ABS-CBN, binantaang 'di na talaga pababalikin… ENCHONG, PUMALAG, P-DUTERTE TINALAKAN

ni Mercy Lejarde - @Showbiz Talkies | February 10, 2021

Hanep din naman ang tapang at pagiging palaban nitong si Enchong Dee, 'no!

Hindi nga nagpaawat sa pagpalag at pagtalak itong si Enchong sa kanyang Twitter account dahil sa sinabi ni Pangulong Rodrigo Duterte sa kanyang huling speech nu'ng Lunes na kahit bigyan pa raw ng prangkisa ng Kongreso ang ABS-CBN ay hindi pa rin niya hahayaang makabalik-operasyon ang network hangga't hindi umano nagbabayad ng utang sa tax.

Sa kanyang Twitter account, ini-repost ni Enchong ang isang article ng sinabi ni P-Du30 at sa kanyang caption ay ganito ang mababasa: "And'yan ka pa rin?? Hoy gising! Ang daming Pilipino naghihirap ngayon, 'yun muna unahin natin... kahit wala kaming franchise nakakapagbigay-serbisyo kami."

Oh, ha? May point naman si Enchong, pero wait lang, ano kaya ang reaksiyon ng mga DDS sa kanyang naging resbak sa pangulo?

Hmmmm…

Sori na lang daw sa ex-mister… CLAUDINE, NEVER NA TALAGA KAY RAYMART, SI COCO ANG GUSTO

ni Mercy Lejarde - @Showbiz Talkies | February 3, 2021

Sa grand presscon ng Mamasapano movie of Borracho Film Productions ni Atty. Ferdinand Topacio ay natanong ni yours truly ang leading lady dito na si Claudine Barretto na kung after doing Mamasapano ay muli ba siyang magiging active sa pag-aartista.

“Yes po,” nakangiti niyang sagot.

Byuti pa rin siya, in pernes, kahit matagal siyang nawala sa showbiz limelight at nahiwalay sa dyowa niyang si Raymart Santiago na ngayon ay napapabalitang dyowa na raw ni Jodi Santamaria.

Agad itong tinanong uli ni yours truly kung halimbawang alukin uli siya ng movie ni Atty. Ferdie Topacio na isang romantic movie na ang magiging partner niya ay ang estranged hubby niyang si Raymart with matching Jodi as their ka-love triangle, payag ba siya?

Sumigaw agad si Atty. Topacio ng mga katagang… "Hindi ko gagawin 'yun!” na ikinatawa lang ni Claudine pati na ng mga taong nakapaligid sa kanya.

“Hindi. At hindi niya gagawin 'yun (referring to Atty. Ferdie Topacio), mas okay kasi even before, never kaming nagsama sa pelikula or siguro once lang…” sabi ni Claudine, sabay sabat ni Atty. Topacio ng… "Sa Channel 7 'yun!”

Salo naman agad ni Claudine, "Oo nga, sa Channel 7. Pero ayaw talaga namin bakuran ang isa’t isa, nako-conscious kami.”

Hirit uli ni Atty. Topacio na tipong pabiro, "Ako na lang ang magiging partner niya!”

Tanong uli ni yours truly kay Claudine, mag-aasawa ba siyang muli?

Umiling lang siya and even added, "Kung may darating siguro, pero ngayon, sa mga anak ko ako nakatutok. Ang panganay ko ay 16 years old na.”

Tanong uli ni yours truly, "Eh, halimbawa, gagawa ka nga uli ng movie, sino sa mga artista natin sa kasalukuyan ang gusto mong makasama o makapareha?”

“Si Julia Montes, Coco Martin at si Daniel Padilla,” saad niya.

At ang mensahe niya sa kanyang mga tagahanga ay…. “Thank you so much sa mga sumusubaybay pa rin sa akin at ipinagtatanggol ako lalo na sa social media. Thank you so much. I am forever grateful. Kaya for repaying, I am doing good movie like this, Mamasapano,” pagtatapos ng nag-iisang Claudine Barretto sa ating showbiz world.

KINUMPIRMA NI EDU: KASALANG LUIS-JESSY, AFTER NG PANDEMIC

ni Mercy Lejarde - @Showbiz Talkies | February 2, 2021

May bago akong exclusive interview kay Edu Manzano na erpat ni Luis Manzano at ex-hubby ni Vilma Santos-Recto na naganap sa preskon ng Mamasapano ng Borracho Film Productions ni Atty. Ferdie Topacio kamakailan lamang.

Bago pa ang interbyuhan namin ay sinabi na ni Edu na 1980’s pa kami magkakilala. Kami naman ni Ate Vi, early 70’s ay pareho kaming may gatas pa sa labi noon, charrrr! Insert smiley, !

O, siya… let’s begin. Ang tanong muna ay ano ang role ni Edu sa Mamasapano?

“Ang role ko rito ay si General Benjie Magalong na kasalukuyang mayor ng Baguio. Siya ‘yung nag-head ng Board of Inquiry nu’ng iniimbestigahan kung ano ang nangyari ru’n sa Mamasapano,” sagot niya.

Sa personal life naman, natanong ko kung kumusta na ang kanyang pamilya.

“Well, ‘yung daughter ko at saka isang anak na lalaki, ah, fortunately or unfortunately, nasa New York and so far, malakas sila and ang kagandahan nu’n, eh, anytime sila magpa-swab sa ospital, okay at libre naman.

"But siyempre, hindi mo maiaalis sa father or sinumang magulang na mag-alala kapag malayo sa iyo ang pamilya, lalo na ang mga anak mo and then, ganito ang sitwasyon natin ngayon due to pandemic, covid nga, so lagi kaming nag-aalala. Buti na lang, may cellphone, buti na lang may WiFi, social media at madali silang makontak,” katwiran niya.

Tanong pa ni yours truly, “How about your son Lucky Manzano sa ex-wife mong si Vilma Santos… ano, mag-aasawa na ba talaga sila ni Jessy Mendiola ngayon at kailan ang exact date ng kanilang wedding?”

Aniya, “Kinausap naman nila kami bago nila inanunsiyo ang kanilang plano. Kinausap nila muna kami.

“Well, wala pang definite date pero ang ginawa nila, was of course, ‘yung proposal muna sa kanilang formal engagement. Siyempre, titignan muna kung paano ang sitwasyon ngayong pandemic, paano ang progress, kahit paano, titignan muna nila kung malayo sa peligro at ‘yung covid-free na tayo. Siyempre, they would like to celebrate it with friends and family. So, importante na wala nang pandemic bago sila makapagdesisyon ng final date of their wedding.”

Nang matanong ni yours truly kung sa palagay ba niya ay it’s about time na mag-asawa na si Lucky at kung ilang taon na ito, aniya, “40 lang siya. Bata pa.”

Well, life begins at 40, so they say.

“Ngayon nga, life begins at 50, sabi nga nila,” natatawang sabi pa ni Edu.

Tinanong ko rin kung okay ba si Jessy Mendiola as daughter-in-law-to-be ni Edu at aniya, “Oh, yes. Pero parang hindi rin ako makakasagot du’n kundi si Luis lang. Kasi mas matagal silang magkasama kaya wala pa akong masyadong alam tungkol kay Jessy. Saka ako, never akong nakialam sa buhay-mag-asawa dahil hindi naman kami magkasama 24-oras at kung ano man ‘yun, kanila na lang ‘yun.”

Kinumusta ko rin kung magkaibigan ba sila ng ex-wife niyang si Vilma Santos, kung madalas ba silang mag-usap lately at kung kailan sila huling nagkita nang face-to-face?

Aniya, “Lately kasi, of course, ang aming pinakadirektang line of communication is of course si Luis. Kasi kung meron siyang malalaking desisyon sa buhay, I mean si Luis, siyempre, gusto rin niyang malaman namin.

“Siya ang lagi naming direct line of communications. Besides, matanda na kami ni Vilma. So our children are allowed to do what they think na magandang diskarte sa buhay nila. Hindi pupuwedeng laging nandiyan ang mommy at daddy.

“So ako, bilang ama, matagal ko nang ibinigay ang laya sa kanila.”

Sa tanong naman kung nagkakausap pa rin ba sila ni Ate Vi kahit paminsan-minsan, sey ni Edu, “Sa ngayon, no. Wala naman kaming pag-uusapan, eh. So lately, wala. Ano’ng pag-uusapan namin?”

Hindi rin naman daw importanteng magkumustahan pa sila dahil aniya, “'Andiyan naman si Luis.”

Pag-amin pa ni Edu, dahil matagal na ay hindi na niya matandaan kung ilang taon na silang hindi nagkikita ni Ate Vi.

Well, talaga yatang may mga ganu’ng drama sa mag-ex. Iwasan hangga’t maaari.

Pero as the saying goes, as long as you have memories… yesterday remains… boom, ganernnn!

And another saying goes… dumarating, nagdaraan ang nakaraan, tsuk and more tsuk!

‘Yun lang and I thank you.