Facebook Messenger, may bagong update na puwede nang makita kapag nag-screenshot ang ka-chat

ni Jasmin Joy Evangelista | January 28, 2022

Ibinahagi ni Facebook CEO Mark Zuckerberg ang bagong update sa Messenger na mayroon nang notification na magpapakita kung kumuha ng screenshot ang isang user sa isang disappearing message.

“New update for end-to-end encrypted Messenger chats so you get a notification if someone screenshots a disappearing message”, ayon kay Zuckerberg.

Ang default Facebook messenger app ay hindi end-to-end encrypted, ibig sabihin, kailangan mo muna i-on ang feature na ito.

Kaya para sa mga normal na chat, posible pa ring mag-screenshot nang hindi nalalaman ng iyong kausap.

Facebook, Instagram at Messenger, nag-crash

ni Twincle Esquierdo | December 11, 2020

Nag-crash ang Facebook, Instagram at Messenger apps kaninang alas-9 ng umaga at mas naapektuhan ang bansang UK at Europe at hanggang ngayon ay hindi pa rin alam ang dahilan kung bakit nangyari ito. Ayon sa Down Detector, 80 porsiyento ang hindi nakatatanggap ng mensahe at 20 porsiyento ang hindi makapag-log-in.

Nagbigay naman ng pahayag ang Facebook tungkol sa nangyari at nagsusumikap na maibalik na sa dati ang mga nasabing apps.

“We are aware that some people are having trouble sending messages on Messenger, Instagram and Workplace Chat. We’re working to get things back to normal as quickly as possible,” sabi ng company spokesperson ng Facebook.

Nagsampa naman ng kaso ang U.S. Federal Trade Commission laban sa Facebook nitong Miyerkules na nagsasabing gumamit ito ng strategy na “buy or bury” para maalis ang mga kakumpitensiya nito.