Pinakamodernong kulungan, kasya ang 900 preso

ni Lolet Abania | July 27, 2021

Isinagawa ng Bureau of Jail Management and Penology (BJMP) ngayong Martes ang inaugural blessing ng bagong tayong Mandaluyong City Jail na nasa Maysilo Circle, Barangay Plainview.

Sa isang pahayag ng BJMP, ang P515 milyon halaga ng 9-story facility na may kasamang 24 detention cells ay makakabawas sa congestion rate o pagsisiksikan sa loob ng kulungan ng mga inmates mula 722% hanggang sa -835%. Anila, “Thus, achieving a zero-congestion rate.”

Mailalagay na sa ayos ng bagong Mandaluyong City Jail ang 758 male at 101 female persons deprived of liberty (PDL) na kasalukuyang naka-detain sa Mandaluyong City Jail - Male and Female Dormitories.

Kabilang sa mga opisyal na dumalo sa inagurasyon ay sina Mandaluyong City Mayor Menchie Abalos, ang Department of Public Works and Highways, at si Congressman Boyet Gonzales.

Ayon kay Abalos, ang New Mandaluyong City Jail ay pinakamodernong kulungan sa bansa at kinokonsidera bilang isang “green building.” Matatandaang noong 2020, ayon sa Commission on Audit sa 2019 report ng BJMP, ang naging populasyon sa mga kulungan ay umabot na sa kabuuang 130,667 nitong Disyembre 31, 2019, kung saan lumampas sa ideyal na kapasidad ng mga kulungan na 24,306.

Sa Region 9 na pinaka-congested ay nasa 821%, kasunod ang National Capital Region (NCR) na nagtala naman ng congestion rate na 645%, habang ang rank third ay ang Region 7 na nasa 611% congestion rate. Samantala, ang mga kulungan sa Cordillera Administrative Region ang hindi gaanong masikip na nasa 103%, kasunod naman ang Region 2 na nasa 107% at ang Region 4B ang ikatlong least congested na nasa 222%.

2 positibo sa bagong variant ng COVID-19 sa Mandaluyong

ni Mary Gutierrez Almirañez | March 10, 2021

Kumpirmadong isa ang positibo sa UK variant, habang isa rin sa South African variant ng COVID-19 sa Mandaluyong City, ayon sa panayam kay Mayor Menchie Abalos kaninang umaga, Marso 10.

Aniya, "Karamihan kasi sa amin na nagkaroon ng COVID, mga condominium. Karamihan d'yan, 1 lang per floor. Ang hirap namin i-lockdown, pero pinapabantayan na lang namin. Kinakausap na lang namin 'yung mga administrator ng condo na kung puwede, higpitan na lang nila 'yung kanilang amenities.”

Hiniling ng alkade na ipasara muna ang bawat gym at swimming pool sa mga condominium. Tiyakin din aniya na nakukuha palagi ang body temperature at siguraduhing may inilaang foot bath para sa mga pumapasok sa bawat establisimyento.

Dagdag niya, dumoble ang bilang ng aktibong kaso sa lungsod mula sa 134 ay naging 276 na ito. Iginiit pa niyang dulot iyon ng pagbabalik sa trabaho ng mga empleyado at ang pagiging kampante ng mga residente.

Sa ngayon ay pinaplano ng alkalde na ipasara ang isang pasilyo mula sa mga block ng Barangay Addition Hills.

Kinasuhan sa ilegal na armas at pampasabog Newspaper editor at member ng union, pinalaya na

ni Ronalyn Seminiano Reonico | March 5, 2021

Ipinag-utos ng Mandaluyong Court ang pagpapalaya sa journalist-editor na si Lady Ann Salem ng Manila Today at member ng unyon na si Rodrigo Esparago isang buwan matapos ibasura ang kasong illegal possession of firearms and explosives laban sa kanila.

Si Judge Monique Quisumbing-Ignacio ng Mandaluyong City Regional Trial Court Branch 209 ang nag-issue ng naturang kautusan.

Kabilang sina Salem at Esparago sa mga inaresto ng awtoridad noong December 10 kung saan nakuha diumano sa dalawa ang mga ilegal na armas at pampasabog.

Noong nakaraang buwan, ayon sa korte ay walang sapat na basehan para mag-issue ng search warrant sa bahay ng dalawa.

Saad ng Public Interest Law Center na tumayo para dumepensa kina Salem at Esparago, “The order is a breather in the midst of the continuing attacks against journalists and lawyers.

“We hope that the other victims of the trumped up charges resulting from the implementation of this void search warrant will be released from detention also. We will work harder to break the cycle of police abuse in search warrant applications and implementation, and political persecution on the whole.”