EDU, KNOWS NA YAKANG-YAKANG MAKALUSOT NI LUIS SA LARGE SCALE ESTAFA

ni Melba R. Llanera - @Insider | February 27, 2023

Malaki ang paniniwala ni Edu Manzano na malalagpasan ng kanyang anak na si Luis Manzano ang reklamong estafa na isinampa ng halos limampung katao sa tanggapan ng National Bureau of Investigation (NBI) nitong Pebrero.

Ayon sa aktor, kampante siya na 'di na niya kailangang idepensa pa si Luis dahil nasa tamang edad na ito at kung anuman ang nangyari sa kasosyo nito sa Flex Fuel ay lalabas din, sa tulong ng mga abogado at imbestigasyon na isasagawa tungkol dito.

Dagdag pa ni Edu, nakakapag-usap naman daw sila ni Luis pero ayaw niyang makialam sa nangyayari dahil wala naman siyang alam sa pinasukang negosyo ng anak.

Ganunpaman, malaki ang suporta niya kay Luis.

Naniniwala ang aktor na ang dapat gawin ni Luis ay kumuha ng isang mapagkakatiwalaang abogado na hahawak sa kaso niya.

Kung sa interview kay Star for All Seasons Vilma Santos sa Fast Talk with Boy Abunda kung saan naging emosyonal at naiyak ito habang nakikiusap at sinasabing mabuting tao ang kanyang anak at 'wag daw sana itong husgahan ng iba, para kay Edu naman, alam daw ng mga tao na mabuting tao ang kanyang anak dahil naniniwala siya na hindi magtatagal sa industriya si Luis kung hindi raw mabuting tao at matatag.

Sa statement naman na inilabas ng kampo ni Luis na biktima rin ito ng matalik na kaibigan at kasosyo sa Flex Fuel na si Mr. Ildefonso Medel, kung saan nagsampa na raw sila ng reklamo laban dito noong nakaraang taon pa ng Nobyembre sa NBI dahil lumapit at nagreklamo na ang ilang investors ng Flex Fuel, ayon kay Edu ay hindi na ito bago o kakaibang sitwasyon at maraming beses na rin itong nangyari sa ibang tao.

Pahayag din sa amin ni Edu, hindi niya ini-spoon feed ang mga anak kahit kailan dahil gusto niyang maisip ng mga ito na minsan, mabubugbog ka ng mga pagsubok sa buhay pero ang mahalaga ay bumabangon ka at nagpapatuloy.

Blooming na buntis… SIGAW NG NETIZENS: JENNYLYN, MARAMI NANG IPINARETOKE KAYA GUMANDA!

ni Melba R. Llanera - @Insider | April 9, 2022

Pinag-usapan ng mga netizens ang latest pictorial ng Kapuso actress na si Jennylyn Mercado kung saan makikitang nakatayo ito nang patagilid kaya kitang-kita ang malaking tiyan dahil sa ipinagbubuntis ang unang anak nila ni Dennis Trillo.

Pulang tela lang ang nakatakip sa katawan ni Jennylyn at kahit buntis na ito, kitang-kita na maganda pa rin ang hubog ng kanyang katawan at sabi nga ng mga netizens, sobrang nakakainggit ang kaseksihan ng aktres.

Puring-puri nga ng marami si Jennylyn dahil kahit buntis daw ito, ang ganda-ganda pa rin at blooming.

Kaya lang, may ilang inggiterang netizens na sa kabila ng kagandahan at pagiging positive ngayon ni Jennylyn, mukhang nakainom ng mapait na katas ng ampalaya at ang negative ng mga comments.

Sey ng isa na kumontra sa nagsabing sobrang ganda ni Jennylyn, “I beg to defer, so-so lang sa personal nu’ng nakita ko siya 19 years ago sa Bulacan.”

Sagot naman ng isa, “Haller 19 years ago pa ‘yun, teen-ager pa lang siya. Malamang magde-develop pa features ng mukha niya, tapos naalagaan pa ng Belo.”

Comment naman ng isa pang netizen, “Marami nang enhancement kaya super-ganda na. Kahit ikaw, kung can afford at ganda ang puhunan, why not, coconut (magparetoke)?”

May nag-comment ding “I've always suspected na marami siyang ipinagawa sa face niya kasi ibang-iba sa mukha niya when she first started out. Nothing wrong there... puhunan naman nila ang face nila and maganda pagkakagawa.”

Affected much ang ilang kababayan natin sa hitsura ni Jennylyn, eh, ang mismong may katawan nga, dedma lang kahit ano pa’ng sabihin sa kanya.

---

Sa dami ng nagawa at magandang performance ng Ang Probinsyano Partylist na No. 50 sa balota, hindi kataka-taka na makopo nito ang pangatlong puwesto sa partylist race sa darating na Mayo 9 national election, base sa Pulse Asia Ulat Ng Bayan national survey na isinagawa mula Marso 17-21, 2022.

Isa sa pinaka-nangungunang partylist noong 2019 election, ilan lamang sa mga nagawa ng Ang Probinsyano sa pangunguna ni Rep. Alfred delos Santos ay ang pagbibigay ng mahigit 50,000 relief packs sa gitna ng pandemya, financial assistance sa mahigit 30,000 na beneficiaries, educational assistance sa halos 8,000 estudyante at mahigit 4,000 na medical assistance sa mga beneficiaries.

Pinondohan din nito ang konstruksiyon ng 69 evacuation centers at multipurpose halls sa mga probinsiya bukod pa sa author ito ng 246 bills at co-author ng 134 bills at resolutions sa 18th Congress.

Kaya naman, hindi na kataka-taka kung napabilib at nakuha ng Ang Probinsyano Partylist ang suporta ng mga sikat at respetadong celebrities tulad nina Tito Boy Abunda, Piolo Pascual, JM de Guzman at maging ang sikat na social media influencer na si Donnalyn Bartolome.

Kabilang sila sa mga celebrity endorsers na naniniwala sa adhikain at adbokasiya ng Ang Probinsyano Partylist.

Babu sa ABS-CBN, wala raw utang na loob… TONI, LILIPAT SA AMBS NI VILLAR, JOIN SA SHOW NI WILLIE

ni Melba R. Llanera - @Insider | February 10, 2022

Matapos ang naging pagtungtong ni Toni Gonzaga sa entablado para sa kauna-unahang campaign period ng BBM-Sara Duterte tandem, heto na nga ang balitang boluntaryo na siyang nagpaalam sa Pinoy Big Brother at inendorso na kay Bianca Gonzales ang pagho-host ng show.

Kasunod naman nito, matunog ang usap-usapan na lilipat daw si Toni sa Advanced Media Broadcasting System (AMBS) o ang istasyon na pag-aari ng pamilya ni dating Sen. Manny Villar na nakakuha ng frequencies na dating pagmamay-ari ng ABS-CBN.

May bali-balita rin na isang noontime show daw kasama si Willie Revillame ang naghihintay kay Toni sa AMBS.

May ilang sources naman ang nagsasabi na nasa bakuran na raw ng nasabing istasyon ang mister ni Toni na si Direk Paul Soriano kaya't 'di kataka-taka na sumunod dito ang TV host. Sa ngayon ay kabi-kabila ang pambabatikos at pamba-bash na tinatanggap ni Toni mula sa mga netizens kung saan napaparatangan siya na ingrata, walang utang na loob at kung anu-ano pa, pero nananatili itong tahimik.

Ang tanging ipinost ni Toni sa kanyang IG Stories kahapon ay ang pagdalo niya sa Phil. Arena kung saan nga siya nagsilbing host sa first day campaign ng BBM-Sara tandem at sa huling larawan ay may caption na "unbothered," na tiyak na ikaaalma ng maraming netizens.