Pambatong siklista sa SEAG pipiliin na sa Nat'l trial

ni MC - @Sports | July 09, 2021

Pagsabak sa Thailand at Hanoi ang target para sa mga mapipiling lalargang siklista sa Clark Freeport Zone bukas sa idaraos na PhilCycling National Trials for Road kung saan dalawang team elite riders ng bansa ang nakataya ang slot mula rito para maging national team sa dalawang regional competitions sa mga bansang nabanggit ngayong taon.

Ang women’s 17.1-km individual time trial (ITT) ay babanat sa two-day trials, isa sa major criteria para maging national team members ng 8:30 a.m., kasunod ng men’s 24.6-km ITT. Ang men’s and women’s criterium ay gagawin ng tanghali sa Clark Parade Grounds.

“Clark will not only be the epicenter of cycling, but of the entire Philippine sports this weekend as we conduct the trials amid strict health and safety protocols,” ayon kay Philippine Olympic Committee President Rep. Abraham “Bambol” Tolentino . “And with these trials, we hope to show everyone that sports is capable of coming back.”

Nakaiskedyul naman sa Linggo ang road races na 98.40 kms for women at 147.60 kms for men na itinaguyod din ng Standard Insurance, Smart at MVP Sports Foundation, May kabuuang 111 cyclists, 98 men at 13 women ang sasabak sa trials na suportado ng Go for Gold at Chooks-to-Go.

Magpapadala ang Pilipinas ng riders sa Asian Road Cycling Championships sa August 16 to 23 sa Rayong, Thailand, at sa 31st Southeast Asian Games sa November 21 to December 2 sa Vietnam. Nasa ilalim ng bubble environment ang karera alinsunod sa utos ng Central Luzon Regional Task Force, Office of Civil Defense, DO, PNP, Province of Pampanga at Tourism Dept.

Sumasabak na sa light training, 50% na sa ensayo si Pacman

ni MC - @Sports | April 14, 2021

Todo paghahanda ang ginagawa ngayon ni dating eight Division world champion Manny Pacquiao kahit hindi pa nito isinisiwalat kung sino ang makasasagupa sa kanyang pagbabalik sa ring.

Naglabasan sa social media ang nilulutong laban nito kontra kay Terence Crawford sa Hunyo 5 sa Abu Dhabi. Inamin ni coach trainer Nonoy Neri na sumasabak sa light training si Pacquiao sa loob ng kanyang mansion at sa wild card gym para paghandaan ang nalalapit na laban.

Ayon kay Neri, 147 lbs catch weight ang pinaghandaan ng Team Pacquiao habang nasa 50% na ang kondisyon nito. Unti-unti na umanong nililimitahan ang mga tao na makapasok sa kanilang training venue para matutukan ang ensayo ng fighting senator upang makaiwas sa coronavirus.

Wala rin umanong pagbabago sa coaching staff dahil si Buboy Fernandez pa rin ang mamamahala sa pagsasanay ni Pacquiao.

PBA vs. China friendly match aprub bago ang 46th season

ni MC - @Sports | April 12, 2021

Suportado ni Philippine Basketball Association (PBA) team owner at businessman Manuel V. Pangilinan ang suhestiyon ni PBA chairman Ricky Vargas na magkaroon ng friendly match sa pagitan ng PBA players at China bago simulan ang 46th season ng liga.

Ibinigay ni Pangilinan, may-ari ng MVP Group — TNT, Meralco at NLEX teams sa PBA – ang kanyang suporta sa rekomendasyon ni Vargas sa pamamagitan ng tweet. “Yes to Ricky Vargas’s China friendly – hhmmm a bit of an oxymoron nowadays. But hey, if it helps break the pressure and provide relief to our people – lllleeeeezzz ggggoooo PBA!” tweeted ni MVP.

Iminungkahi ni Vargas ang friendly match sa pagitan ng China at select PBA players na tatawaging ‘PBA Warriors’ at iko-coach ni Yeng Guiao na ang layunin ay magbigay ng inspirasyon at pag-asa sa mga tao ngayon panahon ng pandemic.

Nanawagan din ang chairman ng liga ng pagkakaisa sa pagbubukas ng 46th year ng liga. Nabuo ni Vargas ang ideyang friendly match ngayong panahong tumataas ang tensiyon sa pagitan ng Pilipinas at China dahil sa iligal na pagpasok ng China sa teritoryo ng Pilipinas sa West Philippine Sea.