Kilalanin, PHL Athletes sa Paris Paralympic 2024

ni MC @Sports | August 24, 2024

Photo: TripZilla Philippines / FB

Matapos na magtagumpay ang Pilipinas sa Olympic games isa sa kahanga-hanga ang istorya ni Angel Otom bago pumalaot sa pinakamalaking kompetisyon sa mundo.

Ang journey ni Otom sa Paralympics 2024 ay inaasahan na ng kanyang coach mula pa noong 2021 base na rin sa kanyang performance bilang batang para swimmer. 

Masipag siya sa kanyang mga praktis at training at dahil sa suporta ng pamilya at mga kaibigan. 

Kakatawanin ni Otom ang bansa sa para swimming sa women's 50-meter backstroke. Siya ang unang Phl para athlete na nagwagi ng 4 na gold medals sa 12th ASEAN Para Games sa Phnom Penh, Cambodia. 

Si Allain Keanu Ganapin ang nag-iisang taekwondo jin sa delegasyon. Nakatiyak siya ng tiket nang umangat sa  Asian Qualification Tournament sa Tai’an City, China.

Ito ang kanyang ikalawang kuwalipikasyon sa games matapos magkuwalipika sa nakaraang edisyon na Tokyo Paralympic Games 2021. 

Si Ernie Gawilan  ay isa sa 'most accomplished Paralympic athletes ng bansa, ang swimmer na si Gawilan ay lalangoy para sa ikatlong Paralympic appearance makaraang umangat sa Minimum Qualifying Standard. Ang 33-anyos na si Gawilan ang unang Pinoy paralympic na nagwagi ng ginto sa Asian Para Games 2018, siya rin ay isang multi-time ASEAN Para Games gold medalist at itinuturing na may pinakamalaking tsansa na magkamedalya sa Paris ngayong taon. 

Ang athletics wheelchair racer naman na 44-years old na si Jerrold Mangliwan ang mangunguna sa delegasyon ng Pinoy bilang top contender din sa ikatlong Paralympic appearance.  

Top contender naman si Cendy Asusano ng athletics javelin throw.  Sa edad 34, si Asusano ay multi-time ASEAN Para Games gold medalist. 

Sa larangan naman ng archery si Agustina Bantiloc na sa edad 55  ang unang Filipino Paralympic archer  na lalarga sa Paralympics. Ranked 30th sa mundo at handang patunayan na hindi pa huli ang lahat.

Coleman naka-gold sa PAI 50-M National Trials

ni MC / Clyde Mariano @Sports | August 17, 2024

Photo: Circulations / FB

Tulad ng inaasahan, maagang nagparamdan ang mga Filipino-foreign swimmers sa pangunguna ni Filipino-American Riannah Chantelle Coleman sa pagsisimula ng Philippine Aquatics, Inc. (PAI) 50-meter (long course) National Sports Trials nitong Huwebes sa Teofilo Yldefonso swimming pool sa Malate, Manila.

Nalagpasan ng 15-anyos na si Coleman, isang regular na campaigner sa local swimming circuit, ang 33.98 segundo Southeast Asian Age Group Qualifying Standard Time (QTS) para sa mga batang babae 14-15 50-meter breaststroke sa impresibong 33.96 para makamit ang gold medal. Tinalo ng protegee ni coach Dax Halili sina Krystal Ava David (34.69) at Jamaica Enriquez ng Pangasinan (35.62) sa event na suportado ng Philippine Sports Commission (PSC).

"It feels so amazing because I sacrifice so much for this moment. I woke up at 2am everyday to practice before going to school, there’s so much pressure on me but surprisingly I made it and I am so very happy with the results,” sambit ni Coleman, isang athletic scholar sa government-run National Academy of Sports sa Capas, Tarlac. “I was excited when I saw the name of Ate Kayla (Sanchez) in the starting list. I said to myself, wow I’m going to swim off with the Olympian medalist, but unfortunately her name was scratched at last minute, Sayang!,"panghihinayang ni Coleman sa nasayang na panahong makasabayan niya ang Fil-Canadian Olympian na bahagi ng heat 12 of 13 Finals sa naturang event.

Ayon kay PAI Secretary General Eric Buhain, ang Trials ang gagamitin bilang proseso ng pagpili ng mga miyembro ng National training pool na kakatawan sa bansa sa nakatakdang international competition ngayong taon hanggang sa unang dalawang quarter ng 2025.

House of POC iginiit para sa PHL Olympians

ni MC / Clyde Mariano @Sports | August 17, 2024

Photo: Phillipine Olympic Commitee

Isa sa pinakamagandang paraan upang manatiling buhay at makasaysayan ang achievements ng Filipino athletes hindi lamang iyong magandang performance sa dalawang Summer Olympics ay ang magkaroon ng sports museum sa loob ng Philippine Olympic Committee (POC) headquarters.

“We’ve participated in the Olympics for a century, but up to now, the POC still needs to have its own home,” saad ni POC president Abraham “Bambol” Tolentino sa The Agenda media forum na host si Siegfred Mison sa Club Filipino sa San Juan kahapon.

“My vision about the House of POC includes a museum where the memorabilia of our great athletes, including those of Caloy [Carlos Yulo] and Hidilyn [Diaz-Naranjo], could be viewed by Filipinos,” aniya.

Sinimulan ni Tolentino ang adbokasiya ng House of POC makaraang magwagi si weightlifter Diaz-Naranjo ng kauna-unahang Olympic gold medal sa Tokyo 2020 (2021) habang naka-silvers sina boxers Nesthy Petecio at Carlo Paalam at bronze si Eumir Felix Marcial.

Aniya ang proyektong request niya sa Malacañang ay sa Cultural Center of the Philippines (CCP) Complex ibase. “It would be ideal for the House of POC to be close to the airport for accessibility of foreign sports dignitaries who will come for official functions or for a visit,” aniya.

Hiniling na rin niya ito kay President Ferdinand R. Marcos sa kanilang welcome dinner sa Filipino Olympians mula sa Paris kasama si double gold medalist gymnast Carlos Yulo noong Martes sa Malacañang. “The President was receptive to the proposal and I’m hopeful our vision would be realized this time,” aniya.

Ang POC sa hinaba-haba ng panahon, nagsimulang lumahok ang bansa sa Olympics noong 1924 sa Paris, walang sariling permanenteng opisina o headquarters. “Timor Leste, the smallest among Southeast Asian countries, in fact, has a national Olympic committee headquarters complete with all amenities … the works.”

Aniya ito ay may museum, multi-purpose hall, office rooms, gym at maging laboratoryo.

May maliit na opisina ang POC sa Rizal Memorial Sports Complex ng ilang dekada bago inilipat sa PhilSports Complex (dating Ultra) na kontrolado ng Department of Education.