PhilCycling women's road team naka-podium sa Biwase Stage 1

ni MC @Sports | March 10, 2023

Nakasampa sa podium ang national women’s road team sa likod ng Vietnamese squads sa Stage 1 noong Miyerkules sa 13th Biwase Cup sa Vietnam kung saan ito ang simula ng pag-iinit ng kanilang mga paa para sa isang international exposure bilang paghahanda sa Cambodia SEA Games sa Mayo.

Ang team na binubuo nina Kate Yasmin Velasco, Marianne Dacumos, Mathilda Krog, Avegail Rombaon at Mhay Ann Linda ay sumegunda sa Vietnamese squads na sina Cong Ty Cp Tap Doan Loc Troi at Tuyep TP HcmVinama matapos ang 66-km criterium race sa paikot ng Binh Duong New City.

Lahat ng tatlong teams ay may pare-parehong accumulated clocking na 10 hours, 4 minutes at 48 segundo (kabuuang oras ng five riders) kung saan ang team classification ay madedetermina sa finish time ng bawat riders.

Tumapos na 8th place si Velasco habang si Dacumos ay 10th sa provisional individual results at kalaunan ay nasa 10th at 12th matapos ang time at sprint bonuses na ipinataw sa general classification.

Sina Rombaon, Krog at Linda ay nasa 17th, 24th at 26th sa hanay ng 90 cyclists sa halos 18 teams mula sa host country, Singapore, Malaysia, Taiawan, Thailand at Kazakhstan.

Tumapos sila na 12 segundo sa likod ng 1-2-3 individual finishers ManeephanJulatip (1 hour, 40 minutes at 36 seconds) (4 na segundo ang layo) at Nguyen Thi Thu Mai ng Vietnam at Nur Aisyah Binti MohdZubir (5 segundong kabuntot) ng Malaysia.

Regular riders sina Velasco, Dacumos, Rombaon at Krog ng Philippine Navy-Standard Insurance team habang si Linda, na unang sumabak abroad ay nasa national team ng Team Excellent.

Nangasiwa si Philippine Olympic Committee (POC) at PhilCycling president Rep. Abraham sa team habang coaches sina Marita Lucas, Alfie Catalan at Joey de los Reyes.

Magsayo, humina laban kay Figueroa sa ud fight

ni MC @Sports | March 6, 2023

Tinalo ni Brandon Figueroa si Mark Magsayo sa pamamagitan ng unanimous decision sa Toyota Arena sa Ontario, California Sabado ng gabi (Linggo sa Manila) para makuha ang karapatang labanan ang reigning world champion na si Rey Vargas.

Sa iskor ng judges: Sina Gary Ritter at Fernando Villareal ay nagkaroon ng 117-109 at Zachary Young 118-108 lahat para sa Figueroa. Si Magsayo ay binawasan ng kabuuang dalawang puntos ni Referee Thomas Taylor dahil sa labis na paghawak.

Nagsalansan ng puntos si Magsayo sa unang bahagi ng laban sa pamamagitan ng magagandang counter punching at eye-popping combination nang lumaban siya sa gitna ng ring.

Si Figueroa ay hindi karaniwang nagsimula sa boxing sa unang dalawang round ngunit bumalik sa kanyang karaniwang pressure style simula sa ikatlong round kung saan nagawa niyang itaboy si Magsayo sa mga lubid.

Tila nagsisimula nang mapagod si Magsayo sa gitnang round at pinilit na humawak para pigilan ang opensa ni Figueroa kung saan binalaan siya ni Referee Taylor ng ilang beses.

Sa 8th round, binawasan ni Taylor si Magsayo ng isang puntos sa paghawak at muli sa ika-11 round habang ang Pinoy ay naghahabol ng hininga.

Ilang beses ding bumagsak si Magsayo sa canvas sa kabuuan ng laban habang siya ay itinulak ni Figueroa pababa nang subukan ni Magsayo na manatiling napakalapit sa katawan ni Figueroa upang pigilan ang Mexican-American na ihagis ang kanyang mga suntok.

Ina-absorb ni Magsayo ang 2nd loss ng kanyang career (22-2-0, 16KOs) at kailangan niyang pagbutihin ang kanyang stamina para makasama ang pinakamahuhusay na manlalaban sa dibisyon.

Inaasahan na ngayon ni Figueroa (24-1-1, 18KOs) si Rey Vargas para sa isa pang shot ng titulo sa kabilang dibisyon.

Imports at iba pang club teams, welcome sa NBTC Nat'l Finals

ni MC / Anthony E. Servinio @Sports | February 18, 2023

Magdadaigan na muli ang pinakamahuhusay na Filipino high school players, local man at imports sa MOA Arena mula Marso 15 hanggang 19 sa 2023 NBTC National Finals at All-Star Game.

"Finally, after a three-year wait, the stage is set for young Filipino talent to shine again. We're very much excited for our tournament to prove that Philippine grassroots basketball is alive and well," ayon kay NBTC Program Director Eric Altamirano.

Ang national championship na pinagwagian ng Nazareth School of National University ng dalawang beses noong 2018 at 2019 ay paglalabanan ng 24 teams na sasalang sa classification contests kung saan ang panalo ay ikaklasipika sa Division 1 habang ang matatalo ay dadalhin sa Division 2.

Ang dalawang dibisyon ay kukuha ng three-team groups of four na magsasagupa sa round-robin eliminations. Ang top team sa bawat grupo ay aabanse sa knockout semifinals at finals, kung saan ang Div. 1 at Div. 2 champ ang kokoronahan.

Sa nakaraang National Finals kung saan ang Bullpups - sa pangunguna nina Carl Tamayo, Terrence Fortea, at Gerry Abadiano ang bumida sa kompetisyon, bagamat kasagupang mabigat sina Jalen Green ng Fil-Am Sports USA, Kai Sotto ng Ateneo de Manila High School, Justine Sanchez at Yukien Andrada ng San Beda High School.

Sa unang pagkakataon, ang NBTC 13th season ay hindi lang nilahukan ng school-based squads, kundi ang iba pang club teams. Lahat ng players ay dapat isinilang bago ang Enero 1, 2004 at may dugong Pinoy. "We're happy to be continuing on the road we've been on since 2017, when we first launched the NBTC 24 as a ranking system that recognizes the future of collegiate basketball and, ultimately, Philippine basketball," ayon kay NBTC Special Projects Head Anton Altamirano.