Knows mo ba 'yan, KC? RICA, UMAMING MUNTIK NANG PAKASALAN NI PIOLO

ni Mercy Lejarde @Showbiz Talkies | April 19, 2024

Talaga lang, ha?

Itech ang naging rebelasyon ni Rica nang maging guest siya sa Fast Talk with Boy Abunda kamakailan lamang, 'noh!

Marami siyang rebelasyon kay Kuya Boy Abunda like… noong nasa T.G.I.S. (Thank God It’s Saturday) daw siya ay naging dyowa niya si Red Sternberg, pero short-lived lang daw ang kanilang naging romansa dahil binawi niya ang kanyang ‘oo’ sa actor sa loob lamang ng isang araw, na ikinagalit daw nito.

Pinakamatagal daw naman niyang naging karelasyon, ang actor na si Bernard Palanca at marami rin daw siyang natutunan sa pakikipagrelasyon sa actor dahil malalim ang kanilang pinagsamahan.

And take note, inamin rin ni Rica na nagkaroon daw sila noon ng relasyon ni Piolo Pascual with matching usapan na maging silent lang daw sila at muntik na raw siyang pakasalan noon ng aktor, kaya nga lang, hindi naman daw nangako si Papa P dahil wala namang label ang kanilang relasyon.

May ganern isyu talaga, ha, Rica Peralejo at Papa Piolo Pascual? 

Napaisip tuloy kami kung ang fave naming si KC Concepcion ay muntik din kayang pakasalan ni Piolo bago sila naghiwalay?

Naku, alamin n'yo nga 'yan, mga Marites at mga tribu ni Mosang, para tsuk, pasok!

---

May mga bago na namang talents ang Borracho Films Productions ni Atty. Ferdinand Topacio na ipinakilala sa ilang miyembro ng press people kamakailan na pawang mga young, pretty and sexy girlash. 

Potential stars nga sina Nica Balmes, Jesy Vidal, Zelene Dizon, Aviegale Castillo, Elle Fernandez, Stella Blanca at ang nag-iisang lalaki sa pitong bagong talents ng Borracho Films na si Sean Raval, anak ng action star na si Jeric Raval.

Ayon kay Atty. Ferdie, may tatlong films na silang naka-line-up this year. Una, 'yung One Dinner a Week, and then 'yung Spring in Prague, at 'yung The Life of A Senator na life story ni former Senator Gringo Honasan, 'coz ito ang unang ipinapreskon ng Borracho Film Productions bago ang mga newest talents ni Atty. Topacio last Monday, April 15, 2024.

Kunsabagay, sabi nga ng nakararami sa madlang Pinoy, napaka-colorful daw kasi ang personal at political life ni Sir Gringo Honasan lalo na nu'ng kasagsagan ng People Power Revolution kung saan pinangunahan nito ang pagpapatalsik kay ex-President Ferdinand Marcos sa Malacañang Palace in 1986.

Pero nagtago raw ito during the terms of former President Corazon Aquino at Gloria Macapagal-Arroyo.

Inaresto rin siya ng Constabulary matapos ang kudeta noong Agosto, 1987 sa isang bahay sa Valle Verde, Pasig. At siya ay nakulong sa isang barkong nakadaong sa Manila Bay ngunit nakatakas din sa kalaunan.

And the rest is now a history or pang-throwback memories na lang, na 'yun nga, gagawing pelikula ng Borracho Films ang kanyang life story na wala pa kaming balita kung sino ang gaganap.

Sana, siya na lang ‘coz in pernes and in person ay guwapo siya, may magandang pangangatawan at height. 

Matikas pa ang arrived, sa true lang. Yo, what do you think, Atty. Ferdinand Topacio? 

Think and THINK BIG, ha! Para boom, kaboom! (Insert smiley, ☺)

'Yun lang and I thank you.

KathNiel, sey n’yo? DANIEL, BONGGA PA RIN ANG CAREER KAHIT WALA SI KATHRYN

ni Mercy Lejarde @Showbiz Talkies | April 16, 2024

Ayon sa kasamahan namin sa panulat at friendship as well na si Dominic Rea na super close sa mag-inang Karla Estrada at Daniel Padilla, ay wala raw paki si Daniel kung ma-link man romantically si Kathryn Bernardo kay Alden Richards ‘coz super busy daw lately si Daniel sa mga blessings na natatanggap nito like mga product endorsements at TV projects.

At marahil nga, it's a blessing in disguise nga siguro for Daniel ang hiwalayan blues nila ni Kathryn dahil nga ratsada lately ang ex nitong si Kathryn sa kabi-kabilang endorsements at sa seryeng pinaghahandaan ng ABS-CBN sa guwaping na dyunak (anak) ni Karla Estrada.

Ayon nga kay co-writer Dominic Rea, bigla raw naging tameme ang mga bashers ni Daniel nang lumabas ang sunud-sunod na contract signing at bagong product endorsements ng nasabing young actor.

And the following ay ang sunud-sunod pang naging pahayag sa amin nitong si Dominic...

“Simula kasi December ay nag-fiesta ang mga nanlalait kay Daniel sa pag-aakalang after the said breakup with Kathryn Bernardo ay siya ring paglubog ng career ng aktor. 

“Inakala rin ng karamihan na walang natirang solid fans and followers si Daniel, pero nagulat sila nang napakarami pa rin pala ang nagmamahal sa aktor.

“Mag-a-undergo next week para sa isang UFC (Ultimate Fighting Championship) training si Daniel, para sa kanyang paghahandaang teleserye sa bakuran ng ABS-CBN.

“Kasunod niyan ay ang isang bonggang concert hindi lang dito sa bansa kundi maging abroad.”

Oh, ayan, mga Marites at mga tribu ni Mosang, siguro naman bibilib na kayo sa kasabihang, “You can never put a good man down,” boom, kaboom!

Anak ni Mega, na-trauma na sa Pinoy BF… PIOLO, SINISISI NA PINAKAWALAN PA SI KC

ni Mercy Lejarde @Showbiz Talkies | April 13, 2024

Ito na naman ang ilang tribu ng mga Mosang na very curious kung bakit daw kasi pinakawalan pa ni Piolo Pascual si KC Concepcion nu'ng magsyota pa sila. Tipong sinisisi pa nila si Papa P, ha?!

Eh, kasi nga, bali-balitang break na naman daw si KC sa kanyang Swiss boyfriend na si Steve Michael Wuethrich (na ewan kung rich nga... Charrr!), kaya worried ang mga fans ng anak nina Megastar Sharon Cuneta at Gabby Concepcion na baka mahirapan na talaga si KC na makahanap ng forever niya.

Mukhang na-trauma pa naman daw si KC sa mga Pinoy, kaya after Papa P, puro foreigner na ang nali-link sa aktres at nababalitang boyfriend niya.

Just asking, hindi kaya si Papa P. talaga ang hinihintay ni KC na muling magbalik sa kanya kaya hindi pa siya nagpapakasal?

Kung tama ang chika ng aming Marites source, si Piolo raw kasi ang TOTGA o "the one that got away" ni KC.

Sayang talaga, kung sila siguro ang nagkatuluyan, baka ang gaganda o ang guguwapo rin ng mga anak nila dahil in fairness, kasingguwapo rin ng padir ni KC na si Gabby Concepcion itong si Piolo, 'no!

Pero sabi nga sa kanta ng Imahe, "Pinagtagpo, pero 'di itinadhana…."

What do you think, mga Marites at mga tribu ng mga Mosang?

Think and think BIG, ha! Boom, ganern!