San Juan Mayor Zamora, bagong pangulo ng Metro Manila Council

ni Lolet Abania | November 27, 2022

Nahalal bilang bagong presidente ng Metro Manila Council (MMC) si San Juan Mayor Francis Zamora sa ginanap na joint meeting ng grupo kasama ang Regional Development Council (RDC), nitong Sabado ng gabi.

Sa session din ay napili si Zamora bilang vice chairperson para sa RDC. “Unang-una sa lahat ako ay nagpapasalamat po sa bumubuo sa Metro Manila Council, kay MMDA Chairman Artes, sa lahat ng Metro Manila Mayors maraming salamat sa tiwala sakin,” pahayag ni Zamora sa session na ginanap sa San Juan City.

Kabilang sa mga council members in attendance ay sina Pateros Mayor Mike Ponce III, Valenzuela City Mayor Wes Gatchalian, Mandaluyong City Mayor Benjamin Abalos Sr., Pasay City Mayor Emi Calixto-Rubiano, Manila City Mayor Honey Lacuna, Malabon City Mayor Jeannie Ng-Sandoval, at Department of Human Settlements and Urban Development (DHSUD) Secretary Jose “Jerry” Acuzar.

Inamin naman ni Zamora na maaaring may mga hindi pagkakasundo sa grupo dahil sa may iba’t ibang lider sa naturang rehiyon, subalit tiniyak ng alkalde na gagawin niya ang kanyang makakaya para sa pagkaisa ng lahat.

“Unang termino ko bilang mayor naranasan natin ang pandemya, nakita ko gaano kalaki ang bagay kung ang labing pitong mayors sa Metro Manila ay nagkakaisa,” paliwanag ni Zamora. “Minsan posibleng hindi kami magkasundo pero iba pa din may isang boses at isang desisyon,” sabi pa ng alkalde.

Isa sa mga maiinit na isyu na ipinangako ng MMC mayor na maresolba ay ang traffic sa metropolis. “Bumabalik na sa normal ang buhay natin. Ibig sabihin naglalabasan na mga mamamayan so kailangan natin gumawa ng mga hakbang upang solusyonan ang traffic sa metro Manila,” saad ni Zamora.

Gayundin, ibinahagi ni Zamora na ang kanyang top priority ay peace and order. Aniya pa, iaanunsiyo niya ang ibang pang mga plano para sa rehiyon sa mga susunod na araw.

“Ito ay simula pa lang. Sa dadating na linggo na dapat pag usapan. Lahat dapat naririnig at napapansin upang magkaroon ng desisyon Ang MMC na buo at solid,” sabi ni Zamora.

Unified vaccination card, isinusulong ng mga MM mayors

ni Ronalyn Seminiano Reonico | August 14, 2021

Nakikipag-ugnayan ang mga Metro Manila mayors sa Department of Information and Communications Technology (DICT) para sa isinusulong na unified vaccination card.

Ayon kay Parañaque Mayor Edwin Olivarez sa isang panayam, isinumite na umano ng mga lokal na pamahalaan sa DICT ang listahan ng mga bakunado nang residente para sa naturang vaccine card project.

Aniya, “Napag-usapan po namin ‘yan sa Metro Manila Council. In fact, ‘yung aming mga IT ay patuloy na nagda-download na po sa DICT para sa unified vaccination card. So, tuluy-tuloy po na ginagawa ‘yan ng LGU rito sa Metro Manila."

Aniya, bago matapos ang buwan ng Agosto ay inaasahang maisusumite na rin ang lahat ng listahan ng mga LGUs.

Saad pa ni Olivarez, “Lahat naman po kaming LGUs, may system kami… I-download lang ‘yan sa DICT para sa concentration ng data para roon sa unified vaccination card."

Samantala, noong Huwebes pa inatasan ng DICT ang mga LGUs na magsumite ng listahan ng mga bakunado nang residente na kanilang nasasakupan at ayon kay Secretary Gregorio “Gringo” B. Honasan II, nakikipag-ugnayan na rin ang ahensiya sa Department of Health para sa vaccine certificate na ibibigay sa mga nakakumpleto na ng bakuna laban sa COVID-19.

“GCQ sa Metro Manila, ipagpatuloy” — Mayor Zamora

ni Thea Janica Teh | August 31, 2020

Ilang araw bago matapos ang dalawang linggong general community quarantine (GCQ) sa NCR at ilang kalapit-probinsiya, inirekomenda ni San Juan Mayor Francis Zamora sa Metro Manila Council na ipagpatuloy ang GCQ.

Sa selebrasyon ng ika-124 taon ng Pinaglabanan Day, ibinahagi ni Zamora na masyado

pang maaga para ibaba muli ang quarantine status sa NCR. Aniya, mahirap pang mag-adjust sa bagong polisiya sa maiksing panahon.

Dagdag pa ni Zamora, ang importante sa ngayon ay maipagpatuloy ang balanse sa pagitan ng kalusugan at ekonomiya ng bansa.

Bukod pa rito, sinabi rin ni Zamora na maganda na ang takbo ng mga negosyo at

establishment sa Manila na pinayagan nang magbukas sa ilalim ng GCQ.

Ipinagdiwang nitong Linggo sa San Juan ang Pinaglabanan Day pati na rin ang National

Heroes Day sa pamamagitan ng pagkilala sa mga frontliners na walang-sawang

pumoprotekta sa mga naapektuhan sa pandemyang ito.

“This is an important day for us because even if we are in the midst of a pandemic, our fightgoes on not only for our freedom but also to be freed from this virus,” sabi ni Zamora.

Sa kasalukuyan, mayroon pang 516 active case ng COVID-19 sa San Juan.