Turismo at mga tanyag na lugar igagala sa Galaxy Watch Manila at Cebu Marathon

ni Anthony E. Servinio @Sports | September 2, 2024

Nais ng parating na Galaxy Watch Manila Marathon na maging pangunahing karera sa bansa na maipagmamalaki ng mga Filipino sa buong daigdig. Ang nasabing takbuhan ay gaganapin sa Oktubre 6 sa Mall of Asia at inaasahang aakit ng mahigit 10,000 mananakbo. 

Kasama ang Department of Tourism at mga pamahalaang lokal ng mga daraanang lungsod, magiging bahagi ng ruta ang ilang tanyag na lugar sa lungsod gaya ng Rizal Park at Intramuros. Napipisil na malaki ang maitutulong ng mga karera tulad nito sa turismo sa paglahok ng mga galing mga lalawigan at ibayong dagat. 

Sa kanyang muling pagbisita sa lingguhang Philippine Sportswriters Forum, inamin ni race organizer Coach Rio dela Cruz na marami pang kailangan upang mapabilang sa Abbott Marathon Majors na naghahanap ng bagong mga karera na mahahanay sa Boston, Chicago, New York, London, Berlin at Tokyo Marathon. Subalit may panukala siya na magbuo ng katulad na serye sa Timog Silangang Asya at nakikipag-ugnayan siya sa mga marathon sa Bangkok, Kuala Lumpur, Jakarta, Hanoi at Singapore.

Ipinakilala din ni Coach ang Galaxy Watch Cebu Half-Marathon sa Nobyembre 24 sa City di Mare at tampok ang Cebu-Cordova Link Expressway na pinakamahabang tulay sa bansa. Ang nasabing karera ay huling patikim para sa Philippine Half-Marathon Series 2025 na magsisimula sa Baguio International Half-Marathon sa Enero 26 at tutuloy sa New Clark, Balanga, Maynila, Imus, Legazpi, Iloilo, Bacolod, Cebu, Cagayan de Oro, Dapitan at Davao. 

Samantala, nagdagdag ng dalawang yugto sa matagumpay na serye ng Takbo Para Sa West Philippine Sea sa Baguio sa Oktubre 13 at Dapitan sa Nobyembre 10. Kasama ang Setymbre 8 sa Cagayan de Oro, layunin ng fun run na ipagkaisa ang mga Filipino at ipaglaban ang karapatan sa karagatan.

Hoffman, proud na pambato sa Olympics

ni Clyde Mariano @Sports | July 22, 2024

“I am proud to represent the Philippine in Paris Olympics and see the Philippine flag flying alongside the flags of other countries. My dream hear Lupang Hinirang plays in Paris.”

Sinabi ito ni Lauren Hoffman sa eksklusibong panayam sa National Open Invitational Athletics at sa wakas natupad ng 25-anyos na Filipino-American ang kanyang pangarap makalaro sa Paris Olympics na tumapos ng 39th sa 40th quota or cutoff qualifying.

“I already there. I will play my very best, work extra hard, utilize my running skill and experience to full use to accomplish my dream and win medal for the Philippine,” ani ni Hoffman. 

Inamin ni Hoffmann, gold medalist sa Southeast Asian Games at naglaro sa 19th Asian Games sa China na mahirap ang kanyang pagdaraanan dahil world class ang mga kalaban. “Olympic is not an ordinary sports competition. Competition is tough where the best and the brightest athletes in the world compete. It’s a tough job to accomplish,” wika ni Hoffmann. “Hardwork, aspiration, dedication, determination and desire to win is the key,” ani Hoffmann.

Ang Paris Games ay pangatlong foreign exposure ni Hoffman bilang miyembro ng national track and field team mula 2023 nang manalo ng ginto sa Southeast Asian Games at naglaro sa 19th Asian Games sa Hangzhou, China.

Tatakbo si Hoffman sa 400m hurdles na kanyang dinomina sa SEA Games at dalawang National Athletics Open Invitational sa Ilagan, Isabela at Philsports track and field oval.

Kamakailan sinira ni Hoffman ang national record sa 100m hurdles sa bagong markang 13.41 seconds na ginawa sa Duke Invitational sa Durham, North Carolina.

Binura sa record book ang 25-year old 13.65 seconds na ginawa ni Sheena Atilano sa Asian Athletics sa New Delhi, India.

Lantad, 2nd c'ship sa TPSK, Rolillio, champ sa Water Run

ni Anthony E. Servinio @Sports | July 18, 2024

Parang rumaragasang tubig ang bilis ng mga kalahok sa matagumpay na pagtatapos ng Water Run, ang ikalawang yugto ng seryeng Takbo Para Sa Kalikasan 2024 noong Linggo ng umaga sa CCP Complex. Inagaw ni Melody Lantad ang pansin sa kanyang ikalawang sunod na kampeonato at pangunahan ang pulutong ng mga kampeon hindi lang sa takbuhan kundi mga kampeon din para sa Inang Kalikasan. 

Wagi si Lantad sa tampok na 18 kilometro sa oras na 1:31:14 upang idagdag sa kanyang tagumpay sa 16 kilometro ng Fire Run noong Mayo. Naiwan para pagtalunan ang pilak sina Shamira Habie (1:34:35) at Jennifer Padallan (1:34:37) na dalawang segundo lang ang namagitan. 

Pangkalahatang kampeon sa 18k si Badz Rolillio sa 1:10:17.  Dinaig niya si Alex Gumanay Jr. (1:13:16) na hindi nasundan ang kanyang tagumpay sa Fire Run 16 kilometro at pangatlong si Kit Feliciano (1:15:56).

Sa ibang mga kategorya, kampeon sa 10 kilometro si Jose Fabito Jr. sa oras na 37:07. Iniwan ni Fabito sina Mark Angelo Biagtan (38:51) at Jevie Avila (40:26). 

Matapos ang maikling diskusyon, itinanghal na kampeon ng kababaihan si Decerie Encomino (49:53) na bumawi mula sa pagiging pangalawa noong Fire Run. Pangalawa si Maria Isabel Galon (57:03) at pangatlo si Carizza Sotalbo (59:03). 

Sa limang kilometro, pinakamabilis si Cavin Vidal nagtapos sa 19:32 at sinundan nina Ronie Fernandez (21:04) at Jerald Anthony Linga (21:42). Wagi sa kababaihan sina Hazel Anne Zamora (23:28), Louella Carpio (25:00) at Anilita Cinco (27:59). 

Maghahanda na ang lahat para sa pangatlong yugto ng serye, Air Run, sa Setyembre 22. Wawakasan ang serye ng Earth Run sa Nobyembre 24.  

Ang BULGAR ay opisyal na media partner ng Takbo Para Sa Kalikasan 2024.  Namahagi ng mga regalo at nagkaroon ng pagkakataon na masamahan si Bulgarito na naghatid ng saya sa lahat.