Pang-apat lang daw… Pacquiao sa Pulse Asia survey: Baka mayaman lang tinanong nila

ni Jasmin Joy Evangelista | March 15, 2022

Hindi umano naniniwala si presidential candidate Manny Pacquiao sa pinakabagong resulta ng Pulse Asia survey kung saan ikaapat lamang siya sa puwesto ng mga nais ng mga Pinoy na maging pangulo, dahil baka raw mayayaman lang ang tinanong sa survey.

Naniniwala si Pacquiao na suportado siya ng mahihirap, lalo na ang mga kabilang sa class D at E.

“Baka ‘yung mga mayayaman lang tinanong nila, hindi nila tinanong yung mga mahihirap na tao. Basta kumpiyansa pa rin ako na ang mahihirap na tao ay sama sama ngayon para magakaroon sila ng importansya at umulad ang kanilang pamumuhay,” pahayag ni Pacquiao sa isang press briefing.

Sinabi rin niya na hindi siya naniniwala sa resulta ng mga survey dahil “mind conditioning” lamang ito at tingin niya ay mayroon siyang chance na manalo sa pagkapangulo.

“Kahit i-zero pa nila ako sa Luzon, Visayas at Mindanao, hindi pa rin ako matitinag. Mind conditioning ‘yan sa taumbayan pero alam ko ang tao ay kailangan nila ‘yung tunay na pagbabago,” ani Pacquiao.

Nagsagawa rin umano ng internal surveys ang kanilang team kung saan ibang-iba raw ito sa inilalabas ng survey firms tulad ng Pulse Asia at Social Weather Stations.

Kampante umano siya dahil sa dami ng kanyang supporters tuwing mayroong campaign rally.

“Hindi lang ang mga mayayaman ang tatanungin natin. Dapat ‘yung mga mahihirap ang tinatanong, yung D, E class kasi sila ang nangangailangan ng tulong, sila ang naiiwan, at sila ang pinakamarami,” aniya pa.

Wala raw moral ascendancy… BBM hindi kayang pamunuan ang bansa — Pacquiao

ni Jasmin Joy Evangelista | March 5, 2022

Naniniwala umano si Senator Manny Pacquiao na walang moral ascendancy si former senator Ferdinand “Bongbong Marcos” Jr. para pamunuan ang bansa dahil sa tax-related case nito.

Sa panayam ng mga reporters kay Pacquiao sa Nueva Ecija, pinuna ni Pacquiao ang mga botante na sumusuporta umano sa mga politikong may maduming record at kilala bilang corrupt.

“Basta ako, nagreremind ako sa kanila, ang pinakabobo talaga ’yung mga boboto ng mga nagnanakaw, kasi ninakawan ka na, boboto mo pa,” ani Pacquiao.

Nang tanungin kung naniniwala siyang may right o moral ascendancy si Marcos Jr. na maging pangulo, sagot ni Pacquiao: “Para sa akin, siyempre, kandidato rin ako, siyempre masasabi ko na wala.”

“Bayan, alalahanin natin ha, kasali siya doon sa Napoles case. Baka nakalimutan ng taumbayan ’yung Napoles.”

Pacquiao: Marami akong supporters sa Northern Luzon kaya ‘di ako naniniwala sa Solid North

ni Jasmin Joy Evangelista | February 22, 2022

Hindi raw naniniwala sa ‘Solid North’ si presidential aspirant Manny Pacquiao dahil marami siyang supporters sa Northern Luzon.

Ang terminong “Solid North” ay tumutukoy sa malakas at compact na suporta ng Northern Luzon, partikular ang Ilocos region, na mga botanteng pabor kay presidential aspirant Ferdinand “Bongbong” Marcos Jr.

“Hindi po ako naniniwala ng ganun kasi may mga, andami kong supporters dun sa Northern Luzon,” ani Pacquiao.

Ang Ilocos Region at iba pang Ilocano-speaking provinces at neighboring Cagayan Valley ay matagal nang kilalang balwarte ng mga Marcos, dahil ang naturang pamilya ay mula sa Batac, Ilocos Norte.