Ganu'n, Aljur? KYLIE, MAGBE-BEHAVE RAW MUNA DAHIL SENADOR NA SI ROBIN

ni Mercy Lejarde - @Talkies | May 2, 2022

Sa preskon ng Kapuso new series titled Bolera ay hindi na natanong sa lead actress nito na si Kylie Padilla kung posible ba na magkabalikan sila ng ex-husband niyang si Aljur Abrenica dahil may dalawa naman silang anak.

Inamin din ni Kylie na hindi pa sila nakakapag-usap ng ama niyang si Senator-elect Robin Padilla since nanalo at idineklara itong No. 1 senator sa natapos na senatorial race and even added na kailangan na niyang mag-behave dahil isa na siyang anak ng senador.

“Hindi pa kami nakakapag-usap, pero feeling ko, automatic na ‘yun na kailangang mag-behave muna. ‘Yun lang, hindi pa kami nakakapag-usap,” pahabol pa niyang sey.

Naku, Kylie, kausapin mo na ang erpat mo 'coz madali naman siyang kausap at madaling makaintindi, in pernes.

As the saying goes, ang pag-uusap nang paupo at hindi patayo ay magiging maganda ang kalalabasan.

Boom, ganernnn!

'Yun lang and I thank you.

PAULEEN, IBINULGAR ANG GUSTUNG-GUSTONG IBINIBIGAY SA KANYA NI BOSSING VIC

ni Mercy Lejarde - @Talkies | May 22, 2022

Sa pamamagitan ng Instagram, ibinahagi ni Pauleen Luna just recently ang isang appreciation post para sa kanyang pinakamamahal na asawa for six years now na si Bossing Vic Sotto.

Talagang ipinagsigawan ni Pauline sa mga Marites at sa buong universe na hanggang ngayon ay patay na patay pa rin siya sa veteran comedian at Eat Bulaga! host at super-kilig pa rin daw siya sa ama ng kanyang dyunak sa kabila ng malaki nilang agwat ng edad, and to think na 6 years na silang nagsasama as husband and wife.

Nag-compile ang aktres ng tatlong videos para sa kanyang Instagram Reel kung saan mapapanood ang mga bonding moments nila ni Bossing, kabilang na ang mga “nilalanggam” nilang mga eksena together.

“This is you, this is me, this is all we need,” ang maikli ngunit punumpuno ng pagmamahal na mensahe ni Pauleen para kay Bossing.

Sa isang video, makikita si Vic na nasa loob ng eroplano at nagpa-flying kiss kay Pauleen, habang sa second video naman ay makikitang inaabutan ng aktres ang asawa ng drink.

Sa ikatlong video ay ang kissing scene naman ng mag-asawa. Sey pa ni Pauleen sa kanyang caption, “Still so madly in love with you @mzet280 (Vic).”

Early this year, nag-celebrate ang Kapuso couple ng kanilang 6th wedding anniversary. Mensahe ni Pauline kay Vic sa kanilang anibersaryo, “My husband loves me very much and gives me a certain kind of confidence and security about our relationship but I think the thing I love most about him is the amount of respect he gives me.

“He respects my life decisions, he respects my room to grow and he respects me like an equal. Never did I hear my husband raise his voice and (I never) felt like I was younger and didn’t matter. I always felt validated. I always feel important around him.

“Respect plays a big role in any relationship. I know deep in my heart that it’s one of the main reasons why this relationship is so easy,” ang mensahe pa ni Pauleen sa kanyang asawa.

Ikinasal sina Pauleen at Vic noong 2016 at makalipas lamang ang isang taon, isinilang na ang panganay nilang anak na si Talitha Maria o Tali.

At dahil dito ay laking pasasalamat ni Pauleen kay Lord God Jesus Christ dahil ibinigay sa kanya ang right man to be her husband for life.

Well, talaga sigurong sila ang itinakda ng tadhana para sa isa’t isa, sey mo, Dina Bonnevie? Just asking lang po.

Nanginig daw ang buong katawan… JOSHUA, UMAMING NAHIRAPANG KATRABAHO SI CHARLIE

ni Mercy Lejarde - @Talkies | May 17, 2022

Puring-puri ng Kapamilya actor na si Joshua Garcia ang kanyang leading lady at bida sa seryeng Viral Scandal ng ABS-CBN na si Charlie Dizon.

Kuwento ni JG, una niyang nakilala at nakasama sa isang TV commercial si Charlie na ginawa nila together para sa isang telecomm company.

Aniya pa, talagang pinaghandaan niya ang gagampanang role sa Viral Scandal bago sumabak sa locked-in taping kasabay ng pag-amin na na-challenge siya nang bonggang-bongga kay Charlie.

“Actually, nahirapan ako kay Charlie. Magaling, eh!" bungad niya.

"Ginawa ko lang 'yung trabaho ko. Binasa ko nang maigi 'yung script, hinimay ko nang maayos. Ang dami kong pinanood about architecture para magkaroon ako ng background sa pagiging architect," pagse-share ng aktor.

Dagdag pang kuwento nito, “I think ang sikreto rin para maging successful 'yung isang show is to support each other. So, 'yun lang 'yung ginagawa ko, sinusuportahan ko si Charlie 'pag kaeksena siya and so far naman, nagwo-work naman,” paliwanag ng binata.

Ano ang pinakamahirap na eksenang ipinagawa sa kanya sa Viral Scandal?

“Naalala ko 'yung first scene namin sa rooftop ni Charlie. Grabe, nanginginig 'yung buong katawan ko habang ginagawa ko 'yung scene.

“Ganu’n ako sobrang kinakabahan. Pero masaya naman ako kasi naaalalayan kami ng director, naaalalayan kami ng buong staff. Sobrang excited lang ako na gawin 'yung project,” aniya pa.

Nagbigay din si Joshua ng paalala at payo sa lahat ng mga taong nasa social media para maiwasan ang maging biktima ng mga cyberbully at online scammers.

“Siguro, ang maibibigay ko lang na payo sa kanila, mag-ingat sila sa paligid nila. Kasi siyempre, ang hirap ding magtiwala ngayon, eh. Hindi mo alam kung sino 'yung puwedeng sumaksak sa ‘yo patalikod, eh.

“So, dapat mag-ingat tayo, alamin natin 'yung tamang kaibigan. Wala, eh, nasa mundo tayo na puno ng judgment, so hindi natin maiiwasan talaga 'yung ganu'n, eh. Mag-ingat na lang talaga sila,” aniya pa.

Kasama rin sa Viral Scandal sina Jake Cuenca, Jameson Blake, Markus Paterson, Ria Atayde, Maxene Magalona, Aljon Mendoza, Karina Bautista, Louise Abuel, Kaila Estrada, Vance Larena, Gian Magdangal, Arielle Roces at Aya Fernandez.

Mapapanood ito sa Kapamilya Channel, TV5, A2Z, Kapamilya Online Live, iWantTFC at TFC IPTV.

'Yun lang and I thank you.