bago ang COVID-19 pandemic ay nasa 405,000. Bago ang serye ng sunod-sunod na pagtaas ng presyo ng petrolyo, ito ay nasa 390,000. Bumaba ito sa 370,000 sa kasagsagan ng oil price hikes.

Sa ngayon, ang number coding ay ipinatutupad along EDSA mula 5 p.m. hanggang 8 p.m. Pinag-aaralan pa ng MMDA kung ipatutupad din ito sa umaga.

Aprub sa DOTr.. Provincial buses, lalarga na uli sa EDSA — MMDA

ni Lolet Abania | March 24, 2022

Magpapatupad ang Metropolitan Manila Development Authority (MMDA) ng isang 2-linggo dry run para sa pagbabalik ng mga provincial buses sa EDSA simula ngayong Huwebes ng gabi matapos na aprubahan ito ng Department of Transportation (DOTr).

Sa isang statement, sinabi ni MMDA chairperson Romando Artes na ang IATF Resolution No. 101 na tungkol sa uniform travel protocols, kung saan inisyu noong Pebrero 2021, ay mag-e-expire na ngayong Huwebes.

“The DOTr and the Land Transportation Franchising and Regulatory Board [LTFRB] gave the green light to allow provincial buses to ply EDSA starting 10 p.m. tonight up to 5 a.m.,” sabi ni Artes.

Samantala, ang MMDA at mga representante mula sa multi-sectoral stakeholders ay nagpirmahan ng isang Pledge of Commitment para mapabuti ang mga pampubliko at pribadong transportasyon sa National Capital Region (NCR) sa ginanap na summit.

Ayon sa MMDA, kabilang sa mga iminungkahing traffic plans ay ang pagpapalawak ng number coding scheme at ang reimplementation ng truck ban policy, bilang paghahanda na rin ito sa “new normal”.

“We will conduct a series of consultations to further improve traffic management in Metro Manila. Rest assure that we will thoroughly study the proposed solutions and we will address the concerns of the commuters and transport sector,” saad ni Artes.

Ang mga participants sa naturang summit ay mga ahensiya ng gobyerno, private sector, transport groups, transport associations, at mga local traffic bureaus ng 17 local government units (LGUs) sa Metro Manila.

Artes, bagong MMDA chief – P-Du30

ni Lolet Abania | March 4, 2022

Itinalaga ni Pangulong Rodrigo Duterte si Romando Artes bilang chairman ng Metropolitan Manila Development Authority (MMDA).

Batay sa dokumentong inisyu ni Executive Secretary Salvador Medialdea, nilagdaan ng Pangulo ang appointment letter ni Artes nitong Marso 1.

Ayon sa inilabas na statement ng ahensiya, si MMDA Undersecretary Frisco San Juan Jr. ay na-appoint naman bilang general manager kasabay ng pagiging deputy chairman ng agency.

Papalitan ni Artes si Benhur Abalos, na nag-resigned noong nakaraang buwan para suportahan si dating Senador Ferdinand “Bongbong” Marcos Jr. na tatakbo sa pagka-pangulo sa May 9 elections.

Isang abogado at certified public accountant, si Artes ay unang nagsilbi sa MMDA bilang assistant general manager for finance and administration noong Mayo 2017, naging general manager noong Oktubre 2021, at officer-in-charge noong Pebrero 2022.

“It is an honor to be appointed as the MMDA chairman. The agency has been my home for the past five years -- from the term of the late Chairman Danilo Lim and later under Chairman Abalos,” sabi ni Artes.

“I will continue to work for the completion of the projects and programs needed and pursuant to our mandates - traffic, solid waste and flood management, urban renewal, public safety among others and the equally important COVID-19 vaccination as we transition to the new normal,” dagdag pa nito.