Kahit break na… KYLIE, ‘DI MASABING “FAILED RELATIONSHIP” ANG SA KANILA NI JAKE

ni Mercy Lejarde - @Showbiz Talkies | April 25, 2022

Finally, naka-attend din si yours truly ng face-to-face preskon na more than 2 years naming na-miss due to pandemic-ek.

Nito lang nakaraang Biyernes ay ginanap ang face-to-face grand media conference ng Vivamax film na Ikaw Lang ang Mahal na dinaluhan ng mga lead stars nito like Zanjoe Marudo, Kylie Versoza at Cara Gonzales, plus ang director nila na si Richard Somes.

Ginawa ang nasabing face-to-face grand mediacon sa Le Reeve Events Place na na-miss din namin ‘coz nu’ng wala pang pandemya ay madalas din ditong ginagawa ang mga face-to-face preskon, sa true lang.

Sa Q&A portion ng said preskon ay unang tinanong ni yours truly si Zanjoe that goes… “Ah, Zanjoe, if ever… if ever lang, ha, between Kylie at Cara, sino ang sasabihan mo ng ‘Ikaw lang ang mahal’? If ever lang, ha, na wala ka pang minamahal na iba sa ngayon.”

“Ahhhh…. si Cara kasi, masyado pang bata para sa akin,” ang sey ni Zanjoe sabay tingin kay Cara na natatawa.

“Age doesn’t matter, ‘di ba? Si Cara ba o si Kylie?” hirit na tanong namin.

“Puwede ba silang dalawa kasi in character pa rin ako sa serye ko, eh, na babaero, hahaha!

“Ahmmm, ‘yun nga, tita, medyo bata sa akin si Cara kaya kay Kylie ko na lang sasabihin. Ihahanap ko na lang si Cara ng ka-age niya. Marami akong kaibigan na kasing-age mo,” baling ni Zanjoe kay Cara.

“Sige, Kuya Zan, salamat,” ngiting-ngiting sey lang ni Cara.

“Oh, si Kylie naman. Halimbawa, si Zanjoe na nga ang nagsabi sa iyo na ‘Ikaw lang ang

mahal’ lalo na nga’t you’re in a failed relationship now, tatanggapin mo ba si Zanjoe? Or, meron na bang nagsabi sa iyo after your failed relationship to someone?” tanong ni yours truly kay Kylie.

“Hindi ko po naintindihan ‘yung tanong…” sey ni Kylie kaya nagkatawanan sa loob ng Le Reeve.

“Hindi ko po talaga naintindihan ‘yung tanong…” palambing at pag-iwas niyang sagot.

O, sige… ulitin, “After your failed relationship with an actor…”

“Hindi ko po siya talaga matatawag na failed relationship?” sagot na lang nito.

“Ah, hindi? Hindi ba nag-break na kayo ni Jake Cuenca? Ano, kayo pa rin?”

Biglang may lumapit kay yours truly at huwag na raw tanungin ‘yun.

O, sige na nga! Huwag na lang!

(Pero umamin naman na si Jake Cuenca na break na sila ni Kylie, Tamers. — JDN)

Another question na lang, naniniwala ba kayo na mahal ang magmahal? Kasi magastos, ‘di ba?

“Importante po ang magmahal. Hindi ko siya kino-consider na gastos. Kasi mahal mo ‘yung tao, eh,” katwiran ni Kylie.

“‘Pag in love ka naman, ‘di mo na mapapansin ‘yung mga nagagastos mo, eh. Mahirap ang maging mahirap, pero mahal ding magmahal,” natatawang sagot naman ni Zanjoe.

Si Cara naman, same ng sagot ni Kylie, “Hindi mo talaga mapapansin sa gastos. Lahat, ibibigay mo kahit walang kapalit.”

Ay, may point sila, ha? ‘Pag in love ka talaga, magagamit mo ‘yung title ng isang old movie na ALL MINE TO GIVE. Kaya siguro nauso rin ‘yung so-called “sugar mommy” or “sugar daddy”.

Boom, ‘yun na! Insert smiley, 😊!

Male & Female Promising Star of the Year din… DONNY AT BELLE, LOVE TEAM OF THE YEAR

ni Mercy Lejarde - @Showbiz Talkies | April 11, 2022

Kahit tinanggalan ng prangkisa ang ABS-CBN ay patuloy pa ring kinikilala ng award-giving bodies ang mga Kapamilya stars at mga TV shows nila tulad nina Coco Martin at Daniel Padilla na wagi sa acting awards.

Patuloy ang pagkilala sa mga artista at palabas ng ABS-CBN mula sa iba’t ibang award-giving bodies tulad ng Village Pipol Choice Awards at University of the Philippines Los Baños (UPLB) Gandingan Awards.

Big winners ang Kapamilya stars at shows sa Village Pipol (VP) Choice Awards na tinukoy sa pamamagitan ng Instagram likes, Facebook shares, at boto mula sa panel of experts at editorial team.

TV Series of the Year ang He’s Into Her, habang Love Team of the Year ang mga bida nitong sina Donny Pangilinan at Belle Mariano. Wagi rin ang team-up nilang DonBelle sa Fandom of the Year.

Ginawaran din si Belle ng dalawa pang awards, kabilang na ang Female Promising Star of the Year at Movie Actress of the Year. Si Donny naman ang pinarangalan bilang Male Promising Star of the Year kasama si KD Estrada.

Panalo rin sa TV category sina Coco Martin (TV Actor of the Year) at Charlie Dizon (TV Actress of the Year).

Hindi rin nagpahuli ang award-winning MMFF 2021 movie na Kun Maupay Man It Panahon na nakasungkit ng Movie of the Year, habang Movie Actor of the Year naman ang isa sa mga bida nitong si Daniel Padilla.

Napunta naman ang Movie Director of the Year kay John Leo Datuin Garcia para sa kanyang obra na Love is Color Blind. Ang isa naman sa cast ng pelikula na si Tiktok star Esnyr Ranollo ang nagwagi bilang Social Media Star of the Year.

Kabilang sa mga Kapamilya stars na nagtagumpay sa VP Choice Awards sina Sarah Geronimo (Performer of the Year), Tony Labrusca at JC Alcantara (BL Love Team of the Year), at si Vice Ganda (YouTuber of the Year).

Tinanghal din ang Team YeY, isang pambatang palabas na nagpapakita ng mga batang gumagawa ng iba’t ibang skills tulad ng storytelling, arts and crafts at iba pa bilang Most Development-Oriented Children’s Program ng UPLB Gandingan Awards.

Kasalukuyang napapanood ang Team Yey sa Kapamilya Channel, Jeepney TV at A2Z. Available rin ang mga featured episodes sa YouTube Channel at Facebook page ng YeY.

‘Yun lang and I thank you.

Napaamin ni Boy... JINKEE, IBINULGAR ANG UGALI NI MANNY NU'NG WALA PANG DATUNG

ni Mercy Lejarde - @Showbiz Talkies | March 14, 2022

Kamakailan lamang ay na-interview ni Kuya Boy Abunda ang misis ni boxing champ Manny Pacquiao na si Jinkee.

Isa sa mga naitanong kay Jinkee ang pagsisimula ng love story nila ng senador.

Pagbabalik-tanaw ni Jinkee, nagkakilala sila ni Manny sa isang mall sa General Santos City. Isa siyang beauty consultant at si Manny naman ay naging customer niya, na noon ay may girlfriend daw. Bumili raw si Manny ng beauty product na itinitinda niya para sa GF nito, subalit simula noon ay lagi na raw dumadaan-daan ang noo’y ordinaryong boksingero pa lamang na si Manny.

Nagkataon naman daw na ang assistant trainer ni Manny ay tiyuhin ni Jinkee, kaya ito ang naging tulay upang ganap na magkakilala ang dalawa.

“Ini-invite niya akong kumain sa labas ‘pag out na ako sa work ko… Doon ko siya mas nakilala,” wika ni Jinkee.

Tahimik lamang daw, mabait at parang hindi masyadong nagsasalita si Manny, na siya namang nakapukaw ng kanyang atensiyon.

Isa pa raw sa mga nagustuhan ni Jinkee kay Manny ay ang pagiging mapagkumbaba nito. Hindi raw mayabang.

So there, brothers! ‘Ika nga, ang pag-ibig, kapag pumasok kanino man, ke mereseng sino ka man, tuloy ang laban ng pusong umiibig, boom ganern!

‘Yun lang and I thank you.