top of page
Search
BULGAR
Oct 16, 2023

7 lungsod, isang linggong mawawalan ng tubig

ni Eli San Miguel - Trainee @News | October 16, 2023




Nag-anunsiyo ang dalawang water concessionaires ng Metro Manila na Maynilad Water Services, Inc. at Manila Water Co. ng isang linggong maintenance na magsisimula ngayong Lunes, Oktubre 16.


Inaasahan na magiging kaunti o walang tubig sa mga bahagi ng Caloocan, Makati, Mandaluyong, Navotas, Quezon City, Rizal, at San Juan sa pagsapit ng gabi hanggang madaling-araw.


Ito ay dahil sa patuloy na network maintenance na isinasagawa ng Maynilad.


Ayon sa Manila Water, magpapatuloy sila sa pag-aayos ng kanilang mga pipelines at network improvement works at interconnection.


Narito ang listahan ng mga apektadong barangay at kanilang schedule:


Oct. 16 to 17

10:00 PM to 4:00 AM

  • Quezon City – Brgys. UP Campus, Krus Na Ligas, Tandang Sora,

  • Mandaluyong City – Brgy. Wack-Wack

10:30 PM to 4:00 AM

  • Caloocan City – Brgy. 162

11 PM to 4 AM

  • Caloocan City – Brgys. 154, 155, 162

  • Navotas – Northbay Boulevard (South), Bagumbayan North, Navotas East, Navotas West

11:00 PM to 5:00 AM

  • Taytay, Rizal – Brgy. San Isidro


Oct. 17 to 18

10:00 PM to 4:00 AM

  • Quezon City – Brgy. Tandang Sora, E. Rodriguez

  • San Juan City – Brgys. Balong Bato, Pedro Cruz, San Perfecto, Progreso, Rivera, Batis

  • Antipolo, Rizal – Brgy. Dalig (Dalaya Division)

10:30 PM to 4:00 AM

  • Caloocan City – Brgys. 6 to 68, 71, 72, 75 to 80, 86, 88, and 90

11:00 PM to 4:00 AM

  • Caloocan City – Brgys. 159, San Rafael

  • Navotas – Northbay Boulevard (North)


Oct. 18 to 19

10:00 PM to 4:00 AM

  • Quezon City – Brgys. Pinagkaisahan, Immaculate Concepcion, Pinyahan

  • San Juan City – Brgys. Ermitanyo, Pasadena


Oct. 19 to 20

10:00 PM to 4:00 AM

  • Makati – Brgys. Santa Cruz, La Paz, San Antonio, Pio Del Pilar, Singkamas, Tejeros, San Lorenzo, Bel-Air, Poblacion

11:00 PM to 4:00 AM

  • Caloocan City – Brgys. 5 to 14, 64 to 66, 69, 70, and 73 to 75


Oct. 20 to 21

11:00 PM to 4:00 AM

  • Caloocan City – Brgys. 28, 31, 156

11:00 PM to 4:00 AM

  • Navotas – Navotas West, Sipac-Almacen, Northbay Boulevard (South)


Hinimok ang mga residente na magsimulang mag-ipon ng kanilang suplay ng tubig sa buong linggo upang maibsan ang karagdagang abala. Sa pagbabalik ng serbisyo ng tubig, ang mga kostumer ay inabisuhan na dapat hayaan ang water flow nang ilang segundo hanggang sa maging malinaw ito.


Samantala, gagamit ang Maynilad ng mga water tanker para maghatid ng tubig sa mga apektadong tahanan.


0 comments
BULGAR
May 16, 2022

Mula Mayo 16 – Hunyo 1.. 10 lugar, nagpatupad ng water service interruptions — Maynilad

ni Lolet Abania | May 16, 2022



Sinimulan na ng Maynilad Water Services Inc. (Maynilad) ngayong Lunes, Mayo 16, ang kanilang implementasyon ng service interruptions sa 10 lugar upang mapangasiwaan ang lebel ng tubig sa reservoirs.


Ayon sa Maynilad, ang mga kostumer ay makararanas ng service interruptions mula alas-10:00 ng gabi hanggang alas-4:00 ng madaling-araw sa ilang bahagi ng mga sumusunod na lugar mula Mayo 16 hanggang Hunyo 1:


• Caloocan

• Makati

• Malabon

• Manila

• Navotas

• Parañaque

• Pasay

• Quezon

• Valenzuela

• Bulacan


Ayon sa Maynilad, ito ay para ma-manage nang maayos ang mabilis na pagbaba ng lebel ng tubig mula sa reservoirs sanhi ng mataas na demand ng tubig sa umaga.


“This will enable us to refill our reservoirs at night in preparation for the daytime peak demand,” paliwanag ng Maynilad.


Pinapayuhan naman ng Maynilad ang mga apektadong kostumer na agad na mag-ipon ng sapat na tubig habang available pa ito sa umaga.


Paalala ng Maynilad sa mga kostumer, kapag bumalik na ang serbisyo ng tubig, hayaan muna na dumaloy saglit ito hanggang sa maging malinaw na ang lumalabas na tubig.


Sinabi rin ng Maynilad, ang mga mobile water tankers ay naka-stand-by lamang at handang mag-deliver ng potable water kung kinakailangan. Alas-6:00 ng umaga ngayong Lunes, nai-record ang water level sa Angat Dam na nasa 191.11 meters, kung saan mas mababa kumpara sa normal high water level nito na 210 meters.

0 comments
RECOMMENDED
bottom of page