KIM, NAGDISPLEY MUNA NG KATAWAN BAGO MAGPAKASAL KAY XIAN

ni Mercy Lejarde @Showbiz Talkies | October 06, 2023

Kim Chiu, magpapa-sexy muna bago magpakasal kay Xian Lim!

Yesss! 'Yan ang himig ng sagot ni Kim nang makatsikahan ni yours truly sa dining area ng Cinema 76 Cafe habang nagpi-preview pa ang ilan naming kasamahan sa newest ABS-CBN Dreamscape and Prime Video series titled Linlang na nagsimula na nito lang October 5, 2023.

Iba na ang awra now ni Kim Chiu, tipong nagbawas ng timbang at sumeksi tuloy ang kanyang wankatitat sa suot niyang gown that day na tipong labas ang tiyan at cleavage, sa true lang.

The following ay ang aming saglit na tsikahan…

"Kim, sabi sa 'kin ni Xian nu'ng preskon n'yo last year sa Viva Films titled Always na ako raw ang unang makakaalam kapag ikakasal na kayo," sey sa kanya ni yours truly.

"O, tinawagan ka na ba niya at kelan daw kami ikakasal?" sagot niya with matching sweet smile.

"'Di pa nga, eh. Kelan ba talaga kayo ikakasal ni Xian?"

"No definite date yet, eh. Magpapa-sexy muna ako dito sa Linlang! Charottt! Hahaha! Sayang naman kasi ang mga projects. Dito nga lang sa Linlang ibang Kim Chiu ang mapapanood ng moviegoers at ng mga fans namin. Sana, tanggapin nila ang pagpapa-sexy ko rito sa Linlang lalo na 'yung mga love scenes namin dito ni Paulo Avelino."

She even added na hindi raw madali para sa kanya ang role niya sa Linlang bilang si Juliana na nangaliwa sa kanyang asawa.

“Lahat po ng ito ay mahirap po para sa akin dahil una, kinokontra ko po ‘yung role ko rito.

Kalaban ko ‘yung sarili kong dignidad sa ipinaglaban ng karakter ko. So, kalaban ko ‘yung sarili ko.

“Parang siyempre, kailangan kong maniwala sa ginagawa ni Juliana. Si Kim Chiu, kailangan niyang maniwala kay Juliana kung bakit siya naging ganoon.

“Parang opposite beliefs kami. Pero at the end of the day, I’m an actor, and then, kailangan ko ‘tong gampanan, at kailangang maniwala ‘yung mga tao sa pinapanood nila.

“Sana, maisip nila na si Kim Chiu at Juliana ay magkaiba.

“Dahil minsan kasi, sa mundo natin, mahirap nang ilayo ‘yung ikaw, at ‘yung role na ginagawa mo.

“So, minsan, nakakalimutan ng mga fans namin, o ng mga tao, na aktor and aktres kami. Isa sa mga trabaho namin, mag-deliver ng ibang pagkatao,” ang mahaba niyang paliwanag na may sense at point naman, in pernes.

Si JM de Guzman naman na isa sa dalawang leading men ni Kim dito sa Linlang ay nagsabing first time niyang gumawa ng serye sa Dreamscape. First time niyang makatrabaho sina Paulo Avelino at si Ms. Maricel Soriano. Pero si Kim Chiu ay nakasama na raw niya sa isang movie pero first time silang nagsama sa teleseryeng Linlang.

Well, as the saying goes… first time shouldn't be the last time... pakkkk, tumpak!

'Yun lang and I thank you.

SEN. BONG, UMAPELA KAY P-BBM NA ‘WAG SUSPENDIHIN ANG IT’S SHOWTIME

ni Mercy Lejarde @Showbiz Talkies | September 30, 2023

Super-daming bisita sa ginanap na 57th birthday at 50th anniversary sa showbiz ni Sen. Bong Revilla last Monday night sa Okada Manila.

Patunay lang ito kung gaano ka-well-loved ng showbiz at ng mundo rin ng pulitika ang isang Bong Revilla. Tunay ngang masasabi na ‘Idol Ko si Bong!’

Hindi naman kataka-taka kung bakit maraming nagmamahal kay Sen. Bong.

Napakarami niyang natutulungan na mga taga-showbiz na nawawalan ng trabaho at talaga namang isa siya sa mga actor na may malaking malasakit sa industriya tulad din nina Sen. Robin Padilla, Sen. Lito Lapid, Coco Martin atbp..

At bilang malasakit nga sa mga manggagawa sa showbiz industry, nanawagan si Sen. Bong sa Office of the President (OP) na ikonsidera ang mga ‘no work-no pay’ na empleyado ng It’s Showtime sakaling umabot dito ang apela mula sa pagkakasuspinde ng MTRCB.

Ang hakbang na ito ni Sen. Revilla ay bunsod ng ginawang pagbasura ng Movie and Television Review and Classification Board noong Huwebes sa isinumiteng Motion for Reconsideration ng ABS-CBN Corporation at ng GMA Network, Inc. para sa noontime variety show na It’s Showtime.

“Without getting into the merits of the case, sana na-consider ng MTRCB ang kapakanan ng mga maliliit na staff at crew ng naturang show na wala namang kinalaman at kasalanan sa mga nangyari," paliwanag ng senador.

Binigyang-diin ni Sen. Bong na hindi niya pinakikialaman kung anuman ang kahihinatnan ng kaso ngunit labis umano siyang nababahala sa kalagayan ng mga manggagawa na labis na maaapektuhan partikular ang mga magulang na may pinag-aaral na anak.

“Sila ‘yung mga 'no work-no pay' na kung matutuloy ang suspension ay dalawang linggong walang kikitain at walang kakainin, lalo pa at kabubukas lang ng klase. Paano na ‘yung mga batang nag-aaral na umaasa lamang sa magulang na empleyado ng naturang show?” himutok pa ni Sen. Revilla.

Naniniwala siya na magsusumite ng apela ang ABS-CBN at GMA sa OP sa loob ng 15-day period na pinapayagan naman at buo umano ang kanyang kumpiyansa na kapag na-review ang pangyayari ay iiral na ang humanitarian considerations.

"I think lessons have been learned. Kung nagkaroon man ng pagkakamali, ang kasalanan ni Juan ay hindi kasalanan ni Pedro. So I hope we don't punish those working hard day in-day out just to eke out a living," pagwawakas pa ng simpatikong senador.

May punto naman talaga si Sen. Bong na kung nagkamali man sina Vice Ganda at Ion Perez kaya pinatawan ng suspension ang It’s Showtime, hindi dapat madamay ang mga bumubuo sa show.

Boom, ganern!

OGIE, UMAMING NAGTATAWANAN NA LANG SILA NI REGINE AFTER MAG-AWAY

ni Mercy Lejarde @Showbiz Talkies | September 25, 2023

Naaliw kami sa sagot ni Ogie Alcasid nang matanong sa sex life nila ng misis niyang si Regine Velasquez.

Pag-amin ni Ogie da Pogi, “Alam mo, ang sabi sa amin ng pastor namin, eto totoo ‘to, ha? Sa mag-asawa, kailangan, at least, 4 times a week,” sa ilang press pipol kamakailan lamang.

Pero mahirap naman aniyang tuparin ‘yun.

“Pero I guess, ine-emphasize lang siguro ng pastor namin na kailangan siya (sex) sa mag-asawa,” sabi ng singer-composer-host na ang ipino-promote actually ay ang one-night jam session dubbed Ogieoke The Concert at the Newport Performing Arts Theater (NPAT) on Sept. 29, 8 PM.

Pero dahil nga siguro sa pagod nilang mag-asawa, lalo na nga at may It’s Showtime siya daily, ayon kay Ogie, 9:00 PM pa lang ay tulog na siya kaya early riser din siya, na kabaligtaran ni Regine. Late na raw itong natutulog kaya hindi naman talaga nangyayari ang 4x na sked nila sa pagse-sex.

At aminado rin si Ogie na hindi naman talaga perfect ang pagsasama nila ni Asia’s Songbird. Pero lagi nilang inaayos kung nagkakaroon man sila ng argumento or pag-aaway.

Sobra raw ang pagka-in love nila sa isa’t isa.

“We can’t get enough of each other. Kaya when I hear stories about couples breaking up, I get sad,” pag-amin pa ni Ogie.

At ang madalas nilang pagtawa ang pakiramdam niya ay rason kaya nagagawa nilang maging matibay ang pagsasama.

Tanggap niya na kung meron man silang mangilan-ngilang pagtatalo dahil bahagi na raw ito at maging ang tampuhan sa mag-asawa.

“I think those things are important, too, situations that you can just laugh at after. We’re old and we have nothing to prove.”

Pero ang isang napansin niya ay ang dali niyang umiyak lately.

“I cry so easily. There was one contestant (sa Tawag ng Tanghalan) who dedicated a song to her father. I got so emotional because I remembered my late father. And then, there was this discussion with Vice Ganda about fighting for love despite past heartbreaks,” pag-amin pa niya.

Pakiramdam niya ay senyales ito ng pagdagdag ng edad dahil kahit daw sa Korean dramas ay umiiyak siya.

Pero siguro naman, 'pag nagse-sex sila ni Regine ay hindi niya nararamdaman kung anong edad na siya! Boom! 'Yun na!