Air Force overall champ sa Phl Masters, RTC hakot ng medalya

ni MC @Sports News | Nov. 27, 2024

Ang Running Team Calabarzon (RTC) nang humakot ng medalya sa Philippine Masters International Athletics Championships kasama sina 77-year old Rosalinda Pendon Ogsimer na naka-8 gold sa athletics, 65-yr old coach Bhen Alacar ginto sa racewalk at NMSAAP organizer Judith Staples na ginto rin sa pole vault na idinaos sa Philsports Arena nitong nagdaang Nob. 8-10. (nmsaapfbpix)

Overall Champion ang Philippine Air Force sa Philippine Masters International Athletics Championships na idinaos sa Philsports Arena nitong nagdaang Nob. 8-10 kung saan nakasungkit sila ng 40 golds, 24 silvers at 17 bronzes habang runner up ang Police team sa 32 golds, 17 silvers at 15 bronzes, 2nd runner up ang First Sports Northern Philippine Athletics ng 30 golds, 37 silvers at 16 bronzes.

Gold naman sa discus throw, 36.22 m ang 43-anyos na si Arnel Ferrera. Namayani sa age 65 ng 4x100 m relay sina Demetro Advincula, Renato Dichoso, Escano Virgilio at Severino Alacar ng Team Baguio para sa gold sa oras na 1:09.42. Gold din si Alacar sa 3000m racewalk.

Si Judith Staples ang namayani sa pole vault, age-55 sa taas na lundag na 1.75 m. Gold si Jojie Daga-as sa age 47 ng Team Hukbong Kabitenyo sa 300m steeplechase men. Gold si 77-yr old Rosalinda Ogsimer sa 400m (2:19.28) Sa mga resulta ng laro hindi nagpahuli ang Running Team Calabarzon (RTC) nang maka-3 gold medal si Evelyn Nicolas sa F55 Category sa 10,000m Run, 5,000m Run, 4x400m Relay at bronze sa 100m Dash.

Sinundan ni 62-yrs. old Marlene Gomez Doneza ng Batangas City na naka- 4 golds sa F60 (10,000m Run, 5,000m Run, 3,000m Race Walk at 4x400m Relay). Hindi rin nagpahuli si 77-year old Orlando Tatay Orly Payumo sa M75 Category 5,000m Run- Gold habang si Randel Bagamasbad sa M30 category ay bronze sa 5,000m run.

Bumida rin si Lany Cardona Adaoag sa F30 Category ng 5,000m Run- Gold habang si Grace Gracia ay may 2 ginto sa discus throw at 4x400m at bronze sa 10,000m run sa F45 Category. Ginto rin si Jocelyn Davo Elijeran sa F45 Category ng 10,000m Run, maging si Nelson Elijeran sa M45 category ay bronze sa 1,500m Run.

Si Grace Panalangin sa F45 category ay bronze medal sa 10,000m Run habang silver naman si Darryl Golimlim sa M35 Category ng Javelin Throw at Nympha Miano-Ang sa bronze ng F55 category ng 5,000m run.

UP double gold sa Athletics, Ateneo at DLSU Tankers astig

ni Gerard Arce @Sports | Nov. 19, 2024

File photo

Kuminang sa takbuhan si dating Palarong Pambansang distance runner champion Mia MeaGey Niñura upang makuha ang kauna-unahang double gold medal sa 87th season University Athletic Association of the Philippines (UAAP) Athletics Championships matapos pagreynahan ang women’s 5,000 meters, Lunes ng umaga sa New Clark City Stadium sa Capas, Tarlac.

Dinuplika ng graduating senior mula Kapatagan National High School ang unang gold medal sa 10,000 meters nitong Linggo para dominahin ang paligsahan sa oras na 18:47.33, kontra national triathlete Erika Burgos, na tumapos sa 18:54.90 at kay Jessa Mae Roda ng NU para kumpletuhin ang podium finish sa 19:14.50.

“Ngayong season ang ginagawa ko is gusto kong bumabawi ako for the last season ko. Kasi tapos na ko mag-aral, kumbaga giving back na lang sa Unibersidad ng Pilipinas. Ito ‘yung nagpa-aral sa ‘kin eh at dahil sa university, nakapagtapos ako,” pahayag ng Physical Education graduate, na minsang nag-reyna sa Palarong Pambansa.

Hindi nagpahuli ang pambato ng UST nang pumukol ng gold sa women’s javelin throw mula kay Lanie Carpintero sa distansiyang 47.36 metro.

Samantala sa ilalim ng makulimlim na panahon, nagtala ang Ateneo de Manila University at De La Salle University ng record-breaking performances sa New Clark City Aquatic Center sa Day 1 ng UAAP Swimming Championships kung saan namayani ang bawat koponan nila sa men’s at women’s relay events.

Dinomina ng Ateneo’s Ivo Enot, Rian Tirol, Victoriano Tirol IV, at Nathan Sason ang men’s 4×50-meter Medley Relay sa oras na 1:45.31.

Kumolekta ang Blue Eagles ng 4 golds, 2 silvers, at 2 bronzes sa Day 1. Winasak ng Green Tankers ang UAAP record sa Men’s 4×200-meter Freestyle Relay. Naorasan sina Alexander Chu, Josemaria Roldan, Bryce Barraza, at Reiniel Lagman sa 8:00.19.

'Run to Reforest,' lahat kalahok sa tree planting

ni Anthony E. Servinio @Sports | Nov. 14, 2024

Ang mga opisyales na sina Darwin Patacsil at Rowena Tan ng APO Half Marathon, Jenny Lumba ng Green Media Events, Kaye Javellana at Joel Cervania ng Team Malofit ang mangangasiwa sa 2025 Race to Reforest na gaganapin sa Pebrero 23, 2025 sa isang lugar sa NCR sa idinaos na media launching ng patakbo sa McDonald, PRC, Makati City. (Gen Villota)

Hindi na kailangang maghintay ng isang taon at magbabalik na agad ang mas pinalaking APO Half-Marathon sa Pebrero 23, 2025 sa Mall of Asia.

Handog ng kapatiran ng Alpha Phi Omega at Green Media Events 2025 edisyon ito ay may pamagat na “Race To Reforest” para sa Million Trees Foundation.

Tampok muli ang Half-Marathon o 21.1 kilometro kasama ang 10 at 5 kilometro. Lahat ng makakatapos ay gagawaran ng medalyang ginto (21.1), pilak (10) at tanso (5) na may kasamang t-shirt at regalo mula sa mga sponsor.

Dahil katulong ang APO Runners, asahan na maaalagaan ang kapakanan ng lahat ng kalahok sa pamamagitan ng sapat na inumin at mga nakaantabay na paunang lunas at tulong medikal.

Subalit bilang isang fun run, tiyak na aabangan ang mga ihahandang lechon sa mga piling himpilan sa kahabaan ng ruta. Naging mas malalim ang layunin ng Race To Reforest matapos ang mga bagyong tumama sa bansa kamakailan.

Nadiin ang kahalagahan ng pagtatanim ng puno upang makatulong maiwasan ang mga pagbaha. Maaaring magpalista online na sa My Run Time at may diskwento ang mga maaga.

Antabayan din ang pagpapalista sa mga mall at sa mga ibang mga fun run. Ginanap noong nakaraang Abril ang huling patakbo ng APO Fun Run. Matagumpay na nakalikom ito ng pondo para sa Philippine Animal Welfare Society (PAWS) na isinusulong ang karapatan ng mga alagang hayop.

Samantala, nakatakda ngayong Nob. 17 ang huling yugto ng seryeng Takbo Para Sa Kalikasan na Earth Run sa Cultural Center. Susundan nito ang mga naunang matagumpay na karera Fire Run, Water Run at Air Run. Official media partner nito ang Bulgar.