BINI, SB19 AT LOLA AMOUR, LABAN-LABAN BILANG ARTIST OF THE YEAR

ni Mercy Lejarde @Showbiz Talkies | Oct. 4, 2024

Maglalaban-laban ang grupong BINI, Lola Amour at SB19 kasama sina Juan Karlos at Maki sa Artist of the Year award na igagawad sa pagbabalik ng MYX Music Awards na umarangkada na sa pag-anunsiyo ng mga napabilang sa nominado sa pamamagitan ng MYX YouTube (YT) channel.

Pagkatapos nga ng tatlong taon ay muling kikilalanin ng MYX ang mga natatanging Pinoy artist, mga kantang tumatak at music videos na talaga namang patok sa mga manonood sa minahal na music awards.

Kabilang sa posibleng magwagi bilang Song of the Year ang Dilaw ni Maki, Ere ni Juan Karlos, Pantropiko ng BINI, Raining In Manila ng Lola Amour, at Sining ni Dionela, kung saan tampok si Jay-R.

Samantala, nominado para sa top award na Music Video of the Year ang B.A.D. ni Denise Julia kung saan tampok si P-Lo, Cherry On Top ng BINI, Moonlight ng SB19, Ian Asher at Terry Zhong, at Surreal ni Justin.

Kinilala na rin ang mga maglalaban-laban para sa mga kategoryang Mellow Video, Pop Video, Hip-hop Video, R&B Video, at Rock Video of the Year. 

Maaari ring bumoto ang mga fans para sa kategoryang Collaboration, Breakout Solo Artist, Breakout Group, at Global Video of the Year.

Magsisimula ang botohan para sa MYX Music Awards 2024 sa Oktubre 5, 12:01 AM hanggang Nobyembre 10, 11:59 PM. 

Manggagaling sa fan votes ang 60% ng final tally, habang magmumula naman ang 40% sa resulta ng artists poll.

Papangalanan ang mga magwawagi sa bigating MYX Music Awards awarding event na gaganapin sa susunod na buwan.

Mapapanood ang MYX sa SKYcable Channel 23, Cignal channel 150, at iba’t ibang cable operators nationwide. Available rin ito sa iba’t ibang digital platforms tulad ng YouTube (YT) at Amazon Prime.  

---

HINDI na umano nag-plaster si Jameson Blake sa sizzling love scene niya kay Lovi Poe sa ginagawa nilang pelikula na produced by C’est Lovi Productions at Regal Films na Guilty Pleasure (GP). 

Ngunit, sinagot na ito ng aktor na gumamit siya ng tissue at plaster, salungat sa mga bali-balitang hindi niya ginamit ito. 

Masakit daw ito kung itatapal, kaya siguro minabuti na lang ni Jameson Blake kung totoo man na ‘wag nang gumamit ng plaster. Hindi rin ipinakita ng camera man ang maselang bahagi niya kaya hindi sila guilty, in pernes.

Anyway, sizzling din ang love scene nina Lovi Poe at JM de Guzman sa GP. 

Abangan, mga Ka-Bulgar!

---

Bilib kami sa sipag sa paggawa ng batas ni Sen. Bong Revilla, Jr.. Just recently ay nabasa namin sa kanyang socmed (social media) timeline ang kanyang post that goes....

“Sa tulong ng ating isinulong na Kabalikat sa Pagtuturo (KAP) Act o Republic Act No. 11997 na nagbibigay ng P10,000 teaching allowance sa mga guro, hindi na nila kailangang humugot mula sa sariling bulsa para makabili ng chalk, atbp..

“Ngayon, mas magagamit na ng ating mga guro ang kanilang buong sweldo sa personal nilang pangangailangan. 

“Hinding-hindi po magsasawa ang inyong lingkod bilang kabalikat ng mga idol nating guro.”

At ang b-day wish nga niya ay magkaisa tayong lahat para sa ating bayan at ma-reelect siya bilang senador this coming 2025 elections.

Aba, eh, dapat lang, because alam namin na talagang matulungin sa mga needy ones itong si Sen. Bong Revilla, Jr. at hindi na rin kataka-takang siya ang itinanghal na Darling of the Press sa nakaraang PMPC Star Awards for Movies, ‘yun na!

Kaya raw hiniwalayan ni Tom… CARLA, HIRAP NANG MAGKAANAK, MARAMI PANG SAKIT

ni Mercy Lejarde @Showbiz Talkies | Sep. 24, 2024

May katotohanan kaya ang espekulasyon ng mga Marites at Mosang sa showbiz na kaya hiniwalayan ni Tom Rodriguez si Carla Abellana ay dahil hirap itong magkaanak o baka nga imposible nang magkaanak at may mga sakit pang nararamdaman? 

Recently nga kasi ay umamin si Carla na sa edad daw na 37 ay nasa perimenopausal stage na siya at limang taon na raw siyang nagsa-suffer sa “hypothyroidism.”

Ang “perimenopausal” ayon sa isang health website ay ang nararanasang iregularidad sa pagdating ng buwanang dalaw bago ang tuluyang paghinto nito.

Well, hindi man naging successful ang marriage nina Carla at Tom, ang mahalaga ay happy na sila sa kani-kanilang buhay ngayon.

Ipagdasal na lang natin ang health condition ni Carla at malay natin, pagdating ng panahon ay magkabalikan pa rin sila ni Tom Rodriguez. 

Boom ganern! 

---

WALA talagang makakatalo sa ASAP dahil sa handog nitong free concert experience tampok ang kamangha-manghang performances mula kina Andrea Brillantes, Maki, KDLex (KD at Alexa), Moira Dela Torre, Morissette, Regine Velasquez, atbp. nu'ng Linggo (Setyembre 22), sa Kapamilya Channel, A2Z at TV5.

Bumilib kami sa biritan nina Regine at Morissette na kumanta ng rock anthems. Sina Maki at Moira naman ay may solo performances ng kanilang hit songs. 

At sina KD Estrada at Alexa Ilacad ay may nakakakilig na duet.

Nagbabagang dance number din ang hatid ni Andrea kasama ang iba pang Dance Sirens na sina Chie Filomeno and Anji Salvacion.

Hindi naman kumpleto ang isang concert kung wala ang natatanging Concert King Martin Nievera, na hatid ang kanyang greatest hits kasama ang mga OPM icons na sina Gary Valenciano, Regine, Ogie Alcasid, at Erik Santos.

Tampok din sa ASAP concert ang collab performance nina Gary, Erik, at Jona, ang fresh duet nina Ogie at Regine, ang nakakamanghang solo act mula kay Darren, at ang nakakabilib na biritan mula sa singing champions.

Kaya panoorin ang free concert experience tuwing Linggo sa ASAP, 12 NN, sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide sa TFC. 

Tanggap na 'di na babalikan ni Kathryn… DANIEL, RICH GIRL SA BATANGAS ANG BAGONG LABS

ni Mercy Lejarde @Showbiz Talkies | June 25, 2024

Mukhang tanggap na ni Daniel Padilla na never na talaga siyang babalikan ng ex-GF niyang si Kathryn Bernardo. 

According to some showbiz Marites kasi ay may bagong nililigawan si Daniel na taga-Batangas.

And take note, rich girl daw ang apple of the eyes ngayon ni DJ. Taga-Tanauan diumano ito at marami raw negosyo ang mga magulang.

In fact, ang ama ng babae ay naging business partner daw ni Daniel.

Well, no wonder daw na mas piniling magdiwang ni DJ ng kanyang recent birthday sa Batangas.

Ayon sa pagsasaliksik ng press, a check with the girl’s social media account would confirm na pina-follow nga siya ni Daniel.

Ayon naman sa nakararami, walang masamang maghanap ng bagong karelasyon si Daniel dahil single ang status niya.

Karapatan naman niya na muling umibig with matching background music that goes…

“Kapag tumibok ang puso…”, yes, boom ganern!

‘Yun nga lang, unang nabalita na may mutual understanding na raw sina Kathryn at Alden Richards, na ewan nga lang kung para lang ba sa maagang promo ng kanilang reunion movie na may playdate na sa November.

Ang tanong, sino kaya sa kanila ni Kathryn ang mauunang magkarelasyon?

Si Kathryn na ka-MU na si Alden which is just one step closer to a full-fledged romance o si Daniel na nasa ligawan stage pa lang?

O, sagutin n’yo ‘yan, mga Marites at tribu ni Mosang, okidoki?

---

Sa pagpapatuloy ng selebrasyon sa Pride Month, hatid ni Kapamilya anchor Bernadette Sembrano ang kuwento ng pag-iibigan nina power belter Sheryn Regis at partner niyang si Mel de Guia, pati ang kanilang adbokasiya para sa LGBTQIA+ community ngayong Linggo (Hunyo 23) sa Tao Po.

Isang proud advocate si Sheryn para sa LGBTQIA+ community na ngayo’y ginagamit din ang kanyang tinig para magbigay-liwanag sa mga pinagdaraanan at hinahangad ng komunidad.

Sa pagdayo ni Bernadette sa kanilang restaurant sa Laguna, dito ibabahagi nina Sheryn at Mel kung paano nagsimula ang kanilang love story at ang mga hamong kanilang hinarap.

Abangan 'yan ngayong Linggo sa Tao Po, 6:15 PM sa Kapamilya Channel, Kapamilya Online Live, A2Z, ABS-CBN News, YouTube Channel, at iWantTFC.