Luzon grid, inilagay sa red alert.. 1M kostumer, nawalan ng kuryente — Meralco

ni Lolet Abania | June 18, 2022

Pinutol pansamantala ng Manila Electric Company (Meralco) ang suplay ng kuryente sa mahigit isang milyong customers nito ngayong Sabado, habang ang Luzon power grid ay inilagay sa red alert.

Sa isang advisory, ayon sa Department of Energy (DOE), alas-2:45 ng hapon ay isinailalim ng National Grid Corporation of the Philippines (NGCP) ang Luzon grid sa red alert, na ang ibig sabihin ay nakaranas ng kakulangan sa power supply na maaaring humantong sa pagkakaroon ng power interruptions dahil sa tinatawag na “generation deficiency.”

Ito ang nag-trigger ayon sa DOE, para makaranas ng power interruption sa mga franchise areas ng Meralco at iba pang distribution utilities sa Luzon.

Sa hiwalay na advisory, sinabi ng Meralco na nagpatupad sila ng automatic load dropping (ALD), isang safety procedure kung saan ang kuryente o power ay kanilang pinutol sa mga certain areas dahil sa napakababang suplay nito nang mas maaga pa ng alas-1:53 ng hapon.

“This was due to the decrease of an approximate 1,200 megawatts in Meralco’s load affecting around 1.6 million customers in portions of Caloocan, Valenzuela, Malabon, Manila, Makati, Muntinlupa, Las Piñas, in Metro Manila; as well as parts of Bulacan, Rizal, Laguna and Cavite,” saad ng Meralco. Gayunman sinabi ng Meralco, “the power was fully restored by 2:11 p.m.”

Ayon naman sa DOE, “a report by the NGCP stated that the Hermosa-BCCP 230 kilovolt lines 1 and 2 tripped and isolated the Bataan Plants, resulting in ALD at Meralco and NGCP feeders at 1:53 p.m.” Ani pa ng ahensiya na ang mga apektadong ALD feeders mula sa Meralco at ang NGCP ay nai-restore ng alas-2:11 ng hapon at alas-2:30 ng hapon, ayon sa pagkakasunod.

“This prompted the DOE to instruct the NGCP to immediately resolve the transmission line issues, submit to the DOE the list of affected customers that experienced power interruption, and explain the details of the incident,” pahayag ng DOE.

“The DOE has also initiated its coordination with the Energy Regulatory Commission in addressing this matter,” dagdag ng ahensiya.

Putol-kuryente, bawal pa rin

ni Lolet Abania | April 29, 2021

Nag-abiso ang Manila Electric Co. (Meralco) sa lahat ng konsumer para sa pagpapalawig ng suspensiyon ng disconnection nang hanggang Mayo 14, kasunod ng anunsiyo ng gobyerno sa extension ng modified enhanced community quarantine (MECQ) sa National Capital Region, Bulacan, Cavite, Laguna, at Rizal.

“Given the current situation and the extended MECQ, we continue to take into consideration the challenges our customers are facing amid these difficult times. Thus, we will continue to put on hold all disconnection activities until May 14, 2021,” ani Ferdinand Geluz, ang first vice-president at chief commercial officer ng Meralco.

“We hope this additional extension will help ease the burden of our customers, while providing the necessary relief and additional time for them to settle their bills,” dagdag ni Geluz.

Aniya, patuloy ang Meralco na magseserbisyo sa mga mamamayan habang nangakong tutugunan ang lahat ng interes at kailangan ng mga consumers sa panahon ng pandemya.

Ayon pa sa power distributor, tuluy-tuloy din ang kanilang mga operasyon, gaya ng meter reading at pagsunod sa mga iniatas ng Energy Regulatory Commission (ERC), habang sineserbisyuhan ang lahat ng mga customers.

Walang putol-kuryente hanggang Enero 31, 2021

ni Lolet Abania | December 20, 2020

Palalawigin ng Manila Electric Company (Meralco) ang kanilang no-disconnection policy nang hanggang January 31, 2021, ayon kay Speaker Lord Allan Velasco.

Ito ang naging mungkahi ni Velasco sa Meralco na i-extend ang no-disconnection policy ng kumpanya para maipagpatuloy ang bayanihan spirit sa gitna ng COVID-19 pandemic.

“The extended grace period being given to our fellow Filipinos during the holiday season will provide much needed reprieve to those reeling from the devastating effects of the pandemic and natural calamities,” ani Velasco sa isang statement ngayong Linggo.

“This good gesture on the part of Meralco will go a long way in helping our kababayans feel secure this Christmas,” dagdag ni Velasco.

Noong November 30, nagpadala ng liham si Velasco kay Meralco President Ray Espinosa na humihiling ng extension para sa no-disconnection policy ng kumpanya mula ngayong Christmas season hanggang sa katapusan ng Enero, 2021.

Ani Velasco, malaki ang maitutulong nito sa lahat ng Meralco customers na matinding naapektuhan ng COVID-19 pandemic. “We appreciate that Meralco had extended the same courtesy during the height of the nationwide lockdown and we expect that the company will be as considerate this yuletide season,” ayon sa sulat ni Velasco.

Bilang tugon, nagpadala naman ng liham si Espinosa noong December 14 kay Velasco kung saan nakapaloob dito, "After careful evaluation and in consideration of the request, Meralco will extend its no-disconnection policy for unpaid bills from December 31, 2020 to January 31, 2021.”

Dagdag ni Espinosa, dahil sa extended grace period, makikinabang dito ang mahigit sa tatlong milyong Meralco customers na kumokonsumo ng 200 kilowatt kada oras at pababa sa kanilang monthly billing na Disyembre, 2020 na tinatayang nasa 47 porsiyento ng kabuuang mga customers.