'Pag naluklok na pangulo nang 2022... Pacquiao sa corrupt offc'ls: "Ito na ang huling eleksyon n'yo"

ni Zel Fernandez | May 1, 2022

Sa isinagawang grand rally sa Cagayan De Oro City, kagabi, masugid na hiningi ni presidential candidate Manny Pacquiao ang boto ng mga nagsidalo, na pagbigyan siyang maluklok sa pinakamataas na posisyon sa bansa ngayong Halalan 2022.

Ani Pacquiao, “Bilyon-bilyon ang budget natin, taon-taon, pero wala po tayong nakita... wala akong nakita na opportunity para sa mga kababayan kong (naghihirap). Kaya bayan, ako’y nakikiusap sa inyong lahat, samahan ninyo ako, pagbigyan n’yo lang ako nang anim na taon lang... anim na taon lang pagbigyan n’yo ‘ko.”

Pagtiyak ni Pacquiao, kapag siya ang nahalal na bagong pangulo ng Pilipinas, wala umano siyang sasantuhing appointed o elected government official at ipakukulong ang sinumang mapatunayan niyang sangkot sa korupsiyon.

Tinataya namang aabot umano sa may 372,293 ang bilang ng mga registered voters sa Cagayan De Oro City ngayong 2022 elections.

Presidential aspirant Pacquiao, hindi pabor sa paulit-ulit na lockdown

ni Jasmin Joy Evangelista | January 29, 2022

Inihayag ni presidential aspirant Manny Pacquiao sa Presidential One-on-One Interview ni Boy Abunda na sisiguraduhin niyang hindi mauulit ang naranasan ng mga Pilipino na pabalik-balik na lockdown, sakaling siya ang manalong presidente.

Ayon kay Pacquiao, napakaraming negosyo ang naapektuhan at marami ang nawalan ng trabaho na sanhi ng pagkagutom ng mga Pilipino.

Dagdag pa ng senador, mabuting diskarte ay isang lockdown lang kasabay ang agresibong pagbabakuna sa mga gusto ng vaccine. Matapos nito ay agad na pagbubukas ng ekonomiya o negosyo.

Hindi rin daw dapat pilitin ang mga ayaw magpabakuna.

Aniya pa, dapat may nakakasa nang programa ang gobyerno sakaling may bago na namang COVID variant na lumabas.

“Dapat may mga programang nakaabang dyan. Ang sinasabi ko dito magkaroon tayo ng long term concrete plans. Kasama sa plano… magdevelop ng imprastraktura (para sa COVID),” aniya.

Pacquiao, tinanggalan ng titulo ng WBA

ni Ronalyn Seminiano Reonico | January 30, 2021

Inalis na ng World Boxing Association (WBA) ang Welterweight “Super” Welterweight Champion title ni Manny Pacquiao matapos ideklarang “champion in recess” ang senador.

Pahayag ng WBA, "Filipino Manny Pacquiao has been named Champion in Recess by the World Boxing Association (WBA) in a resolution issued by the Championships Committee, while Cuban Yordenis Ugas was promoted to Welterweight Super Champion.

"Rule C.22-24 states that when a champion is unable to defend the belt for medical, legal or other reasons beyond his control, he may be named champion in recess."

Napanalunan ni Pacquiao ang "super" title noong July 2019 matapos pabagsakin si American Keith Thurman.

Samantala, todo-pasasalamat naman si Ugas sa naturang balita.

Aniya sa kanyang tweet, “Thank God, my agent, my team, family and fans today is a great day for me. Thanks to the WBA for raising me to Super Champion and doing what is best for Sport. “Manny Pacquiao is a legend and he will always be champion, his intention was Mcgregor and now Ryan, but you cannot... behind your history, hijack a championship. This gives fans a chance to see a great unification fight at 147 lbs.

"I don't want this position for easy fights. My team has my consent for my next fight to fight Pacquiao if he wants to show who he is the true WBA champion or another of the champions for a great unification fight.

“I am a warrior committed to his career and to his fans, who have fought and earned every penny and every opportunity. Thank you all and I can't wait to announce what's next. I am grateful and very excited.”

Aniya pa, “Pacquiao took Thurman belt off. He had the opportunity of him. He was not going to give me the opportunity, nor did he want unification. It's the difference. My next fight I want unification. Looks like I'll have the fight that I've been chasing for years. Do not hate me. Congrats me.”