Deadpool, Wolverine at iba pang mga pelikula na ipapalabas ngayong linggo, nakakuha ng R-16 rating

ni Angela Fernando @Entertainment News | July 30, 2024

Image: Marvel

Binigyan ng Movie and Television Review and Classification Board (MTRCB) ng Restricted-16 (R-16) rating ang “Deadpool/Wolverine” sa pagtaya ng MTRCB Board Members Bobby Andrews, Jose Alberto V at Johnny Revilla.

Ang R-16 ay para lamang sa mga edad 16 pataas. Ito’y sa dahilang may mga eksenang hindi akma sa mga manonood na edad 15 pababa, tulad ng matitinding karahasan, madudugong eksena at ilang mga mapaminsalang imahen. Binigyang diin ng MTRCB na bagamat may komedya ang pelikula, posibleng nakakabahala pa rin sa mga batang manunuod ang ilang maseselang eksena.

Samantala, binigyan din ng R-16 rating ang "All My Friends Are Dead" ng Pioneer Film sa desisyon nina MTRCB Board Members Andrews, Almira Muhlach at JoAnn Bañaga. Ipinunto ng tatlo ang sekswal na nilalaman ng pelikula, katatakutan na hindi angkop sa mga bata at mga eksena ng karahasan.

Binigyan din R-16 rating ang pelikula ng Pinoyflix Films and Entertainment Production, Inc., na pinagbibidahan nina Alexa Ocampo, Jeffrey Santos, Rash Flores at Lara Morena.

Sa desisyon nina Board Members Bañaga, Andrews at Eloisa Matias, sinabi nilang hindi angkop sa mga edad 15 at pababa ang ilang mararahas at madudugong eksena, paggamit ng armas, droga at pagpapakita ng malubhang pisikal na pananakit.

Pinaalalahanan ni MTRCB Chairperson and CEO Lala Sotto-Antonio ang mga magulang na ang R-16 classification ay maaaring may mga maseselang pananaw sa tema, eksena, lenggwahe, karahasan, sekswal, horror at droga na hindi angkop sa edad 15 at pababa.

Black Panther actor Chadwick Boseman, pumanaw na

ni Lolet Abania | August 29, 2020

Sumakabilang-buhay na ang aktor na si Chadwick Boseman, gumanap na Black Panther sa Marvel cinematic universe, dahil sa sakit na cancer, kahapon, ayon sa kanyang representative.

Pumanaw si Boseman sa edad na 43, sa kanyang tahanan sa Los Angeles, kung saan kasamang namumuhay doon ang asawa at pamilya, pahayag ng publicist na si Nicki Fioravante sa The Associated Press.

Si Boseman ay na-diagnose ng pagkakaroon ng colon cancer, apat na taon nang nakaraan, ayon sa statement ng kanyang pamilya.

"A true fighter, Chadwick persevered through it all, and brought you many of the films you have come to love so much," pahayag ng pamilya.

"From Marshall to Da 5 Bloods, August Wilson's Ma Rainey's Black Bottom and several more -- all were filmed during and between countless surgeries and chemotherapy. It was the honour of his career to bring King T'Challa to life in Black Panther."