Top Foreign Racers, susubok sa local athletes ng IRONMAN

ni MC @Sports | January 24, 2023

Engrande ang pagbabalik aksiyon ng Ironman 70.3 Davao sa Marso 26 na idaraos sa Azuela Cove dahil ito rin ang pagsabak ng mga professional triathletes sa mga pangunahing events ng triathlon season.

Inaasahang malalaking pangalan ang ibabandera ng IRONMAN Group/Sunrise Events, Inc. sa upcoming event dahil nag-iisa itong pro-laced race na lalahukan ng mga top foreign endurance racers upang masubukan ang mga top local athletes sa kompetisyon ng 1.9k swim-90k bike-21k run distance race tungo sa championship course.

Nakaungos si Mauricio Mendez ng Mexico laban kay multi-titled Tim Reed ng Australia sa unang IM 70.3 race sa Davao noong 2018 habang hiniya rin ni Germany’s Markus Rolli ang isa pang Aussie legend na si Craig Alexander noong 2019.

Inaasahang iaangat ng IM 70.3 Davao ang ekonomiya ng siyudad at sektor ng turismo dahil magsisilbi itong qualifying race ng World Championship sa Finland sa Agosto.

Dapat sana ay idaraos ng Davao ang ikatlong IM 70.3 noong 2022 matapos ang 2 taon na pandemya pero hindi natuloy sa pangunahing siyudad ng Mindanao.

Humaba ang panahon ng organizers at hosts na makapaghanda nang husto para sa mas malaki at talent-laden race na may $30,000 na premyo sa winners ng men’s at women’s divisions.

“We are thrilled and excited to be starting out the new triathlon season with a comeback race in one of the country’s top triathlon hubs,” ayon kay Princess Galura, general manager ng IRONMAN Group/Sunrise Events, Inc., na sa pamamagitan ng world-class endurance race na ito ay pakay nilang ilagay ang Pilipinas sa world sports tourism map.

Dagdag din na event sa IM 70.3 Davao ay ang Girls’ Run sa March 24 at IronKids sa March 25.

Warriors, binisita si Biden, PTA Meeting, matagumpay

ni MC @Sports | January 23, 2023

Tinanggap ni US President Joe Biden ang Golden State Warriors sa White House noong Martes para ipagdiwang ang kanilang 2022 NBA Championship.

Minarkahan nito ang kanilang unang pagbisita sa White House mula noong manalo sa titulo noong 2015, dahil iniiwasan nilang gawin ito sa mga taon ng panunungkulan ni Donald Trump dahil sa isang mataas na profile na sagupaan sa dating pangulo.

“Ang huling dalawang taon ay medyo mahirap. Nahirapan ka noong 2020, napalampas ang playoffs noong ’21, at iniisip ng mga kritiko kung nawala na ba ang koponang ito bilang isang koponan ng kampeonato,” sabi ni Biden sa kanyang mga pahayag sa East Room.

“Fellas, alam ko kung ano ang pakiramdam,” dagdag niya.

Bagama’t napanalunan ng Warriors ang titulo noong 2017 at 2018, nilaktawan nila ang pagbisita sa White House dahil sinabi ni Trump na hindi niya sila iimbitahan matapos siyang punahin ni Steph Curry, ang kanilang star player, sa ilang mga pahayag na ginawa niya tungkol sa mga Black athletes.

Samantala, isinagawa ng Philippine Taekwondo Association (PTA) ang taunang National General Assembly Meeting nitong Enero 8 na nilahukan ng PTA National Instructors, Regional Management Committee (RMC) Chairmen, Philippine National Police (PNP) Taekwondo at Armed Forces of the Philippines (AFP) Taekwondo.

Nakiisa rin sa GA na ginanap sa Rizal Memorial Coliseum ang 500 PTA certified instructors. Sentro ng programa ang pagpapalakas sa PTA national and regional development programs, national competitions at major international competitions.

Kabilang dito ang SEA Games sa Cambodia, World Championships sa Baku Azerbaijan, Asian Games sa Hangzhou, China, Indoor Martial Arts Games (AIMAG) sa Bangkok, Thailand at ATF (ASEAN Taekwondo Federation) Taekwondo Championships na gaganapin sa Marso 11-12 sa Ayala Malls, Manila Bay, Paranaque City.

Clarkson, panay ang ensayo, ready para sa Gilas-FIBA Cup

ni MC - @Sports | December 15, 2023

Sa papalapit na 2023 FIBA World Cup sa Pebrero, patuloy aniya si Jordan Clarkson sa kanyang paghahanda para sa pinakamalaking torneo ng basketball ngayong 2023.

Inaasahang makakasama si Clarkson sa Philippine men's national basketball team sa World Cup na idaraos sa bansa at sa Agosto sa Japan at Indonesia. "I haven't really talked much with anybody [from the Gilas program] but I know that's in the future plans. It is coming up this summer, I'm getting prepared for that," ani Clarkson sa media availability noong Biyernes. "I'm excited for that. We're starting to prepare to get everything down logistics wise, get over there, get ready and compete."

Noong nakaraang fourth window ng FIBA World Cup Asian Qualifiers ng Agosto 2022, naglaro si Clarkson sa unang pagkakataon sa Gilas Pilipinas sa harap ng home crowd Filipino nang talunin ang Saudi Arabia, 84-46. Nagtala si Clarkson ng 23 points sa naturang laro.

Samantala, balik na ang beach volleyball sa NCAA Season 98. Idaraos ng NCAA Season 98 ang torneo mula Enero 17-21 sa sand courts ng Subic Bay Freeport Zone sa Zambales.

Nakatakdang dumepensa ng titulo ang women's defending champion San Beda University sa Martes kontra Arellano University. Samantala, bubuksan ng men's titleholder Emilio Aguinaldo College ang kampanya kontra Jose Rizal University.

Hindi naidaos ang sporting event mula noong Seasons 95 to 97 dahil sa lockdowns na hatid ng COVID-19 pandemic. Ang mga piling laro ay isasaere sa GTV at streamed sa social media platforms ng NCAA Philippines at GMA Sports PH.